ശരീരത്തിന്റെ ആരോഗ്യത്തിന് വേണ്ട ഏറ്റവും പ്രധാനപ്പെട്ട ഘടകങ്ങളിലൊന്നാണ് നല്ല ഉറക്കം. എല്ലാ ദിവസവും ഒരേ സമയം ഉറങ്ങുകയും ഉണരുകയും ചെയ്യുന്നത് ശരീരം ആരോഗ്യത്തോടെ നിലനിർത്താൻ സഹായിക്കുന്നു. വേണ്ടത്ര ഉറക്കം ലഭിച്ചില്ലെങ്കിൽ അത് നിങ്ങളുടെ ആരോഗ്യത്തെ ദോഷകരമായി ബാധിച്ചേക്കാനിടയുണ്ട്. നല്ല ഉറക്കം ലഭിക്കാൻ സഹായിക്കുന്ന ഭക്ഷണങ്ങൾ എന്തൊക്കെയാണെന്ന് നോക്കാം.
ബദാം
ഉറക്കത്തിന് ആവശ്യമായ ഹോർമോണുകൾ ഉണ്ടാകാനായി സഹായിക്കുന്ന ഭക്ഷണമാണ് ബദാം. അതിനാൽ ബദാം കഴിക്കുന്നത് സുഖനിദ്രയ്ക്ക് സഹായിക്കും.
തേൻ
ഉറങ്ങുന്നതിന് മുമ്പ് ഒരു സ്പൂൺ തേൻ കുടിക്കുന്നത് വളരെ നല്ലതാണ്. തേനിൽ അടങ്ങിയിരിക്കുന്ന അമിനോ ആസിഡ് ട്രൈംപ്‌റ്റോഫാൻ നല്ല ഉറക്കം ലഭിക്കാൻ സഹായിക്കും.
പഴം
നല്ല ഉറക്കം ലഭിക്കാൻ പഴം കഴിക്കുന്നത് വളരെ പ്രയോജനപ്രദമാണ്. പഴം കഴിക്കുന്നതിലൂടെ ആരോഗ്യവും ലഭിക്കും. നല്ല ഉറക്കത്തിനായി ചെറിപ്പഴം കഴിക്കുന്നതും നല്ലതാണ്.