ന്യൂഡൽഹി: ലോക്സഭ തെരഞ്ഞെടുപ്പിലെ ആദ്യഘട്ട സ്ഥാനാർത്ഥി പട്ടിക ബിജെപി പ്രഖ്യാപിച്ചു. 16 സംസ്ഥാനങ്ങളിലെ 195 സീറ്റുകളിലെ സ്ഥാനാർത്ഥികളെയാണ് ബിജെപി ആദ്യഘട്ടത്തിൽ പ്രഖ്യാപിച്ചിരിക്കുന്നത്. 34 കേന്ദ്രമന്ത്രിമാരും രണ്ട് മുൻ മുഖ്യമന്ത്രിമാരും ആദ്യഘട്ട പട്ടികയിലുണ്ട്.
പട്ടികയിൽ 47 യുവജനങ്ങളും 28 വനിതാ സ്ഥാനാർത്ഥികളുമുണ്ട്. കേരളത്തിലെ 12 സീറ്റുകളിലാണ് ബിജെപി ആദ്യ ഘട്ടത്തിൽ സ്ഥാനാർത്ഥികളെ പ്രഖ്യാപിച്ചത്.
കേരളത്തിൽ തിരുവനന്തപുരത്ത് കേന്ദ്രമന്ത്രി രാജീവ് ചന്ദ്രശേഖറും ആറ്റിങ്ങലിൽ നിന്നും കേന്ദ്രമന്ത്രി വി. മുരളീധരനും തൃശൂരിൽ നിന്നും സുരേഷ് ഗോപിയും മത്സരിക്കും
ഇന്ന് പ്രഖ്യാപിച്ച ബിജെപിയുടെ ഒന്നാം ഘട്ട സ്ഥാനാർത്ഥി പട്ടികയിലെ കേരളത്തിലെ 12 മണ്ഡലങ്ങളിലെ സ്ഥാനാർത്ഥികൾ
- കാസർഗോഡ് – എം. എൽ. അശ്വിനി
- കണ്ണൂർ – സി. രഘുനാഥ്
- വടകര – പ്രഭുൽ കൃഷ്ണൻ
- കോഴിക്കോട് – എം. ടി. രമേശ്
- മലപ്പുറം – ഡോ. അബ്ദുൽ സലാം
- പൊന്നാനി – അഡ്വ. നിവേദിത സുബ്രഹ്മണ്യൻ
- പാലക്കാട് – സി. കൃഷ്ണകുമാർ
- തൃശൂർ – സുരേഷ് ഗോപി
- ആലപ്പുഴ – ശോഭാ സുരേന്ദ്രൻ
- പത്തനംതിട്ട – അനിൽ കെ ആന്റണി
- ആറ്റിങ്ങൽ – വി. മുരളീധരൻ
- തിരുവനന്തപുരം – രാജീവ് ചന്ദ്രശേഖർ