പവി കെയർ ടേക്കർ എന്ന സിനിമയെ കുറിച്ച് വാചാലനായി നടൻ ദിലീപ്. ഭയങ്കരമായി എൻജോയ് ചെയ്തുകൊണ്ട് ചെയ്ത സിനിമയാണ് ‘പവി കെയർടേക്കർ’ എന്ന് അദ്ദേഹം പറഞ്ഞു. മൈ ബോസ്, ടൂ കൺട്രീസ്, രാമലീല പോലൊരു സിനിമ തന്നെയാണിതെന്നും അദ്ദേഹം അറിയിച്ചു. ഒരു സ്വകാര്യ ചാനലിന് നൽകിയ അഭിമുഖത്തിലായിരുന്നു അദ്ദേഹത്തിന്റെ പ്രതികരണം.
ബോഡി ഗാർഡ് എന്ന ചിത്രവുമായി പവി കെയർ ടേക്കറിന് സാമ്യമുണ്ടെന്ന പ്രക്ഷകരുടെ അഭിപ്രായത്തോടും ദിലീപ് പ്രതികരിച്ചു. ‘ഇതിനകത്ത് നമ്മളും പ്രേക്ഷകരുമെല്ലാം ഒന്നിച്ചാണ് യാത്ര ചെയ്യുന്നത്. ഭയങ്കര സസ്പെൻസ് മെയിന്റെയിൻ ചെയ്യുകയാണ്. മറ്റേത് പ്രേക്ഷകർ മാറി നിന്ന് കഥ കാണുകയാണ്. ജനങ്ങൾക്ക് അറിയാലോയെന്ന് അദ്ദേഹം വ്യക്തമാക്കി.
സിനിമകൾ ഇറങ്ങുന്നതിന് തൊട്ടുമുമ്പുള്ള വിമർശകരെക്കുറിച്ചും ദിലീപ് സംസാരിച്ചു. മിനിമം പത്ത് വർഷമായി താനിത് ശ്രദ്ധിക്കാൻ തുടങ്ങിയിട്ട്. അന്ന് സോഷ്യൽ മീഡിയയിൽ ഭയങ്കര അറ്റാക്ക് ചെയ്തതൊന്നും ബാധിച്ചിട്ടില്ല. കാരണം അന്ന് സോഷ്യൽ മീഡിയ അത്ര സജീവമല്ല. അതെല്ലാം അതിന്റെ ഭാഗമായി പോകുന്നുവെന്നല്ലാതെ എന്ത് പറയാനാണെന്ന് താരം കൂട്ടിച്ചേർത്തു.