സംസ്ഥാനത്ത് ഇപ്പോൾ ചൂട് കനക്കുകയാണ്. പുറത്തിറങ്ങിയാൽ വെന്തുരുകുന്ന അവസ്ഥയാണ്. സൺസ്‌ക്രീൻ പുരട്ടാതെ പുറത്തിറങ്ങാൻ പോലും പലരും ഇപ്പോൾ പേടിക്കുന്നുണ്ട്. എന്നാൽ സൺസ്‌ക്രീൻ തെരഞ്ഞെടുക്കുമ്പോൾ ചില കാര്യങ്ങൾ ശ്രദ്ധിക്കേണ്ടതായുണ്ട്. അവ എന്തൊക്കെയാണെന്ന് നോക്കാം.
സിങ്ക് ഓക്സൈഡ്, ടൈറ്റാനിയം ഡയോക്സൈഡ് തുടങ്ങിയ മിനറൽ ആക്റ്റീവ് ഘടകങ്ങൾ അടങ്ങിയ സൺസ്‌ക്രീനുകൾ ഉപയോഗിക്കുന്നതാണ് സുരക്ഷിതവും കൂടുതൽ ഫലപ്രദവും. ‘റീഫ്-സേഫ്’ അല്ലെങ്കിൽ ‘നോൺ-ടോക്സിക്’ എന്ന് ലേബൽ ചെയ്തിരിക്കുന്ന സൺസ്‌ക്രീനുകൾ ഉപയോഗിക്കാനും ശ്രദ്ധിക്കണം. പുറത്തിറങ്ങുന്നതിന് 15-20 മിനിറ്റ് മുൻപ് തന്നെ ചർമ്മത്തിൽ സൺസ്‌ക്രീൻ പുരട്ടേണ്ടതാണ്.
വിയർക്കുകയും നനയുകയോ ചെയ്താൽ വീണ്ടും സൺസ്‌ക്രീം പുരട്ടുന്നതാണ് നല്ലത്. പുറത്താണെങ്കിൽ ഓരോ രണ്ട് മണിക്കൂർ കഴിയുമ്പോഴും സൺസ്‌ക്രീൻ പുരട്ടാനും ശ്രദ്ധിക്കണം.
അണുബാധകളേയും രോഗങ്ങളേയും വർധിപ്പിക്കുന്ന അൾട്രാവയലറ്റ് രശ്മികൾ ചർമ്മത്തിൽ പ്രവേശിക്കാതെ സൺസ്‌ക്രീൻ സംരക്ഷിക്കുന്നുണ്ട്.