ക്രെഡിറ്റ് കാര്‍ഡുകളെ യുപിഐ പ്ലാറ്റ്‌ഫോമുമായി ബന്ധിപ്പിക്കുന്നതെങ്ങനെ?

On: February 2, 2023

ഡല്‍ഹി: യൂണിയന്‍ ബാങ്ക്, പഞ്ചാബ് നാഷണല്‍ ബാങ്ക്, ഇന്ത്യന്‍ ബാങ്ക് എന്നിവയുടെ റുപേ ക്രെഡിറ്റ് കാര്‍ഡുകളെ മാത്രമേ യുപിഐ പ്ലാറ്റ്ഫോമുമായി ബന്ധിപ്പിക്കാന്‍ സാധിക്കുകയുള്ളൂ. നാഷണല്‍ പേയ്മെന്റ്സ് കോര്‍പ്പറേഷന്‍ ഓഫ് ഇന്ത്യയാണ് യുപിഐ പ്ലാറ്റ്ഫോമിനെ നിയന്ത്രിക്കുന്നത്. റുപേ ക്രെഡിറ്റ് കാര്‍ഡുകളെ യുപിഐ പ്ലാറ്റ്ഫോമുമായി ബന്ധിപ്പിക്കുന്ന വിധം എങ്ങനെയെന്ന് നോക്കാം…

ആദ്യം യുപിഐ ആപ്പ് ലോഗിന്‍ ചെയ്യുക

ബാങ്ക് അക്കൗണ്ട് സെക്ഷനില്‍ പോകുക

ആഡ് അക്കൗണ്ട് സെക്ഷന്‍ തെരഞ്ഞെടുക്കുക

ക്രെഡിറ്റ് കാര്‍ഡ് തെരഞ്ഞെടുക്കുക (യുപിഐയുമായി ബന്ധിപ്പിക്കാന്‍ കഴിയുന്ന റുപേ ക്രെഡിറ്റ് കാര്‍ഡ് സേവനം നല്‍കുന്ന ബാങ്കുകളുടെ പട്ടികയും ഇതോടൊപ്പം)

കണ്‍ഫോം കൊടുക്കുക

യുപിഐ പിന്‍ സെറ്റ് ചെയ്യുക

യുപിഐയുമായി ക്രെഡിറ്റ് കാര്‍ഡിനെ ബന്ധിപ്പിക്കുന്ന നടപടി പൂര്‍ത്തിയായ സ്ഥിതിക്ക് ഇടപാട് നടത്തി തുടങ്ങാം.

Previous Post: ഉയർന്ന രക്ത സമ്മർദ്ദം ഉള്ളവരാണോ; ശ്രദ്ധിക്കാം ഇക്കാര്യങ്ങൾ….

Next Post: കാട്ടുപന്നി ശല്യം; കര്‍ഷകരെ രക്ഷിക്കാന്‍ വനംവകുപ്പ്

വടകരയിൽ പോളിങ് വർധിക്കാനുള്ള സാധ്യതയുണ്ട്; കെ കെ ശൈലജ

തിരുവനന്തപുരം: ഇത്തവണ വടകരയിൽ പോളിങ് വർധിക്കാനുള്ള സാധ്യതയുണ്ടെന്ന് കെ കെ ശൈലജ. കേരളത്തിൽ നിന്ന് എൽഡിഎഫിന്റെ എംപിമാരെ തിരഞ്ഞെടുക്കണമെന്ന് വലിയൊരു വിഭാഗം ആഗ്രഹിക്കുന്നുണ്ടെന്ന് ശൈലജ വ്യക്തമാക്കി. അതേസമയം, ഇടതുപക്ഷജനാധിപത്യ മുന്നണി സംസ്ഥാനത്തെ 20 മണ്ഡലങ്ങളിലും വിജയിക്കുമെന്ന പ്രതീക്ഷയിലാണ് ഉള്ളതെന്ന് മുൻമന്ത്രിയും എംഎൽഎയുമായ എം എം മണി അറിയിച്ചു. ഇരുപതേക്കർ സെർവിന്ത്യാ എൽ പി സ്‌കൂളിലെ ബൂത്തിൽ വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. ലോക്‌സഭാ തെരഞ്ഞെടുപ്പിൽ ബിജെപി ഒരിടത്തും രണ്ടാം സ്ഥാനത്ത് പോലും എത്തില്ലെന്ന് മുഖ്യമന്ത്രി പിണറായി വിജയൻ വ്യക്തമാക്കി. കേരളത്തിൽ ബിജെപിക്ക് നേരത്തെ തന്നെ സ്വീകാര്യതയില്ല. വലിയ പ്രചാരണം നടത്തുന്നുണ്ടെങ്കിലും ഒരിടത്തും ബിജെപി രണ്ടാം സ്ഥാനത്ത് പോലും ഉണ്ടാകില്ലെന്ന് ഉറപ്പാണെന്നും അദ്ദേഹം കൂട്ടിച്ചേർത്തു.
തിരഞ്ഞെടുപ്പിൽ സമദൂരമാണ് എൻഎസ്എസിന്റെ നിലപാട്; ജി സുകുമാരൻ നായർ

ചങ്ങനാശ്ശേരി: ലോക്‌സഭാ തെരഞ്ഞെടുപ്പിൽ നിലപാട് വ്യക്തമാക്കി എൻഎസ്എസ് ജനറൽ സെക്രട്ടറി ജി സുകുമാരൻ നായർ. തിരഞ്ഞെടുപ്പിൽ സമദൂരമാണ് എൻഎസ്എസിന്റെ നിലപാടെന്ന് അദ്ദേഹം പറഞ്ഞു. വഴപ്പള്ളി സെന്റ് തെരേസാസ് ഹയർ സെക്കൻഡറി സ്‌കൂളിലെ ബൂത്തിൽ വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കവെയാണ് അദ്ദേഹം ഇക്കാര്യം അറിയിച്ചത്. എൻഎസ്എസ് നൽകിയിരിക്കുന്നത് രാജ്യത്തിന് ഗുണകരമായ ആൾക്കാർക്ക് വോട്ട് ചെയ്യാനുള്ള ആഹ്വാനമാണ്. കാര്യങ്ങൾ തിരിച്ചറിയാൻ കഴിവുള്ളവരാണ് സമുദായാംഗങ്ങൾ. അവർക്കിഷ്ടമുള്ളവർക്ക് വോട്ട് ചെയ്യാം. ഔദ്യോഗിക ആഹ്വാനമൊന്നും എൻഎസ്എസ് പുറത്തിറക്കിയിട്ടില്ല. മാധ്യമങ്ങളിലൂടെയുള്ള അറിയിപ്പ് മാത്രമാണുള്ളതെന്ന് അദ്ദേഹം ചൂണിക്കാട്ടി. ജനാധിപത്യവും മതേതരത്വവും തിരഞ്ഞെടുപ്പിൽ സംരക്ഷിക്കപ്പെടണമെന്നും ജി സുകുമാരൻ നായർ ആവശ്യപ്പെട്ടു. അതേസമയം, ആലപ്പുഴയിലെ ബിജെപി സ്ഥാനാർഥി ശോഭ സുരേന്ദ്രന് കഴിഞ്ഞ തവണ ലഭിച്ചതിനേക്കാൾ വോട്ട് ഇത്തവണ കിട്ടുമെന്ന് പ്രതീക്ഷിക്കാമെന്നായിരുന്നു എസ്എൻഡിപി ജനറൽ സെക്രട്ടറി വെള്ളാപ്പള്ളി നടേശൻ അറിയിച്ചത്. ആര് ജയിക്കും എന്ന് പറയാൻ സാധിക്കില്ലെന്നും വെള്ളിപ്പള്ളി നടേശൻ അഭിപ്രായപ്പെട്ടു.
മുസ്ലീം പരാമർശത്തിൽ മാധ്യമങ്ങൾ തന്നെ കടന്നാക്രമിക്കുന്നു; പ്രധാനമന്ത്രി

ന്യൂഡൽഹി: മാദ്ധ്യമങ്ങൾക്കെതിരെ വിമർശനവുമായി പ്രധാനമന്ത്രി നരേന്ദ്ര മോദി. മുസ്ലീം പരാമർശത്തിൽ മാധ്യമങ്ങൾ തന്നെ കടന്നാക്രമിക്കുന്നുവെന്ന് അദ്ദേഹം പറഞ്ഞു. വസ്തുതാന്വേഷണം നടത്താതെയാണ് തനിക്കെതിരെ തിരിഞ്ഞിരിക്കുന്നത്. മൻമോഹൻ സിംഗ് മുസ്ലീം പ്രീണന പരാമർശം നടത്തിയിട്ടില്ലെന്ന് പറയുന്നവരെ വെല്ലുവിളിക്കുകയാണെന്നും അദ്ദേഹം വ്യക്തമാക്കി. ഇന്ന് പുറത്ത് വന്ന ഒരു പഴയ വിഡിയോയിലും മൻമോഹൻ സിംഗ് പറയുന്നത് താൻ പറഞ്ഞ കാര്യങ്ങൾ തന്നെയാണ്. ന്യൂനപക്ഷങ്ങൾക്ക്, പ്രത്യേകിച്ച് പാവപ്പെട്ട മുസ്ലീങ്ങൾക്ക് മുൻഗണന നൽകണമെന്നാണ് മൻമോഹൻ സിംഗ് വീഡിയോയിൽ പറയുന്നത്. മുസ്ലീങ്ങൾക്ക് മുൻഗണന നൽകുന്ന കോൺഗ്രസിനെക്കുറിച്ചോ ‘ഇൻഡി’ സഖ്യത്തെ കുറിച്ചോ പറയുമ്പോൾ അവർ ദേഷ്യപ്പെടുകയും തന്നെ ആക്രമിക്കാൻ തുടങ്ങുകയും ചെയ്യുന്നു. 25 വർഷമായി അവർ തന്നെ ഭയപ്പെടുത്താൻ ശ്രമിക്കുന്നു. പക്ഷേ പരാജയപ്പെട്ടുവെന്ന് അവർ മനസിലാക്കണമെന്ന് പ്രധാനമന്ത്രി ചൂണ്ടിക്കാട്ടി. ഇനി അവർ ഈ ശ്രമങ്ങൾ അവസാനിപ്പിക്കണം. മുസ്ലീംങ്ങൾക്ക് ആദ്യ പരിഗണന നൽകുമെന്ന് മൻമോഹൻ സിംഗ് പറഞ്ഞത് തന്നെയാണെന്ന് അദ്ദേഹം ചൂണ്ടിക്കാട്ടി. മുസ്ലീം സംവരണം കോൺഗ്രസിന്റെ പ്രഥമ പരിഗണന തന്നെയാണ്. എസ്സി – എസ്ടി, ഒബിസി വിഭാഗങ്ങൾക്ക് കോൺഗ്രസ് തുല്യ പരിഗണന നൽകുന്നില്ല. മുസ്ലീംങ്ങൾക്ക് അധിക സംവരണം നൽകാനുള്ള നീക്കം സുപ്രീം കോടതി ഇടപെടലിലാണ് തടയപ്പെട്ടതെന്നും അദ്ദേഹം കൂട്ടിച്ചേർത്തു.
നടി തമന്ന ഭാട്ടിയക്ക് സമൻസ് അയച്ച് പോലീസ്

നടി തമന്ന ഭാട്ടിയക്ക് സമൻസ് അയച്ച് പോലീസ്. ഫെയർപ്ലേ’ ബെറ്റിങ് ആപ്പിലൂടെ ഐപിഎൽ മത്സരങ്ങൾ അനധികൃതമായി തത്സമയം സംപ്രേഷണം ചെയ്തുവെന്ന പരാതിയുടെ അടിസ്ഥാനത്തിലാണ് നടപടി. ഫെയർപ്ലേ ആപ്പ് വഴി ഐ.പി.എൽ. മത്സരങ്ങൾ കാണാൻ പ്രൊമോഷൻ നടത്തിയെന്നാണ് താരത്തിനെതിരായ പരാതി. മഹാദേവ് ഓൺലൈൻ ഗെയിമിങ്ങിന്റെ അനുബന്ധ ആപ്പായ ‘ഫെയർപ്ലേ’ ആപ്പിലൂടെ ഐ.പി.എൽ. മത്സരങ്ങൾ അനധികൃതമായി തത്സമയം സംപ്രേഷണം ചെയ്തുവെന്നാണ് തമന്നക്കെതിരായ കേസ്. മഹാദേവ് ബെറ്റിങ് ആപ്പുമായി ബന്ധപ്പെട്ട കേസിലാണ് നടപടി. കേസുമായി ബന്ധപ്പെട്ട് ഗായകൻ ബാദ്ഷയുടെ മൊഴിയും നടൻ സഞ്ജയ് ദത്ത്, നടി ജാക്വിലിൻ ഫെർണാണ്ടസ് എന്നിവരുടെ മാനേജർമാരുടെ മൊഴികളും സൈബർ സെൽ നേരത്തെ രേഖപ്പെടുത്തിയിരുന്നുവെന്ന വാർത്തകൾ പുറത്തു വന്നിട്ടുണ്ട്.
പേപ്പർ ബാലറ്റുകൾ തിരികെ കൊണ്ടുവരണം; ആവശ്യം നിരസിച്ച് സുപ്രീം കോടതി

ന്യൂഡൽഹി: ഇലക്ട്രോണിക് വോട്ടിങ് യന്ത്രത്തിലെ വോട്ടുകൾ പൂർണമായും വിവിപാറ്റ് സ്ലിപ്പുകളുമായി ഒത്തുനോക്കണം എന്നാവശ്യപ്പെട്ടു നൽകിയ ഹർജികൾ തള്ളി സുപ്രീം കോടതി. പേപ്പർ ബാലറ്റുകൾ തിരികെ കൊണ്ടുവരണമെന്ന ആവശ്യവും സുപ്രീം കോടതി നിരാകരിച്ചു. അസോസിയേഷൻ ഓഫ് ഡെമോക്രാറ്റിക് റിഫോംസ് ഉൾപ്പെടെയുള്ളവർ നൽകിയ ഹർജിയാണ് കോടതി തള്ളിയത്. ജഡ്ജിമാരായ സഞ്ജീവ് ഖന്ന, ദീപാങ്കർ ദത്ത എന്നിവരുടെ ബെഞ്ച് 2 വ്യത്യസ്ത വിധികളാണു പറഞ്ഞത്. ഹർജികളിൽ തിരഞ്ഞെടുപ്പു കമ്മീഷനിൽ നിന്നു സുപ്രീംകോടതി സാങ്കേതിക വിശദീകരണം ആവശ്യപ്പെട്ടിരുന്നു. അതിന്റെ അടിസ്ഥാനത്തിലാണ് ഇന്നു വിധി പ്രസ്താവിച്ചത്. മുഴുവൻ വിവിപാറ്റ് സ്ലിപ്പുകളും എണ്ണുന്നത് പ്രായോഗികമല്ലെന്നും കോടതി പറഞ്ഞു. എന്നാൽ, സ്ലിപ്പ് ലോഡിങ് യൂണിറ്റ് സീൽ ചെയ്തു സൂക്ഷിക്കാമെന്നു വ്യക്തമാക്കി. ഒരു സംവിധാനത്തെ മുഴുവൻ അന്ധമായി സംശയത്തിന്റെ നിഴലിൽ നിർത്താനാകില്ല. ജനാധിപത്യമെന്നത് എല്ലാവരെയും ഐക്യത്തിലും വിശ്വാസത്തിലും നിലനിർത്താനുള്ളതാണ്. വിശ്വാസത്തിന്റെയും സഹകരണത്തിന്റെയും സംസ്‌കാരം നിലനിർത്താൻ ജനാധിപത്യത്തിന്റെ ശബ്ദം കരുത്തുറ്റതാക്കി മാറ്റണമെന്ന് കോടതി ആവശ്യപ്പെട്ടു. വ്യക്തമായ തെളിവുകളുടെ അടിസ്ഥാനത്തിലാണ് കോടതി ഹർജികളിൽ തീരുമാനമെടുത്തത്. ആരോപണങ്ങളിലൂടെ അനാവശ്യ ചർച്ചകൾക്കു വഴിയൊരുക്കരുത്. ഹർജിക്കാർ ഉന്നയിച്ച ആരോപണങ്ങൾ പരിശോധിക്കാൻ ചില നിർദേശങ്ങളും മുന്നോട്ടു വച്ചിട്ടുണ്ട്. ഇലക്ട്രോണിക് വോട്ടിങ് മെഷീന്റെ മെമ്മറിയും സീരിയൽ നമ്പറും സ്ഥാനാർഥികളുടെ അപേക്ഷ പരിഗണിച്ച് വിദഗ്ധർക്കു പരിശോധിക്കാം. തിരഞ്ഞെടുപ്പു ഫലം വന്ന് 7 ദിവസത്തിനുള്ളിൽ ഇതിനുള്ള അപേക്ഷ നൽകണം. പരിശോധനാ ചെലവിനുള്ള തുകയും കെട്ടി വയ്ക്കണം. ആരോപണം ശരിയാണെന്നു തെളിഞ്ഞാൽ ഈ തുക മടക്കി നൽകും. വോട്ടിങ് മെഷീനിൽ ചിഹ്നം ലോഡുചെയ്യൽ പ്രക്രിയ പൂർത്തിയാക്കിക്കഴിഞ്ഞാൽ സിംബൽ ലോഡിംഗ് യൂണിറ്റ് സീൽ ചെയ്യണം. ഇവ കുറഞ്ഞത് 45 ദിവസമെങ്കിലും സ്‌ട്രോങ് റൂമുകളിൽ സൂക്ഷിക്കണമെന്നും കോടതി കൂട്ടിച്ചേർത്തു.