Entertainment (Page 66)

തിരുവനന്തപുരം : ഒട്ടനവധി ചിത്രങ്ങൾക്ക് അവാർഡ് ലഭിച്ചപ്പോൾ അതിൽ ഒരു സിനിമ താൻ ചെയ്തതാണെന്നുള്ളത് അഭിമാനം തരുന്ന കാര്യമാണെന്ന് കുഞ്ചാക്കോ ബോബൻ. സിനിമയെന്നോ അവാർഡ് എന്നോ താൻ സ്വപ്നം പോലും കണ്ടിട്ടില്ലെന്നും ഇപ്പോൾ സിനിമകൾ മാത്രമാണെല്ലാമെന്നും നടൻ പറഞ്ഞു. ന്നാ താൻ കേസ് കൊട് എന്ന സിനിമ വിവാദങ്ങളിലിടം പിടിച്ചെങ്കിലും കേരളത്തിലെ ജനങ്ങൾ ഇരു കയ്യും നീട്ടി സ്വീകരിച്ചതും ഇപ്പോൾ ചലച്ചിത്ര പുരസ്കാരത്തിൽ പ്രത്യേക ജൂറി പരാമർശം നേടിയതും സന്തോഷമുള്ള കാര്യമാണെന്ന് കുഞ്ചാക്കോ ബോബൻ പറഞ്ഞു.

മലയാളത്തിലെ സിനിമകളുടെ മൂല്യം അന്യഭാഷാ ചിത്രങ്ങളെടുത്താൽ മനസിലാക്കാൻ പറ്റുമെന്ന് നടൻ വ്യക്തമാക്കി. സാമൂഹ്യമായും രാഷ്ട്രീയമായും പ്രസക്തിയുള്ള തന്റെ ചിത്രത്തിന് അംഗീകാരം കിട്ടിയപ്പോൾ നടൻ എന്ന നിലയിലും കോ പ്രൊഡ്യൂസർ എന്ന നിലയിലും അഭിമാനം ഉണ്ടെന്ന് കുഞ്ചാക്കോ ബോബൻ അഭിപ്രായപ്പെട്ടു. മമ്മൂക്കയ്ക്ക് അവാർഡ് ലഭിച്ചപ്പോൾ ആ പേരിനൊപ്പം തന്റെ പേര് വന്നത് തന്നെ വലിയൊരു അവാർഡ് ആണെന്നും പറഞ്ഞാണ് നടൻ വാക്കുകൾ അവസാനിപ്പിച്ചത്.

കൊച്ചി : കേരള സംസ്ഥാന ചലച്ചിത്ര പുരസ്കാരം ഇന്ന് വൈകിട്ട് 3 മണിക്ക് സാംസ്കാരിക മന്ത്രി സജിചെറിയാൻ പ്രഖ്യാപിക്കും. ഈ വട്ടം മികച്ച നടനുള്ള വിഭാഗത്തിലാണ് കടുത്ത മത്സരം. പുഴു, നൻപകൽ നേരത്ത് മയക്കം, റോഷാക്ക്, ഭീഷ്മപർവ്വം എന്നീ സിനിമകളിലെ മികച്ച പ്രകടനത്തിലൂടെ മമ്മൂട്ടി മുന്നിലാണ്. ന്നാ താൻ കേസ് കൊട്, അറിയിപ്പ് എന്നീ ചിത്രങ്ങളിലൂടെ കുഞ്ചാക്കോ ബോബനും, മലയൻകുഞ്ഞു സിനിമയിലൂടെ ഫഹദ് ഫാസിലും, വഴക്ക്, അദൃശ്യ ജാലകങ്ങൾ എന്നീ ചിത്രത്തിലെ പ്രകടനത്തിലൂടെ ടോവിനോയും പിന്നിൽ തന്നെയുണ്ട്.

ജയ ജയ ജയ ഹേയിലെ പ്രകടനത്തിന് ദർശന രാജേന്ദ്രനും അറിയിപ്പ് എന്ന ചിത്രത്തിലെ പ്രകടനത്തിന് ദിവ്യ പ്രഭയും മികച്ച നടി എന്ന പുരസ്കാരത്തിനായുള്ള പോരാട്ടത്തിലുണ്ട് . അപ്പൻ, ഇലവീഴാപൂഞ്ചിറ, സൗദി വെള്ളക്ക, നൻ പകൽ നേരത്തെ മയക്കം, ഏകൻ, അനേകൻ, അടിത്തട്ട്, ബി 32 മുതൽ 44 വരെ എന്നീ സിനിമകളാണ് അവസാനറൗണ്ടിലെത്തിയ 44 സിനിമകളിൽ ചിലത്. സൗദി വെള്ളക്കയിലെ പ്രകടനത്തിന് ദേവി വർമക്കും,അപ്പനിലെ പ്രകടനത്തിന് അലൻസിയറിനും പുരസ്‌കാര സാധ്യതയുണ്ട്. കൂടാതെ പുതുമയുള്ള ഒട്ടേറെ ചിത്രങ്ങൾ ഈ വട്ടവുമുണ്ട്. പുതുമയ്ക്കാണോ പ്രേക്ഷകപിന്തുണയ്ക്കാണോ പുരസ്കാരം നൽകുന്നതെന്ന് കണ്ടറിയേണ്ടതുണ്ട്

കൊച്ചി : കുഞ്ചാക്കോ ബോബനെ നായകനാക്കി സെന്ന ഹെഗ്‌ഡെ സംവിധാനം ചെയ്ത മലയാള ചിത്രവുമായി ബന്ധപ്പെട്ട് അടുത്തിടെ വാൻ വിവാദം ഉയർന്നിരുന്നു. കോടികൾ വാങ്ങിയിട്ടും സിനിമയുടെ പ്രൊമോഷന് പങ്കെടുക്കാതെ യൂറോപ്പിൽ അവധി ആഘോഷിക്കുന്നുവെന്നായിരുന്നു സിനിമയുടെ നിർമാതാവിന്റെ കുഞ്ചാക്കോ ബോബനേതിരെയുള്ള ആരോപണം. എന്നാൽ കുഞ്ചാക്കോ ബോബനെ പിന്തുണച്ച് വള്ളീം പുള്ളീം തെറ്റി സിനിമയുടെ നിർമാതാവ് ഫൈസൽ ലത്തീഫ് ഇപ്പോൾ രംഗത്തെത്തിയിരിക്കുകയാണ്.

താൻ നിർമിച്ച ചിത്രം പരാജയപ്പെട്ടപ്പോൾ ചെക്ക് മടക്കി തന്നയാളാണ് കുഞ്ചാക്കോ ബോബൻ എന്ന് ഫേസ്ബുക് കുറിപ്പിലൂടെ പറഞ്ഞിരിക്കുകയാണ് നിർമാതാവ്. കുഞ്ചാക്കോ ബോബൻ സിനിമ പരാജയപ്പെട്ട സമയത്ത് ക്യാഷ് തിരികെ തന്നെന്നും നടൻ നിർമാതാക്കളെ ദ്രോഹിക്കുന്നയാൾ അല്ലെന്നും ഇപ്പോൾ ഇത് രേഖപ്പെടുത്തിയില്ലെങ്കിൽ കുറ്റബോധം പിന്നീട് തോന്നുമെന്നാണ് ഫേസ്ബുക്കിലൂടെ അദ്ദേഹം പറഞ്ഞത്.

45 ദിവസം ഷൂട്ട് പറഞ്ഞയിടത്ത് 60 ദിവസം ഷൂട്ട് നീണ്ടപ്പോൾ നടൻ അഭിനയിച്ചെന്നും സെറ്റിൽ പറഞ്ഞതിലും നേരത്തെ എത്തുന്ന ആളാണെന്നും സിനിമയുടെ ബജറ്റ് കൂടിയാൽ സഹായം തരാൻ മടിക്കാത്ത ആളാണെന്നും കുഞ്ചാക്കോ ബോബനെ കുറിച്ച് നിമാതാവ് കുറിപ്പിൽ പറയുന്നു. ഇനി ഒരു സിനിമ എടുത്താൽ തന്റെ നായകനായി കുഞ്ചാക്കോ ബോബനെ തന്നെ തിരഞ്ഞെടുക്കുമെന്ന് പറഞ്ഞാണ് ഫൈസൽ ലത്തീഫിന്റെ ഫേസ്ബുക് വിവരണം അവസാനിക്കുന്നത്.

കൊച്ചി : ബിഗ് ബോസ് റിയാലിറ്റി ഷോയിലൂടെ ഒന്നായ പേർളിയും ശ്രീനിഷും ഏറെ ആരാധകരുള്ള താര ദമ്പതികളാണ്. 2019 ൽ വിവാഹം കഴിഞ്ഞ ഇവർക്ക് നില എന്ന ഒരു പെൺകുട്ടി 2021 ൽ ജനിച്ചിരുന്നു. എന്നാലിപ്പോൾ സോഷ്യൽ മീഡിയ വഴി തങ്ങളുടെ രണ്ടാമത്തെ കുഞ്ഞിനെ വരവേൽക്കുന്ന വിശേഷം ആരാധകരുമായി പങ്ക് വച്ചിരിക്കുകയാണ് താരങ്ങൾ. പേർളിയുടെ സഹോദരി രണ്ടാമത് അമ്മയായ വാർത്തകൾ പ്രചരിക്കുന്നത്തിന്റെ ഇടയ്ക്കായിരുന്നു താരം ഈ സന്തോഷ വാർത്ത പങ്ക് വച്ചത്.

ആരാധകരുടെ ഗർഭിണിയാണോ എന്ന സംശയങ്ങൾക്ക് മറുപടിയായാണ് തനിക്ക് 3 മാസമായെന്നും പറഞ്ഞു കൊണ്ട് കുടുംബ സമേതം പേർളി സോഷ്യൽ മീഡിയയിൽ ചിത്രങ്ങൾ പങ്ക് വച്ചത്. കഴിഞ്ഞ പ്രസവം ആഘോഷമാക്കിയ മാധ്യമങ്ങൾക്ക് പുതിയ കണ്ടന്റ് കിട്ടിയെന്ന് തുടങ്ങി അനേകം കമ്മന്റുകളാണ് ചിത്രത്തിന് താഴെ ഇപ്പോൾ വന്ന് കൊണ്ടിരിക്കുന്നത്.