Health (Page 230)

ന്യൂഡൽഹി ∙ കൊറോണ വൈറസിന്റെ യുകെ വകഭേദമാണ് ഡൽഹിയിൽ കോവി‍ഡ് തരംഗത്തിനു പിന്നിലെന്ന് നാഷനൽ സെന്റർ ഫോർ ഡിസീസ് കൺട്രോളാണ് (എൻസിഡിസി) സാംപിളുകൾ അടിസ്ഥാനമാക്കിയുള്ള പഠനം. ഡൽഹിയിൽ യുകെ വകഭേദത്തിലുള്ള വൈറസ് 400 കേസുകളിലും ഇന്ത്യയിലെ ഇരട്ട വകഭേദം 76 കേസുകളിലും കണ്ടെത്തി. ഇന്ത്യയിലാകെ യുകെ വകഭേദത്തിൽ 1,644 കേസുകളാണു റിപ്പോർട്ട് ചെയ്തത്.

1735 കേസുകളിൽ വൈറസ് വകഭേദങ്ങളെ തിരിച്ചറിയുകയും ചെയ്തിട്ടുണ്ട്. യുകെ വകഭേദത്തിൽ 64 കേസുകൾ മഹാരാഷ്ട്രയിലാണു കണ്ടെത്തിയത്. ആറ് ദക്ഷിണാഫ്രിക്കൻ വകഭേദവും ഒരു ബ്രസീൽ വകഭേദവും 427 ഇന്ത്യൻ ഇരട്ട വകഭേദവും തിരിച്ചറിഞ്ഞു. മഹാരാഷ്ട്രയിൽ 1770 സാംപിളുകളാണു പഠന വിധേയമാക്കിയത്.മാർച്ച് രണ്ടിന് യുകെ വകഭേദത്തിൽ 28 ശതമാനം വർധന കണ്ടെത്തിയിരുന്നു. ഇത് മാർച്ച് അവസാനം ആയപ്പോഴേക്കും 50 ശതമാനം വർധിച്ചതായും സുജിത് കുമാർ സിങ് വ്യക്തമാക്കി.

15,135 സാംപിളുകളുടെ ജിനോം സീക്വൻസിങ് വഴിയാണ് വൈറസ് വകഭേദങ്ങളും കേസുകളുടെ വർധനയും തമ്മിലുള്ള ബന്ധം കണ്ടെത്തിയത്.ദക്ഷിണാഫ്രിക്കന്‍ വകഭേദം 112 കേസുകൾ, ഒരു ബ്രസീൽ വകഭേദം, 732 ഇരട്ട വകഭേദ കേസുകളും റിപ്പോർട്ട് ചെയ്തു. ഡൽഹിയിലെ കോവിഡ് തരംഗം യുകെ വകഭേദവുമായി ബന്ധപ്പെട്ടാണെന്ന് എൻസിഡിസി ഡയറക്ടർ സുജിത് കുമാർ സിങ് പറഞ്ഞു. ഡൽഹിയിൽ വളരെ വ്യത്യസ്തമായ സാഹചര്യമാണുള്ളത്. യുകെ വകഭേദവും ബി 1617ഉം (ഇരട്ട വകഭേദം) ഇവിടെയുണ്ട്.

ഹരിയാന : ആശുപത്രിയിൽ നിന്ന് കോവിഡ് വാക്‌സിൻ അടങ്ങിയ ബാഗ് മോഷ്ടിച്ച കള്ളൻ തിരികെ നൽകി. 1700 ഡോസ് വാക്സീനടങ്ങിയ ബാഗുമായാണ് ഇയാൾ കടന്നു കളഞ്ഞത്. ഹരിയാനയിലെ ജിന്തിലാണ് സംഭവം. എന്നാൽ, ബാഗിൽ വാക്‌സിനാണെന്നു അറിഞ്ഞതോടെ ക്ഷമാപണം നടത്തി ബാഗ് തിരികെ ഏൽപിക്കുകയായിരുന്നു. ബാഗ് തുറന്നപ്പോഴാണ് വാക്സീനാണെന്ന് തിരിച്ചറിഞ്ഞത്.

ഒടുക്കം മനംമാറ്റമുണ്ടായ കള്ളൻ ഹിന്ദിയിൽ കുറിപ്പു തയ്യാറാക്കി സിവിൽ പോലീസ് സ്റ്റേഷന് സമീപം ബാഗ് എത്തിക്കുകയായിരുന്നു. സ്റ്റേഷന് പുറത്തുള്ള ചായക്കടക്കാരനെയാണ് ഇയാൾ ബാഗ് ഏൽപ്പിച്ചത്.പൊലീസുകാർക്കുള്ള ഭക്ഷണമാണ് ഉള്ളിലെന്നും അത്യാവശ്യമുള്ളതിനാൽ വെറെ സ്ഥലത്ത് ഡെലിവറിക്ക് പോവുകയാണെന്നുമാണ് കടക്കാരനോട് ഇയാൾ പറഞ്ഞത്. അതെ സമയം മോഷ്ടാവിനെ പിടികൂടുന്നതിനായി അന്വേഷണം ശക്തമാക്കിയതായി പൊലീസ് അറിയിച്ചു.

ന്യൂഡൽഹി: കൊവിഡ് വ്യാപനം രൂക്ഷമായതോടെ ഉണ്ടായ ഓക്‌സിജൻ ക്ഷാമം പരിഹരിക്കാനുള്ള തയ്യാറെടുപ്പുകൾ ഇന്ത്യ തുടങ്ങികഴിഞ്ഞു. ഇന്ത്യയ്‌ക്ക് പ്രാണവായു നൽകാനായി അയൽരാജ്യങ്ങളടക്കം രംഗത്തെത്തിയിട്ടുണ്ട്.ജർമ്മനി ഉൾപ്പടെയുളള രാജ്യങ്ങളിൽ നിന്നായി മൊബൈൽ ഓക്‌സിജൻ പ്ലാന്റുകൾ രാജ്യത്ത് എത്തിക്കാൻ തീരുമാനിച്ച് കഴിഞ്ഞു.

ഇന്ത്യൻ വ്യോമസേനയുടെ നേതൃത്വത്തിൽ 23 മൊബൈൽ ഓക്‌സിജൻ പ്ലാന്റുകളാണ് രാജ്യത്ത് എത്തിക്കുക.രാജ്യത്തെ ചില സംസ്ഥാനങ്ങൾക്ക് ഓക്‌സിജൻ അധികം ഉത്പാദിപ്പിക്കാനുളള ശേഷിയുണ്ട്. മഹാരാഷ്ട്രയും ഗുജറാത്തും ഓക്‌സിജൻ ധാരാളം ഉത്പാദിപ്പിക്കുന്നുണ്ടെങ്കിലും വിതരണത്തിൽ പ്രശ്‌നങ്ങൾ നേരിടുന്നുണ്ട്. എന്നാൽ ജാർഖണ്ഡ്, ആന്ധ്രാപ്രദേശ്, ഒഡീഷ പോലുളള സംസ്ഥാനങ്ങളിൽ ഓക്‌സിജൻ അധികമുണ്ട്.

ഇത്തരത്തിൽ അധികമുളള സംസ്ഥാനങ്ങളിൽ നിന്ന് ഓക്‌സിജൻ ആവശ്യമുളള സംസ്ഥാനങ്ങളിലേക്ക് എത്തിക്കാൻ ഇന്ത്യൻ റെയിൽവേ പ്രത്യേക സർവീസ് ആരംഭിച്ചിട്ടുണ്ട്.പ്രതിരോധമന്ത്രി രാജ്‌നാഥ് സിംഗ് മൂന്ന് സേനാ മേധാവിമാരുടെയും യോഗം വിളിച്ചിട്ടുണ്ട്. കൊവിഡ് പ്രതിസന്ധി നേരിടാൻ സർക്കാരിനെ സഹായിക്കുകയാണ് ലക്ഷ്യം. ലൈറ്റ് കോംബാറ്റ് എയർക്രാഫ്‌റ്റ് (എൽ സി എ) തേജസിനായി വികസിപ്പിച്ചെടുത്ത ഓക്‌സിജൻ ഉത്പാദിപ്പിക്കുന്ന സാങ്കേതികവിദ്യ കൈമാറിയതായി പ്രതിരോധ മന്ത്രാലയം വ്യക്തമാക്കി. ഇതുപയോഗിച്ച് മിനിട്ടിൽ ആയിരം ലിറ്റർ ഓക്‌സിജൻ ഉത്പാദിപ്പിക്കാൻ കഴിയും.

ലോകത്തിലെ തന്നെ ഏറ്റവും വലിയ സൈനിക ട്രാൻസ്പോർട്ട് വിമാനമായ സി-17 ന്റെ രണ്ട് വിമാനങ്ങളാണ് ദൗത്യത്തിൽ ഏർപ്പെട്ടിരിക്കുന്നത്. വരും ദിവസങ്ങളിൽ ആവശ്യമെങ്കിൽ കൂടുതൽ വിമാനങ്ങൾ ദൗത്യത്തിന് ഉപയോഗിച്ചേക്കും. ആരോഗ്യപ്രവർത്തകർക്കൊപ്പം മരുന്നുകളും മെഡിക്കൽ ഉപകരണങ്ങളും രാജ്യത്തിന്റെ വിവിധ ഭാഗങ്ങളിൽ എത്തിക്കാനും വ്യോമസേന മുന്നിലുണ്ട്. കൊവിഡ് ടെസ്റ്റിംഗ് സംവിധാനങ്ങൾ ലഡാക്കിൽ എത്തിച്ചതും വ്യോമസേനയുടെ പ്രത്യേക വിമാനങ്ങൾ ഉപയോഗിച്ചാണ്.

കഴിഞ്ഞദിവസം തന്നെ ദൗത്യം ആരംഭിക്കുന്നതിനെക്കുറിച്ച് വ്യോമസേന ട്വിറ്ററിലൂടെ അ‌റിയിച്ചിരുന്നു. പല സംസ്ഥാനങ്ങളിലും ഓക്‌സിജൻ ക്ഷാമം രൂക്ഷമായത് പ്രതിസന്ധി സൃഷ്‌ടിച്ച സാഹചര്യത്തിലാണ് പ്രശ്‌നം പരിഹരിക്കാൻ വ്യോമസേന മുന്നിട്ടിറങ്ങിയത്. പ്രതിരോധമന്ത്രി രാജ്‌നാഥ് സിംഗ് വിളിച്ച വെർച്വൽ യോഗത്തിൽ പ്രതിരോധ മന്ത്രാലയത്തിന് കീഴിൽ വരുന്ന എല്ലാ സ്ഥാപനങ്ങളോടും വിവിധ സായുധ സേനാ വിഭാഗങ്ങളോടും കൊവിഡിനെ നേരിടാൻ തയ്യാറായിരിക്കണമെന്ന ആവശ്യം മുന്നോട്ട് വച്ചിരുന്നു.

ഭാരത് ബയോടെക്ക് നിർമ്മിക്കുന്ന കോവാക്സിന്റെ രണ്ട് ഡോസുകളും സ്വീകരിച്ച 10,000 പേരിൽ നാലുപേർക്കും ഓക്‌സ്‌ഫോർഡ്-അസ്ട്രാസെനെക്കയുടെ കോവിഷീൽഡ് വാക്സിന്റെ രണ്ട് ഡോസുകളുമെടുത്ത 10,000 പേരിൽ മൂന്നുപേർക്കും മാത്രമാണ് വാക്സിനേഷന് ശേഷം വീണ്ടും കോവിഡ് പോസിറ്റീവായത്.ഇതോടെ വാക്സിൻ എടുത്തവർക്ക് വീണ്ടും കോവിഡ് പോസിറ്റീവാകുന്നതിനുള്ള സാധ്യത വളരെ കുറവെന്ന് സർക്കാർ പുറത്തുവിട്ട കണക്കുകൾ വ്യക്തമാക്കുന്നു.അതുകൊണ്ട് തന്നെ കൊറോണ വൈറസിനെ പ്രതിരോധിക്കാനുള്ള ഏക മാ‍ർഗം വാക്സിനേഷനാണെന്ന് വിദഗ്ധരും ശാസ്ത്രജ്ഞരും അടിവരയിടുന്നു.

ബുധനാഴ്ച സ‍ർക്കാ‍ർ വൃത്തങ്ങൾ പുറത്തുവിട്ട ഈ ഡാറ്റ കൂടുതൽ സംശയങ്ങളെ അകറ്റാനും കോവിഡ് -19 നെതിരായ ഇന്ത്യയുടെ പോരാട്ടത്തിന് ഉത്തേജനം നൽകാനും സഹായിക്കും.നിലവിൽ ഇന്ത്യയിൽ ഉപയോഗത്തിലുള്ള രണ്ട് വാക്സിനുകളും കഠിനമായ രോഗത്തിനെതിരെ പൂർണ്ണ പരിരക്ഷ നൽകുന്നതായാണ് റിപ്പോ‍‍ർട്ടുകൾ.

വൈറസിന്റെ നിലവിലെ രണ്ടാം തരംഗത്തിൽ വാക്സിൻ വിതരണം വർദ്ധിപ്പിക്കുന്നത് വഴി ഇന്ത്യയിലെ ആശുപത്രികളും ആരോഗ്യസംരക്ഷണ മേഖലകളും നേരിടുന്ന ഭാരം വേഗത്തിൽ കുറയ്ക്കാനാകുമെന്നാണ് വിദഗ്ധരുടെ പ്രതീക്ഷ.ഒരു വാക്സിനും രോഗത്തിനെതിരെ 100 ശതമാനം വിജയശതമാനം ഉണ്ടെന്ന് അവകാശപ്പെടാൻ കഴിയില്ലെന്ന് വിദഗ്ദ്ധർ പറയുന്നു. എന്നാൽ ഗുരുതരമായ രോഗം ‌തടയാൻ വാക്സിനുകൾക്ക് കഴിയുമെന്ന് വിദഗ്ധ‍‍ർ ചൂണ്ടിക്കാട്ടുന്നു

ഇന്ത്യൻ കൗൺസിൽ ഓഫ് മെഡിക്കൽ റിസർച്ച്, ഭാരത് ബയോടെക് എന്നിവ വാക്സിന്റെ ക്ലിനിക്കൽ പരീക്ഷണങ്ങൾക്ക് ശേഷം മറ്റൊരു ഇടക്കാല കണ്ടെത്തൽ പുറത്തുവിട്ടിരുന്നു. ഇത് കോവാക്സിൻ കഠിനമായ കോവിഡിനെതിരെ 100 ശതമാനം ഫലപ്രദമാണെന്നാണ് വ്യക്തമാക്കുന്നത്. അതായത് വാക്സിൻ സ്വീകരിക്കുന്നവർക്ക് ഗുരുതരമായ തരത്തിൽ രോഗം പിടിപെടില്ല. ഗുരുതരമായ രോഗം, ആശുപത്രിയിൽ പ്രവേശിപ്പിക്കേണ്ടി വരുന്ന ഘട്ടം, മരണം എന്നിവ തടയുന്നതിന് കോവിഷീൽഡ് വാക്സിൻ 100 ശതമാനം ഫലപ്രദമാണെന്ന് ഫെബ്രുവരിയിൽ അസ്ട്രസെനെക്കയും വ്യക്തമാക്കിയിരുന്നു.

ന്യൂഡല്‍ഹി : ഒറ്റരാജ്യമായി പ്രവര്‍ത്തിക്കണമെന്നും സംസ്ഥാനങ്ങള്‍ക്ക് എല്ലാ പിന്തുണയും നല്‍കുമെന്നും നരേന്ദ്രമോദി. കെജ്രിവാളുമായി കോവിഡ് അവലോകനയോഗത്തില്‍ വച്ചുണ്ടായ വാഗ്വാദത്തിന് പിന്നാലെയാണ് പ്രധാനമന്ത്രിയുടെ പ്രതികരണം. ആളുകള്‍ പരിഭ്രാന്തരായി സാധനങ്ങള്‍ വാങ്ങിക്കൂട്ടുന്ന സാഹചര്യം ഒഴിവാക്കണമെന്നും ഓക്‌സിജന്‍ എത്തിക്കാന്‍ റെയില്‍വെയും വ്യോമസേനയും രംഗത്തുണ്ടെന്നും അദ്ദേഹം പറഞ്ഞു.
ഡല്‍ഹിയിലേക്ക് ഓക്‌സിജന്‍ വിതരണം ഉറപ്പിക്കാന്‍ കേന്ദ്രസര്‍ക്കാരില്‍ ആരോടാണ് താന്‍ സംസാരിക്കേണ്ടതെന്ന് ഇന്ന് ചേര്‍ന്ന അവലോകന യോഗത്തിനിടെ ഡല്‍ഹി മുഖ്യമന്ത്രി അരവിന്ദ് കെജ്രിവാള്‍ പ്രധാനമന്ത്രിയോട് ചോദിച്ചിരുന്നു. ഇതിന്റെ വീഡിയോ പുറത്ത് വന്നതിന് പിന്നാലെ പ്രധാനമന്ത്രി വിമര്‍ശിക്കുകയും അരവിന്ദ് കെജ്രിവാള്‍ ഖേദം പ്രകടിപ്പിക്കുകയും ചെയ്തിരുന്നു.