ഉയർന്ന രക്ത സമ്മർദ്ദം ഉള്ളവരാണോ; ശ്രദ്ധിക്കാം ഇക്കാര്യങ്ങൾ….

On: February 2, 2023

ഇന്ന് പലരെയും ബാധിക്കുന്ന ജീവിതശൈലീ രോഗമാണ് ഉയർന്ന രക്ത സമ്മർദ്ദം. ഹൃദയാഘാതം, പക്ഷാഘാതം, വൃക്ക തകരാർ, മറ്റ് പല ആരോഗ്യപ്രശ്‌നങ്ങൾക്കിടയിലെ മറ്റ് ഹൃദയ സംബന്ധമായ അസുഖങ്ങൾ തുടങ്ങിയ രോഗങ്ങൾക്കുള്ള പ്രധാന കാരണമാണിത്. ഉയർന്ന ബിപി നിയന്ത്രിക്കാൻ ശ്രദ്ധിക്കേണ്ട ചില കാര്യങ്ങൾ എന്തൊക്കെയാണെന്ന് നോക്കാം.

ഓരോ 30-40 മിനിറ്റിനും ശേഷം എഴുന്നേൽക്കുക.. കസേരയിലിരുന്ന് ലഘു വ്യായാമങ്ങൾ ചെയ്യുക.. ഫോൺ കോളുകൾക്കിടയിൽ നടക്കുക.. സാധ്യമാകുന്നിടത്തെല്ലാം ലിഫ്റ്റ് ഒഴിവാക്കി പടികൾ ഉപയോഗിക്കുക. ബിപിയുള്ളവർ വ്യായാമം ശീലമാക്കണം. പോഷകാഹാരം കഴിക്കുകയും നന്നായി ഉറങ്ങുകയും വേണം. ജങ്ക് ഫുഡ് ഒഴിവാക്കുന്നതാണ് നല്ലത്. സമ്മർദ്ദം പരമാവധി ഒഴിവാക്കണം.

ഉപ്പിന്റെ അമിതോപയോഗവും കുറയ്ക്കണം. മുതിർന്നവർ പ്രതിദിനം ആറ് ഗ്രാമിൽ താഴെ ഉപ്പ് മാത്രമേ കഴിക്കാവൂവെന്ന് വിദഗ്ധർ നിർദ്ദേശിക്കുന്നു. പാചകം ചെയ്യുമ്പോൾ കുറച്ച് ഉപ്പ് ചേർക്കുക. ഭക്ഷണം തയ്യാറാക്കിയ ശേഷം കഴിക്കുന്ന സമയത്ത് ഉപ്പ് ചേർക്കുന്നതും നല്ലതല്ല.

Previous Post: അരവിന്ദ് കെജ്രിവാളിനെതിരെ കുറ്റപത്രം സമർപ്പിച്ച് എൻഫോഴ്‌സ്‌മെന്റ്; മദ്യവ്യവസായിയുമായി ഫോണിലൂടെ ചർച്ച നടത്തിയെന്ന് കണ്ടെത്തൽ

Next Post: ക്രെഡിറ്റ് കാര്‍ഡുകളെ യുപിഐ പ്ലാറ്റ്‌ഫോമുമായി ബന്ധിപ്പിക്കുന്നതെങ്ങനെ?

നെസ്ലെയുടെ ബേബി ഫുഡുകളിൽ കൂടിയ അളവിൽ പഞ്ചസാര; ഞെട്ടിക്കുന്ന റിപ്പോർട്ട് പുറത്ത്

ന്യൂഡൽഹി: ലോക പ്രശസ്ത ബ്രാൻഡായ നെസ്ലെയുടെ മുൻനിര ബേബി ഫുഡുകളുമായി ബന്ധപ്പെട്ട് ഞെട്ടിക്കുന്ന റിപ്പോർട്ട് പുറത്ത്. ഈ ബേബി ഫുഡുകളിൽ കൂടിയ അളവിൽ പഞ്ചസാരയും തേനും അടങ്ങിയിട്ടുണ്ടെന്നാണ് റിപ്പോർട്ട്. ഇന്ത്യയെപ്പോലെ താഴ്ന്ന, ഇടത്തരം വരുമാനമുള്ള രാജ്യങ്ങളിൽ വിൽക്കുന്ന ഉത്പന്നങ്ങളിലാണ് അന്താരാഷ്ട്ര മാർഗനിർദ്ദേശങ്ങൾക്ക് വിരുദ്ധമായി പഞ്ചസാര കൂടിയ അളവിൽ ഉപയോഗിച്ചുവെന്ന് പഠനത്തിൽ കണ്ടെത്തിയത്. ഇത്തരം രാജ്യങ്ങളിൽ ഏറ്റവും കൂടുതൽ വിലപ്പന നടത്തുന്ന ബേബി ഫുഡ് സെറിലാക്കും നിഡോയുമാണെന്നും റിപ്പോർട്ടിൽ പറയുന്നു. 250 മില്യൺ ഡോളറിന്റെ ഉത്പന്നങ്ങളാണ് 2022ൽ ഇന്ത്യയിൽ വിറ്റുപോയത്. സ്വിറ്റ്സർലൻഡ് ആസ്ഥാനമായ ‘പബ്ലിക് ഐ’ എന്ന സംഘടനയാണ് ഇതുസംബന്ധിച്ച് പഠനം നടത്തിയതും റിപ്പോർട്ട് പുറത്തുവിട്ടതും. വിവിധ രാജ്യങ്ങളിൽ നിന്ന് നെസ്ലെയുടെ ബേബിഫുഡുകൾ ശേഖരിച്ച് ബെൽജിയത്തിലെ ലാബിലാണ് പരിശോധന നടത്തിയത്. ഇന്ത്യയിൽ വിൽക്കുന്ന സെറിലാക്കിലും നിഡോയിലും മൂന്നുശതമാനത്തിൽ കൂടുതൽ പഞ്ചസാര അടങ്ങിയിട്ടുണ്ടെന്നാണ് റിപ്പോർട്ട് ചൂണ്ടിക്കാട്ടുന്നത്. തായ്ലൻഡ് – 6 ഗ്രാം, എത്യോപ്യ – 5 ഗ്രാം, ദക്ഷിണാഫ്രിക്ക – 4 ഗ്രാം, ബ്രസീൽ – 3 ഗ്രാം, ഇന്തോനേഷ്യ – 2 ഗ്രാം, മെക്‌സിക്കോ – 1.7 ഗ്രാം, നൈജീരിയ, സെനഗൽ – 1 ഗ്രാം എന്നിങ്ങനെയാണ് പഞ്ചസാരയുടെ അളവ്. എന്നാൽ ബ്രിട്ടൻ ഉൾപ്പെടെയുള്ള പ്രധാന യൂറോപ്യൻ വിപണികളിൽ വിറ്റഴിച്ചിരുന്ന ഉത്പന്നങ്ങളിൽ പഞ്ചസാര ചേർത്തിരുന്നില്ലെന്നും റിപ്പോർട്ടിൽ വിശദമാക്കിയിട്ടുണ്ട്. ലോകാരോഗ്യ സംഘടനയുടെ മാർഗനിർദ്ദേശങ്ങൾ അനുസരിച്ച്, മൂന്ന് വയസിന് താഴെയുള്ള കുട്ടികൾക്കുള്ള ഭക്ഷണത്തിൽ പഞ്ചസാരയോ മറ്റ് മധുരമുണ്ടാക്കുന്ന ഘടകങ്ങളോ ചേർക്കാൻ പാടില്ല. റിപ്പോർട്ട് പുറത്തുവന്നതിന് പിന്നാലെ വിഷയത്തിൽ വിശദീകരണവുമായി കമ്പനി രംഗത്തെത്തിയിരുന്നു. അഞ്ചുവർഷംകൊണ്ട് പഞ്ചസാര മുപ്പത് ശതമാനത്തോളം കുറച്ചുവെന്നാണ് നെസ്ലെ ഇന്ത്യ വക്താവ് പ്രസ്താവനയിൽ പറയുന്നത്. പതിവായി ഉത്പന്നങ്ങൾ നിരീക്ഷിക്കുന്നുണ്ടെന്നും ഗുണനിലവാരത്തിലും രുചിയിലും സുരക്ഷയിലും ഒരു തരത്തിലുള്ള വിട്ടുവീഴ്ചയ്ക്കും ഒരുതരത്തിലുള്ള വിട്ടുവീഴ്ചയ്ക്കും ഒരുക്കമല്ലെന്നും വക്താവ് അറിയിച്ചു.
വോട്ടർ ലിസ്റ്റിൽ പേരുണ്ടോ: അറിയാം മൊബൈൽ ആപ്പിലൂടെ

തിരുവനന്തപുരം: വോട്ടർപട്ടികയിൽ നിങ്ങളുടെ പേരുണ്ടോ എന്ന് നോക്കണോ? നിങ്ങളുടെ മണ്ഡലത്തിലെ സ്ഥാനാർഥിയെക്കുറിച്ചുള്ള വിവരങ്ങൾ അറിയണോ? അതോ വോട്ടർപട്ടികയിൽ പേര് ചേർക്കാൻ എന്തുചെയ്യണം എന്നറിയാതെ കുഴങ്ങുകയാണോ? ലോക്‌സഭ വോട്ടെടുപ്പിനുള്ള നാളുകൾ അടുക്കുമ്പോൾ വോട്ടർമാർക്ക് ആവശ്യമായ വിവരങ്ങൾ നൽകാൻ ആപ്പുമായെത്തിയിരിക്കുകയാണ് തിരഞ്ഞെടുപ്പ് കമ്മീഷൻ. വോട്ടർഹെൽപ്പ് ലൈൻ ആപ്പാണ് വോട്ടർമാർക്ക് വേണ്ട അവശ്യവിവരങ്ങളെല്ലാം ഒറ്റക്ലിക്കിൽ വിരൽതുമ്പിൽ എത്തിക്കുന്നത്. തിരഞ്ഞെടുപ്പ് സംബന്ധിച്ച സേവനങ്ങളും വിവരങ്ങളും വോട്ടർമാർക്ക് എളുപ്പത്തിൽ ലഭിക്കാൻ സഹായകമാവുന്ന ഈ ആപ്പ് ഗൂഗിൾ പ്ലേ സ്റ്റോറിൽനിന്നോ ആപ്പിൾ ആപ് സ്റ്റോറിൽനിന്നോ ഡൗൺലോഡ് ചെയ്ത് ഉപയോഗിക്കാം. പൗരന്മാരെ തിരഞ്ഞെടുപ്പ് കമ്മീഷനുമായി ബന്ധപ്പെടുത്താനും അവർക്കാവശ്യമായ വിവരങ്ങൾ എളുപ്പത്തിൽ ലഭ്യമാക്കുകയുമാണ് ആപ്പിലൂടെ കമ്മീഷൻ ലക്ഷ്യമിടുന്നതെന്ന് മുഖ്യതിരഞ്ഞെടുപ്പ് ഓഫീസർ സഞ്ജയ് കൗൾ പറഞ്ഞു. വോട്ടർ പട്ടികയിൽ പേര് തിരയുക, വ്യക്തിഗത വിവരങ്ങൾ തിരുത്തുക, വോട്ട് മറ്റൊരിടത്തേക്ക് മാറ്റുക, ഡിജിറ്റൽ ഫോട്ടോ വോട്ടർ സ്ലിപ്പുകൾ ഡൗൺലോഡ് ചെയ്യുക, വോട്ടർഐഡി ആധാറുമായി ബന്ധിപ്പിക്കൽ, വോട്ടർപട്ടികയിൽ നിന്ന് പേര് നീക്കാൻ അപേക്ഷ നൽകൽ, പരാതികൾ സമർപ്പിക്കുക, അതിന്റെ സ്റ്റാറ്റസ് തിരയുക, തിരഞ്ഞെടുപ്പുഫലം അറിയൽ, തിരഞ്ഞെടുപ്പും ഇവിഎമ്മുമായി ബന്ധപ്പെട്ട വാർത്തകളും വിവരങ്ങളും അറിയുക എന്നിവയൊക്കെ ഈ മൊബൈൽ ആപ്പ് വഴി ചെയ്യാനാവും. വോട്ടറല്ലാത്തവർക്ക് ഫോണിൽവരുന്ന ഒ.ടി.പി ഉപയോഗിച്ച് ലോഗിൻ ചെയ്ത് രജിസ്‌ട്രേഷനും നടത്താം. തുടർന്ന് വ്യക്തിഗത വിവരങ്ങൾ, ഫോൺ, ഇ-മെയിൽ ഐഡി, ജനനത്തീയതി, വിലാസം, പാസ്‌പോർട്ട് സൈസ് ഫോട്ടോ തുടങ്ങിയവ അപ്ലോഡ് ചെയ്ത് വോട്ടറായി രജിസ്റ്റർ ചെയ്യാനാവും.
ആദ്യമായി താൻ പ്രണയിച്ച പുരുഷൻ തന്നെ ചതിച്ചു; മനസ് തുറന്ന് വിദ്യാ ബാലൻ

ആദ്യ പ്രണയത്തെ കുറിച്ച് മനസ് തുറന്ന് ബോളിവുഡ് താരം വിദ്യാ ബാലൻ. ആദ്യമായി താൻ പ്രണയിച്ച പുരുഷൻ തന്നെ ചതിച്ചുവെന്ന് വിദ്യാ ബാലൻ പറഞ്ഞു. ആദ്യ പ്രണയത്തിലെ കാമുകൻ തന്നെ ചതിച്ചുവെന്നും അത് തന്നെ തകർത്തുകളഞ്ഞുവെന്നുമാണ് വിദ്യാ ബാലൻ വ്യക്തമാക്കി. ഒരു ദേശീയ മാദ്ധ്യമത്തിന് നൽകിയ അഭിമുഖത്തിലായിരുന്നു വിദ്യാ ബാലന്റെ പ്രതികരണം. അന്ന് അയാൾ പറഞ്ഞത് വാലന്റൈൻസ് ഡേയ്ക്ക് തന്റെ മുൻ കാമുകിയോടൊപ്പം ഡേറ്റിംഗിന് പോകുകയാണെന്നാണ്. അത് കേട്ടപ്പോൾ താൻ ഷോക്കായി പോയി. ആ ദിവസം തന്നെ സംബന്ധിച്ച് ജീവിതത്തിലെ ഒരു മോശം ദിവസമായിട്ടാണ് താൻ കണക്കാക്കുന്നത്. എന്നാൽ അതിലൊന്നും താൻ തളർന്നില്ല. ഒരുപാട് നല്ലകാര്യങ്ങൾ താൻ എന്റെ ജീവിതത്തിൽ തനിക്കായി ചെയ്തിട്ടുണ്ട്. വളരെ കുറച്ച് പുരുഷന്മാരെ മാത്രമേ പ്രണയിച്ചിട്ടുള്ളൂവെന്നും താരം വെളിപ്പെടുത്തി. എന്നാൽ ആദ്യമായി ഗൗരവത്തോടെ കണ്ട പ്രണയത്തിലെ പുരുഷനെ തന്നെയാണ് വിവാഹം ചെയ്തതെന്നും വിദ്യ പറയുന്നു. കരിയറിന്റെ തുടക്കത്തിൽ താൻ നേരിട്ട തിരിച്ചടികളേക്കുറിച്ചും താരം തുറന്നു സംസാരിച്ചു. തന്റെ രൂപത്തെ കുറിച്ച് വരെ മോശം പറഞ്ഞ ആളുകളുണ്ട്. ഈ കുട്ടിക്ക് നായികയാവാനുള്ള സൗന്ദര്യമൊന്നും ഇല്ലെന്നാണ് ഒരു നിർമാതാവ് പറഞ്ഞത്. എന്റെ രൂപത്തേക്കുറിച്ചുള്ള ആ കമന്റ് എന്നെ വളരേയധികം ബാധിച്ചു. അന്നത്തെ ആ കൂടിക്കാഴ്ചയ്ക്ക് ശേഷം ആറുമാസത്തോളം കണ്ണാടിയിൽ നോക്കാൻ പോലും ധൈര്യമുണ്ടായിരുന്നില്ല. മൂന്നുവർഷത്തോളം ജീവിതത്തിലെ പ്രതിസന്ധി തുടർന്നു. സിനിമ ഉപേക്ഷിക്കുന്നതിനേക്കുറിച്ചുവരെ ചിന്തിച്ചു. പക്ഷേ ലക്ഷ്യംകാണാനുള്ള തീവ്രമായ ആഗ്രഹം എല്ലാത്തിനേയും മറികടക്കാൻ സഹായിച്ചുവെന്ന് വിദ്യാ ബാലൻ കൂട്ടിച്ചേർത്തു.
വ്യക്തിഹത്യയും സൈബർ ആക്രമണവും അപലപനീയം; ശൈലജയ്‌ക്കെതിരെ നടക്കുന്നത് വ്യാജ പ്രചാരണമെന്ന് യച്ചൂരി

കോഴിക്കോട്: സിപിഎം സ്ഥാനാർത്ഥി കെ കെ ശൈലജയ്ക്ക് നേരെ നടന്ന അശ്ലീല പ്രചാരണത്തിൽ പ്രതികരണവുമായി സിപിഎം ജനറൽ സെക്രട്ടറി സീതാറാം യച്ചൂരി. വടകരയിൽ എൽഡിഎഫ് സ്ഥാനാർഥി കെ കെ ശൈലജയുടെ വിജയം ഉറപ്പായതോടെയാണ് അശ്ലീല പ്രചാരണം നടത്തുന്നതെന്ന് അദ്ദേഹം പറഞ്ഞു. വാർത്താസമ്മേളനത്തിലായിരുന്നു അദ്ദേഹത്തിന്റെ പ്രതികരണം. വ്യക്തിഹത്യയും സൈബർ ആക്രമണവും അപലപനീയമാണ്. പ്രചാരണത്തിൽ ഇത് അംഗീകരിക്കാനാവില്ല. ആശയപരമായി എതിർക്കാം. വ്യക്തിയധിക്ഷേപം നടത്തിയല്ല തിരഞ്ഞെടുപ്പിനെ നേരിടേണ്ടതെന്ന് അദ്ദേഹം വ്യക്തമാക്കി. ശൈലജയ്‌ക്കെതിരെ നടക്കുന്നത് വ്യാജ പ്രചാരണമാണ്. പാർലമെന്റിൽ ഇലക്ടറൽ ബോണ്ട് വിഷയത്തിലും സിഎഎക്കെതിരെയും ആദ്യം ശബ്ദം ഉയർത്തിയ പാർട്ടി സിപിഎം ആണ്. ഇലക്ടറൽ ബോണ്ടിനെതിരെ ആദ്യം സുപ്രീം കോടതിയെ സമീപിച്ചതും ഇടതുപക്ഷമാണ്. അതിന്റെ ഫലമായാണ് ഇലക്ടറൽ ബോണ്ട് സുപ്രീം കോടതി റദ്ദാക്കിയത്. വർഗീയ ധ്രുവീകരണം നടത്താനാണ് പ്രധാനമന്ത്രി നരേന്ദ്ര മോദിയുടെ ശ്രമം. മണിപ്പുരിനെക്കുറിച്ച് ഒരു വാക്കുപോലും സംസാരിക്കാൻ പ്രധാനമന്ത്രി തയാറായിട്ടില്ലെന്ന് യച്ചൂരി കുറ്റപ്പെടുത്തി. മോദി സർക്കാരിനെ എതിർക്കുന്നവരെയെല്ലാം ജയിലിലടയ്ക്കുകയാണിപ്പോൾ. വോട്ടിങ് യന്ത്രത്തിലെ വിവിപാറ്റിന്റെ പ്രവർത്തനത്തിൽ സംശയമുണ്ട്. ചെയ്യുന്ന വോട്ടുകൾ രേഖപ്പെടുത്തുന്നത് കൺട്രോൾ റൂമിലാണ്. ചെയ്യുന്ന വോട്ടുകൾ തന്നെയാണോ രേഖപ്പെടുത്തുന്നത് എന്ന കാര്യത്തിൽ ഉറപ്പില്ലെന്നും അദ്ദേഹം കൂട്ടിച്ചേർത്തു.
ആകെ പ്രശ്നങ്ങൾ; കേരളാ വിഷനുമായുള്ള കരാറിൽ നിന്നും പിന്മാറി കെ ഫോൺ

തിരുവനന്തപുരം കേരളാ വിഷനുമായുള്ള കരാറിൽ നിന്നും പിന്മാറി കെ ഫോൺ. സംസ്ഥാനത്തെ ബിപിഎൽ കുടുംബങ്ങൾക്കുള്ള സൗജന്യ കണക്ഷൻ നടപടികൾ കേരളാ വിഷനിൽ നിന്ന് കെ ഫോൺ തിരിച്ചെടുത്തു. ഉദ്ഘാടനം കഴിഞ്ഞ് പത്ത് മാസം പിന്നിട്ടിട്ടും ആദ്യഘട്ടത്തിൽ പ്രഖ്യാപിച്ച 14,000 കണക്ഷനിൽ പകുതി പോലും കൊടുത്തു തീർക്കാൻ കെ ഫോണിന് കഴിഞ്ഞിട്ടില്ല. ഒരു വർഷത്തെ പരിപാലനം അടക്കം നൽകിയ കരാറിൽ നിന്നാണ് കെ ഫോൺ പിന്മാറിയത്. ലക്ഷ്യമിട്ട ടാർഗറ്റും പത്ത് മാസത്തെ പ്രവർത്തന പുരോഗതിയും വച്ച് നോക്കുമ്പോൾ കെ ഫോൺ വളരെ പിന്നിലാണ്. 5734 ബിപിഎൽ കുടുംബങ്ങൾക്ക് മാത്രമാണ് കെ ഫോണിന്റെ ഔദ്യോഗിക കണക്ക് അനുസരിച്ച് സൗജന്യ കണക്ഷൻ കിട്ടിയത്. 14,000 കുടുംബങ്ങൾക്ക് സൗജന്യ കണക്ഷൻ പാതി പോലും ആയിട്ടില്ല. ബാക്കി കൊടുക്കാൻ വ്യക്തി വിവരങ്ങൾ അടക്കം പൂർണ്ണമല്ലെന്ന് ആവർത്തിച്ച് കേരള വിഷൻ അറിയിച്ചിട്ടും കെ ഫോൺ ഒന്നും ചെയ്തില്ലെന്നാണ് റിപ്പോർട്ടുകൾ. ഒരു വർഷ കാലാവധി തീർന്നതോടെ ഇനി കേരളാ വിഷനുമായുള്ള കരാർ പുതുക്കേണ്ടെന്നാണ് കെ ഫോൺ തീരുമാനം. ബാക്കി കണക്ഷൻ കെ ഫോൺ നേരിട്ട് നൽകാനാണ് തീരുമാനം.