തെലുങ്ക് നടനാണെങ്കിലും മലയാളികൾക്ക് എന്നും ഏറെ പ്രിയപ്പെട്ട ഇന്ത്യയിൽ തന്നെ ഹേറ്റേഴ്‌സ് കുറവായിട്ടുള്ള ഒരു നടനാണ് അല്ലു അർജുൻ. ആരാധകരുമായി ഒരു പ്രത്യേക ബന്ധം സൂക്ഷിക്കുന്ന നടനാണ് ഇദ്ദേഹം. അടുത്തിടെ മീറ്റയുടെ സഹ സ്ഥാപനമായ ത്രെഡ്സ് എന്ന ആപ്ലിക്കേഷൻ ഇറങ്ങിയിരുന്നു. ഒട്ടേറെ നടന്മാരും സാംസ്കാരിക രാഷ്ട്രീയ പ്രമുഖരും ജനങ്ങളും ആപ്പിനെ ഏറ്റെടുത്തിരുന്നു. എന്നാൽ ത്രെഡ്സ് ആപ്ലിക്കേഷനിൽ വൺ മില്യൺ ഫോളോവെർസ് എന്ന നേട്ടം കൈവരിച്ച ആദ്യ ഇന്ത്യൻ സിനിമ താരമെന്ന റെക്കോർഡ് നേടിയിരിക്കുകയാണ് അല്ലു അർജുൻ.
ത്രെഡ്സ്ആപ്പ് ലോഞ്ച് ആയി കുറച്ചു ദിവസങ്ങൾ കഴിഞ്ഞപ്പോൾ തന്നെ വൺ മില്യൺ ഫോളോവെഴ്‌സുമായി മുന്നേറുകയാണ് നടൻ. 2021 ൽ ഇറങ്ങിയ പുഷ്പ എന്ന ഹിറ്റ് ചിത്രമാണ് അല്ലു അർജുന്റെ അടുത്ത കാലത്ത് റിലീസായ ചിത്രം. ഈ ചിത്രത്തിന്റെ തന്നെ രണ്ടാംപതിപ്പാണ് നടന്റെ അടുത്ത റിലീസാകാനുള്ള ചിത്രം.