നടി തമന്ന ഭാട്ടിയക്ക് സമൻസ് അയച്ച് പോലീസ്. ഫെയർപ്ലേ’ ബെറ്റിങ് ആപ്പിലൂടെ ഐപിഎൽ മത്സരങ്ങൾ അനധികൃതമായി തത്സമയം സംപ്രേഷണം ചെയ്തുവെന്ന പരാതിയുടെ അടിസ്ഥാനത്തിലാണ് നടപടി.
ഫെയർപ്ലേ ആപ്പ് വഴി ഐ.പി.എൽ. മത്സരങ്ങൾ കാണാൻ പ്രൊമോഷൻ നടത്തിയെന്നാണ് താരത്തിനെതിരായ പരാതി. മഹാദേവ് ഓൺലൈൻ ഗെയിമിങ്ങിന്റെ അനുബന്ധ ആപ്പായ ‘ഫെയർപ്ലേ’ ആപ്പിലൂടെ ഐ.പി.എൽ. മത്സരങ്ങൾ അനധികൃതമായി തത്സമയം സംപ്രേഷണം ചെയ്തുവെന്നാണ് തമന്നക്കെതിരായ കേസ്.
മഹാദേവ് ബെറ്റിങ് ആപ്പുമായി ബന്ധപ്പെട്ട കേസിലാണ് നടപടി. കേസുമായി ബന്ധപ്പെട്ട് ഗായകൻ ബാദ്ഷയുടെ മൊഴിയും നടൻ സഞ്ജയ് ദത്ത്, നടി ജാക്വിലിൻ ഫെർണാണ്ടസ് എന്നിവരുടെ മാനേജർമാരുടെ മൊഴികളും സൈബർ സെൽ നേരത്തെ രേഖപ്പെടുത്തിയിരുന്നുവെന്ന വാർത്തകൾ പുറത്തു വന്നിട്ടുണ്ട്.