Entertainment (Page 47)

മമ്മൂട്ടി അൻപതോളം വർഷം നീണ്ടു നിൽക്കുന്ന തന്റെ അഭിനയ ജീവിതത്തിൽ ഒട്ടനവധി വേഷങ്ങൾ അവതരിപ്പിച്ച് കയ്യടി നേടിയിട്ടുണ്ട്. മുഴുനീളെ കഥാപാത്രമല്ലാതെ കാമിയോ റോളിൽ എത്തി മമ്മൂട്ടി കസറിയ സിനിമകളും ഒരുപാടുണ്ട്. ‘കഥ പറയുമ്പോൾ’ അക്കൂട്ടത്തിലെ പ്രധാന ചിത്രമാണ് . ഓരോ സൗഹൃദത്തെയും ശ്രീനിവാസന്റെ തിരക്കഥയിൽ ഒരുങ്ങിയ ചിത്രത്തിൽ സൂപ്പർ സ്റ്റാർ അശോക് രാജും ബാർബർ ബാലനും തമ്മിലുള്ള ആത്മബന്ധ കഥ ഈറനണിയിച്ചിരുന്നു.

നിർമാതാവ് കൂടിയായ നടൻ മുകേഷ് റിലീസ് ചെയ്ത് കാലങ്ങൾ പിന്നിടുമ്പോൾ ചിത്രത്തിൽ അഭിനയിക്കാൻ മമ്മൂട്ടിയെ ക്ഷണിച്ചതിനെ കുറിച്ച് പറയുകയാണ്. താനും ശ്രീനിവാസനും കൂടി കഥ ;പറഞ്ഞത് മമ്മൂട്ടിയുടെ വീട്ടിൽ എത്തിയാണ് എന്നും മുകേഷ് പറയുന്നു. എന്നാൽ കഥ കേൾക്കാൻ കൂട്ടാക്കാത്ത മമ്മൂട്ടി, തങ്ങളെ വിശ്വാസമാണെന്നും സിനിമയ്ക്ക് പ്രതിഫലം വേണ്ടെന്ന് പറഞ്ഞുവെന്നും മുകേഷ് പറഞ്ഞു. ‘മുകേഷ് സ്പീക്കിങ്ങി’ൽ ആയിരുന്നു നടന്റെ വെളിപ്പെടുത്തൽ.

ഇരുപത്തിയെട്ടാമത് കേരള രാജ്യന്തര ചലച്ചിത്ര മേളയ്ക്ക് ഇന്ന് തലസ്ഥാന നഗരിയില്‍ തുടക്കമാകും. ടാഗോര്‍ തീയറ്ററില്‍ വൈകിട്ട് ആറ് മണിക്കാണ് ഉദ്ഘാടന സമ്മേളനം. ഉദ്ഘാടന ചിത്രം സുഡാനിയന്‍ നവാഗത സംവിധായകന്‍ മുഹമ്മദ് കൊര്‍ദോഫാനിയുടെ ഗുഡ്‌ബൈ ജൂലിയ ആണ് . 180 ഓളം ചിത്രങ്ങളാണ് 19 വിഭാഗങ്ങളിലായി ഇത്തവണ പ്രദര്‍ശിപ്പിക്കുന്നത്. എട്ടു ദിവസം നീണ്ടു നില്‍ക്കുന്ന ചലച്ചിത്ര മാമാങ്കത്തിന് സിനിമ പ്രേമികള്‍ ഒരുങ്ങി കഴിഞ്ഞു.

പ്രധാനവേദിയായ ടാഗോര്‍ തിയറ്ററില്‍ ഡെലിഗേറ്റ് കിറ്റ് വിതരണം ആരംഭിച്ചതോടെ വലിയ തിരക്കാണ് അനുഭവപ്പെടുന്നത്. ലോക സിനിമയിലെ അതികായന്മാരായ സംവിധായകരുടെ ഏറ്റവും പുതിയ ചിത്രങ്ങളും പ്രദര്‍ശനത്തിനെത്തും.വിഖ്യാത പോളിഷ് ചലച്ചിത്രകാരന്‍ ക്രിസ്റ്റോഫ് സനൂസിക്കാണ് ഇത്തവണത്തെ സമഗ്രസംഭാവനയ്ക്കുള്ള പുരസ്‌കാരം. തലസ്ഥാന നഗരിയില്‍ 15 വേദികളിലായി നടക്കുന്ന ചലച്ചിത്രമേള ഈ മാസം 15ന് അവസാനിക്കും.

കോഴിക്കോട് ഫാറൂഖ് കോളജില്‍ ഫിലിം ക്ലബ് പരിപാടിക്കായി ക്ഷണിച്ചശേഷം അകാരണമായി ഒഴിവാക്കിയെന്ന് ആരോപിച്ച് ‘കാതല്‍’ സിനിമയുടെ സംവിധായകന്‍ സംവിധായകന്‍ ജിയോ ബേബി. തന്നെ അപമാനിക്കുന്നതാണെന്നും കോളജിന്റെ നടപടി കോളജിനെതിരെ നിയമനടപടി സ്വീകരിക്കുമെന്നും ജിയോ ബേബി വ്യക്തമാക്കി. തന്റെ പരാമര്‍ശങ്ങള്‍ കോളജിന് എതിരാണെന്ന് യൂണിയന്‍ അറിയിച്ചെന്നും ജിയോ ബേബി ഫെയ്സ്ബുക്കില്‍ വ്യക്തമാക്കി.

സ്കൂള്‍ യുവജനോല്‍സവകാലങ്ങളിലെ ഓര്‍മകള്‍ പങ്കിട്ട് നടന്‍ ഷൈന്‍ ടോം ചാക്കോ. രസകരമായ ഓര്‍മകള്‍ പറഞ്ഞത് ‘ഡാന്‍സ് പാര്‍ട്ടി’ എന്ന പുതിയ ചിത്രത്തിന്റെ പ്രമോഷനുമായി ബന്ധപ്പെട്ട് നടന്ന അഭിമുഖത്തിലാണ് . “സംസ്ഥാന കലോത്സവത്തില്‍ തന്റെ ഐറ്റം മോണോആക്ട് ആയിരുന്നു . ഒപ്പം നവ്യനായരും ഉണ്ടായിരുന്നു. ‘നന്ദനം’ സിനിമയുടെ ലൊക്കേഷനില്‍നിന്ന് എത്തിയ നവ്യ കപ്പടിച്ചു. അന്ന് ഡാന്‍സ് പഠിക്കുന്നത് സിനിമയിലേക്ക് എത്താന്‍ വേണ്ടിയാണ്. കാരണം അന്ന് നടന്‍മാരെ സംവിധായകര്‍ തിരഞ്ഞെടുത്തിരുന്നത് യുവജനോത്സവങ്ങളില്‍ നിന്നാണ് .

അന്ന് റീലുകളും സോഷ്യല്‍ മീഡിയയും ഒന്നുമില്ലല്ലോ. ഏതെങ്കിലും യുവജനോത്സവത്തിന്റെ പരിപാടി ഹിറ്റ് അടിച്ചാല്‍ സംവിധായകന്‍ നമ്മളെ തിരിച്ചറിയും. എന്നിട്ട് നമ്മളെ സിനിമയിലേക്ക് കൊണ്ടുപോകും. വിനീത്, മോനിഷ, മഞ്ജു വാരിയര്‍, നവ്യ നായര്‍ എല്ലാവരും യുവജനോത്സവത്തില്‍നിന്നു വന്നതാണ്. പ്ലസ് ടു എത്തിയപ്പോഴാണ് ഞാന്‍ ആദ്യമായി സംസ്ഥാന കലോത്സവത്തില്‍ എത്തുന്നത്.
ഡാൻസ് അല്ല, മോണോആക്ട് വഴി. ഡാന്‍സ് വഴി എത്താന്‍ കുറച്ച് ബുദ്ധിമുട്ടാണ്.

കാരണം ആണ്‍കുട്ടികളും പെണ്‍കുട്ടികളും ഒന്നിച്ചാണ് മത്സരം. അവരോടു മത്സരിച്ചിട്ട് കാര്യമില്ല. പിന്നീട് മാറ്റിയെങ്കിലും ഞാന്‍ പഠിച്ചില്ല. കുറച്ചു കൂടി എക്‌സ്‌പെന്‍സീവ് ആണ് ഭരതനാട്യം, മോഹിനിയാട്ടം ഒക്കെ കളിക്കാന്‍. അത് പഠിക്കണം, അതിന്റെ വസ്ത്രം, ആഭരണം, അതിനൊക്കെ മാര്‍ക്കുണ്ട്. പൈസ നന്നായി ചെലവാക്കുന്ന കോണ്‍വന്റ് സ്‌കൂളുകളാണ് കൂടുതലും ഡാന്‍സിന് കൊണ്ടുപോവുക. മോണോആക്ടിന് അന്ന് ഒരു ചിലവുമില്ലല്ലോ. വെറുതെ പോയി നിന്നിട്ട് ചെയ്യാം.” ഷൈൻ പറഞ്ഞു.