പൊതുഗതാഗത സംവിധാനങ്ങള്,എ ടി എം മെഷീനുകള്, മൊബൈല് ഫോണ്- ലാപ്ടോപ് പോലുള്ള ഗാഡ്ജറ്റുകളുടെ സ്ക്രീനുകള് എന്നിവിടങ്ങളെല്ലാം വൈറസ് വാഹകരാകുമെന്ന് പഠനം. യുഎസിലെ പബ്ലിക് ഹെല്ത്ത് ഏജന്സിയായ സിഡിസി ആണ് ഈ പഠനം നടത്തിയിരിക്കുന്നത്. അതുകൊണ്ടുതന്നെ പൊതു ഇടങ്ങളിലെ പ്രതലങ്ങളില് തൊട്ടാല് പിന്നീട് വായിലോ മൂക്കിലോ കണ്ണിലോ തൊടും മുമ്പ് കൈകള് വൃത്തിയായി സോപ്പും വെള്ളവുമുപയോഗിച്ച് കഴുകിയിരിക്കണമെന്നും കഴിവതും കയ്യുറ ധരിക്കണമെന്നും ഗവേഷകര് മുന്നറിയിപ്പ് നല്കുന്നു. മൊബൈല് ഫോണ്, ലാപ്ടോപ്പ് എന്നിവ കഴിവതും പൊതു ഇടങ്ങളില് വെക്കാതിരിക്കണം. ഏറെ സുരക്ഷയോടെ മാത്രമെ ഇത്തരത്തില് ഗാഡ്ജറ്റുകള് ഉപയോഗിക്കാന് പാടുള്ളുവെന്നും ഗവേഷകര് പറയുന്നു.അതിനിടെ സംസ്ഥാനത്ത് ബുധനാഴ്ച 22,414 പേര്ക്ക് കോവിഡ്-19 സ്ഥിരീകരിച്ചിരുന്നു.
2021-04-24