ബീജിംഗ്: ചൈനയില് 132 യാത്രക്കാരുമായി പറന്നുയര്ന്ന ഈസ്റ്റേണ് എയര്ലൈനിന്റെ ബോയിംഗ് 737 വിമാനം തകര്ന്നു വീണു. തെക്കന് ചൈനയിലെ ഒരു പര്വതയിടുക്കിലാണ് വിമാനം തകര്ന്നു വീണതെന്നാണ് ചൈന സെന്ട്രല് ടെലിവിഷന് റിപ്പോര്ട്ട് ചെയ്തത്.
ഇന്ന് ഉച്ചക്ക് 1.11ന് കുമിംഗില് നിന്ന് ഗ്വാംഷുവിലേക്ക് പുറപ്പെട്ട വിമാനമാണ് തകര്ന്നത്. എത്രപേര് രക്ഷപ്പെട്ടു എന്നത് സംബന്ധിച്ച് കൃത്യമായ വിവിരങ്ങളൊന്നും പുറത്തു വന്നിട്ടില്ല. രക്ഷാപ്രവര്ത്തനം പുരോഗമിക്കുകയാണ്.
123 യാത്രക്കാരും ഒമ്പത് ക്രൂ മെമ്പേഴ്സും അടങ്ങുന്ന സംഘമാണ് വിമാനത്തിലുണ്ടായിരുന്നത്. വുഷോവിലെ ടെംഗ് കൗണ്ടി മലനിരകളിലാണ് വിമാനം തകര്ന്നുവീണതെന്നാണ് വിവരും. പ്രദേശത്താകെ തീ പടര്ന്നുപിടിക്കുകയാണെന്നും റിപ്പോര്ട്ടുകളുണ്ട്. വിമാനത്തിലുള്ളവരെ കുറിച്ച് നിലവില് വിവരമില്ല.