National (Page 863)

കാലതാമസം നേരിട്ട ഐടിആർ അല്ലെങ്കിൽ പുതുക്കിയ ഐടിആർ ഫയൽ ചെയ്യുന്നതിനുള്ള കാലാവധി കുറച്ച് ഫെബ്രുവരി ഒന്നിന് 2021ലെ കേന്ദ്ര ബജറ്റ് അവതരിപ്പിച്ചപ്പോൾ കേന്ദ്ര ധനമന്ത്രി നിർമ്മല സീതാരാമൻമാറ്റം വരുത്തിയിരുന്നു. ഏപ്രിൽ 1 മുതൽ പ്രാബല്യത്തിൽ വരുന്ന ചില ആദായനികുതി നിയമ മാറ്റങ്ങളെക്കുറിച്ച് പ്രഖ്യാപനം നടത്തിയിരുന്നത്. മുമ്പ് ജൂലൈ 31 ന് നിങ്ങളുടെ ഐടിആർ ഫയൽ ചെയ്യാൻ സാധിക്കാതെ വന്നാൽ മാർച്ച് 31 നകം ഐടിആർ ലേറ്റ് ഫീസ് സഹിതം ഫയൽ ചെയ്യാൻ സാധിക്കുമായിരുന്നു.

എന്നാൽ 2021-2022 ലെ ധനകാര്യ ബില്ലിൽ ഈ സമയപരിധി മൂന്ന് മാസമായി കുറയ്ക്കാനാണ് നിർദ്ദേശം. അതിനാൽ നിങ്ങളുടെ കാലതാമസം നേരിട്ട ഐടിആർ ഫയൽ ചെയ്യാൻ അതേ സാമ്പത്തിക വർഷം ഡിസംബർ 31 വരെ മാത്രമേ സമയമുണ്ടാകൂ.2020-21 ബജറ്റിൽ പുതിയ നികുതി സമ്പ്രദായം നിലവിൽ വന്നു. പഴയ നികുതി വ്യവസ്ഥയിൽ തുടരണോ അതോ പുതിയ നികുതി വ്യവസ്ഥയിലേക്ക് മാറണോ എന്ന ഓപ്ഷൻ തിരഞ്ഞെടുക്കണ്ട ആദ്യ വർഷമാണിത്.

2021 ഏപ്രിൽ 1 മുതൽ ഇപിഎഫിലേക്കുള്ള ജീവനക്കാരുടെ വിഹിതത്തിന്റെ പലിശ, 2.5 ലക്ഷം കവിഞ്ഞാൽ പിൻവലിക്കൽ ഘട്ടത്തിൽ നികുതി ചുമത്തപ്പെടും. ഇത് അധിക നികുതി ബാധ്യതയിലേക്ക് നയിക്കും. പ്രത്യേകിച്ചും ഉയർന്ന സംഭാവന നൽകുന്ന എച്ച്എൻ‌ഐകൾക്ക്. കൂടാതെ ഇവരുടെ വോളണ്ടറി പ്രൊവിഡന്റ് ഫണ്ട് (വിപിഎഫ്) സംഭാവനകളെ നിരുത്സാഹപ്പെടുത്തുകയും ചെയ്യും.

ഒരു നികുതിദായകന്റെ തൊഴിലുടമ ജീവനക്കാരന്റെ പ്രൊവിഡന്റ് ഫണ്ടിലേക്ക് സംഭാവന ചെയ്യുന്നില്ലെങ്കിൽ നികുതി രഹിത പരിധി 5 ലക്ഷം രൂപയായിരിക്കും.ഇന്ത്യൻ കമ്പനികളിൽ നിന്നും മ്യൂച്വൽ ഫണ്ട് സ്കീമുകളിൽ നിന്നും ലഭിക്കുന്ന ലാഭ വിഹിതം ഇതുവരെ നിങ്ങളുടെ കൈകളിൽ നികുതിരഹിതമായിരുന്നു. ലാഭവിഹിതം അല്ലെങ്കിൽ വിതരണം ചെയ്യുന്ന വരുമാനം കമ്പനി അല്ലെങ്കിൽ മ്യൂച്വൽ ഫണ്ട് ആണ് 2020 മാർച്ച് 31 വരെ അടച്ചിരുന്നത്.

എന്നാൽ 2020ലെ ബജറ്റിൽ ഡിവിഡന്റ് വരുമാനത്തിനുള്ള ഇളവ് നീക്കം ചെയ്യുകയും നികുതി നിങ്ങളിൽ നിന്ന് ഈടാക്കാനും തീരുമാനിച്ചു. നിങ്ങൾക്ക് നൽകുന്ന ലാഭവിഹിത തുക 5,000 രൂപ കവിയുന്നുവെങ്കിൽ, കമ്പനികളിൽ നിന്നോ ഫണ്ട് ഹൌസുകളിൽ നിന്നോ നിങ്ങളുടെ അക്കൗണ്ടിൽ ഡിവിഡന്റ് ക്രെഡിറ്റ് ചെയ്യുമ്പോൾ നികുതി കുറയ്ക്കും. ഫോം 26 എഎസിൽ ഇനി നിങ്ങളുടെ നികുതി ലാഭവിഹിത വരുമാനം കൃത്യമായി വെളിപ്പെടുത്തണം.

കൊൽക്കത്ത: നാലാം ഘട്ട വോട്ടെടുപ്പ് പുരോഗമിക്കുന്നതിനിടെ പശ്ചിമ ബംഗാളിൽ വ്യാപക ആക്രമണം.കൂച്ച്ബിഹാർ ജില്ലയിലുണ്ടായ ബിജെപി-തൃണമൂൽ സംഘർഷത്തിലും വെടിവെപ്പിലും അഞ്ച് പേർ മരിച്ചതായി റിപ്പോർട്ട്. ഇതിന് ശേഷം കേന്ദ്രസേനയുടെ വെടിവെപ്പുണ്ടായതായാണ് വിവരം.

അതേസമയം ബംഗാളിൽ അമിത് ഷായുടെ നേതൃത്വത്തിൽ രാഷ്ട്രപതി ഭരണമാണ് നടക്കുന്നതെന്നായിരുന്നു അക്രമണസംഭവങ്ങളുടെ പശ്ചാത്തലത്തില്‍ മമത ബാനർജിയുടെ പ്രതികരണം.

ഹൂഗ്ളിയിലും വോട്ടെടുപ്പിനിടെ സംഘർഷമുണ്ടായി. ബിജെപി എംപിയും സ്ഥാനാർത്ഥിയുമായ ലോക്കറ്റ് ചാറ്റർജിയുടെ വാഹനത്തിനു നേരെ ആക്രമണം നടന്നു. ചിലയിടങ്ങളിൽ മാധ്യമപ്രവർത്തകർക്ക് നേരെയും ആക്രമണമുണ്ടായി. നോര്‍ത്ത് ഹൗറയില്‍ ബോംബ് സ്ഫോടനമുണ്ടായെങ്കിലും ആര്‍ക്കും പരിക്ക് പറ്റിയതായി റിപ്പോര്‍ട്ടില്ല. പൊലീസ് സ്ഥലത്തെത്തി പരിശോധന നടത്തി. 

കൊൽക്കത്ത:ബംഗാൾ മുഖ്യമന്ത്രി മമത ബാനർജിയെ രൂക്ഷമായി വിമർശിച്ച്
പ്രധാനമന്ത്രി നരേന്ദ്രമോദി.ബംഗാളിലെ കൂച്ച് ബെഹാർ ജില്ലയിലെ പോളിംഗ് സ്‌റ്റേഷനിൽ കേന്ദ്ര സേനയുടെ വെടിയേറ്റ് നാലുപേർ കൊല്ലപ്പെട്ട സംഭവത്തിൽ അനുശോചനമറിയിച്ച് പ്രധാനമന്ത്രി നരേന്ദ്രമോദി. സംഭവത്തിന് ഉത്തരവാദികളായവർക്കെതിരെ കർശന നടപടി സ്വീകരിക്കണമെന്ന് അദ്ദേഹം തിരഞ്ഞെടുപ്പ് കമ്മിഷനോട് ആവശ്യപ്പെട്ടു.അതേസമയം കൂച്ച് ബെഹാറിലെ സിതാൽകുചി മണ്ഡലത്തിലെ 126ാം നമ്പർ ബൂത്തിൽ തിരഞ്ഞെടുപ്പ് നിർത്തി വച്ചിട്ടുണ്ട്.

സംഭവത്തിൽ കൂടുതൽ അന്വേഷണം നടന്നു വരികയാണ്.കൂച്ച് ബെഹാറിൽ 300-350തോളം വരുന്ന ആളുകൾ സി.ഐ.എസ്.എഫ് സൈനികരെ ആക്രമിക്കുകായിരുന്നു. സംഘം സൈനികരിൽ നിന്നും ആയുധങ്ങൾ തട്ടിയെടുക്കാൻ ശ്രമിച്ചതായും സ്വയരക്ഷയ്ക്കായി വെടിവയ്‌ക്കേണ്ടിവരികയായിരുന്നെന്നുമാണ് കൂച്ച് ബെഹാർ എസ്.പി നൽകിയിരിക്കുന്ന വിശദീകരണം.

ഇന്ന് നടക്കുന്ന നാലാംഘട്ട തിരഞ്ഞെടുപ്പ് ബംഗാളിലെ പ്രമുഖ നേതാക്കൻമാരുടെ വിധി നിർണയിക്കുന്നതിൽ സുപ്രധാനമാണ്. ഇക്കൂട്ടത്തിൽ കേന്ദ്ര മന്ത്രി ബാബുൽ സുപ്രിയോ, പശ്ചിമ ബംഗാൾ മന്ത്രിമാരായ പാർത്ത ചാറ്റർജി, അരൂപ് ബിശ്വാസ് എന്നിവരും ഉൾപ്പെടും.

ആസാം : അട്ടിമറി സാധ്യത കണക്കിലെടുത്ത് അസമില്‍ സ്ഥാനാര്‍ഥികളെ സുരക്ഷിത താവളത്തിലേയ്ക്ക് മാറ്റി കോണ്‍ഗ്രസും സഖ്യകക്ഷി എഐയുഡിഎഫും. രാജസ്ഥാനിലെ ഹോട്ടലിലേയ്ക്കാണ് സ്ഥാനാര്‍ഥികളെ മാറ്റിയതെന്നാണ് പാര്‍ട്ടി വൃത്തങ്ങളെ ഉദ്ധരിച്ചുള്ള റിപ്പോര്‍ട്ടുകള്‍. ഏപ്രില്‍ ആറിന് അവസാനഘട്ട പോളിംഗ് നടന്നതിന് പിന്നാലെയാണ് കോണ്‍ഗ്രസ് 20 സ്ഥാനാര്‍ഥികളെ രാജസ്ഥാനിലെ ഫെയര്‍മൗണ്ട് ഹോട്ടലിലേയ്ക്ക് മാറ്റിയത്. ഇതിനു പിന്നാലെ സഖ്യകക്ഷിയായ എഐയുഡിഎഫും സ്ഥാനാര്‍ഥികളെ ഹോട്ടലിലേയ്ക്ക് മാറ്റുകയായിരുന്നു.രാജസ്ഥാനിലെ കോണ്‍ഗ്രസ് ചീഫ് വിപ്പ് മഹേഷ് ജോഷിയ്ക്കും എംഎല്‍എ റഫീഖ് ഖാനുമാണ് എംഎല്‍എമാരുടെ സംരക്ഷണ ചുമതല. നിയമസഭാ തെരഞ്ഞെടുപ്പിനു ശേഷം അസമില്‍ അഞ്ചുവര്‍ഷത്തെ ഇടവേളയ്ക്ക് ശേഷം അധികാരത്തില്‍ തിരിച്ചെത്താമെന്നാണ് കോണ്‍ഗ്രസ് പ്രതീക്ഷിക്കുന്നത്. ഈ സാഹചര്യത്തിലാണ് കോണ്‍ഗ്രസ് ഭരിക്കുന്ന രാജസ്ഥാനില്‍ സുരക്ഷിതകേന്ദ്രത്തിലേയ്ക്ക് സ്ഥാനാര്‍ഥികലെ ഫലം വരുന്നതിനു മുന്‍പേ മാറ്റിയത്.
തെരഞ്ഞെടുപ്പ് തോറ്റാല്‍ കോണ്‍ഗ്രസിനെ അട്ടിമറിക്കാന്‍ ബിജെപി ശ്രമിക്കുന്നത് പുതിയ പതിവായിട്ടുണ്ടെന്നും ഈ സാഹചര്യത്തിലാണ് സുരക്ഷാ ക്രമീകരണങ്ങള്‍ എന്നുമാണ് കോണ്‍ഗ്രസ് വക്താവ് രണ്‍ദീപ് സുര്‍ജേവാലാ വ്യക്തമാക്കുന്നത്. വടക്കുകിഴക്കന്‍ മേഖലയില്‍ കോണ്‍ഗ്രസ് പൂര്‍ണമായും അധികാരത്തില്‍ നിന്ന് പുറത്തായതിനു ശേഷം മേഖലയില്‍ നടക്കുന്ന ആദ്യ തെരഞ്ഞെടുപ്പാണ് അസമിലേത്. എന്നാല്‍ ഇത്തവണ ആദ്യമായി കോണ്‍ഗ്രസ് ഒറ്റയ്ക്കല്ല തെരഞ്ഞെടുപ്പിനെ നേരിടുന്നത്. എഐയുഡിഎഫ്, ജിമോചായന്‍ പീപ്പിള്‍സ് പാര്‍ട്ടി, ആദിവാസി നാഷണല്‍ പാര്‍ട്ടി, സിപിഎം, സിപിഐ, സിപിഎംഎല്‍, ആഞ്ചലിക് ഗണ മോര്‍ച്ച, ബിപിഎഫ്, ആര്‍ജെഡി എന്നിങ്ങനെ പത്ത് പാര്‍ട്ടികള്‍ ചേര്‍ന്നാണ് തെരഞ്ഞെടുപ്പിനെ നേരിട്ടത്.