Latest News (Page 3,492)

തിരുവനന്തപുരം വിമാനത്താവളം വഴിയുള്ള സ്വർണക്കടത്ത് കേസിലെ പ്രതി ഫൈസൽ ഫരീദ് നാല് മലയാള സിനിമകൾക്കു പുറമേ അന്യഭാഷാ സിനിമയുടെ കേരളത്തിലെ റിലീസിനും പണം മുടക്കിയാതായി സൂചന. ജ്വല്ലറി മേഖലയിൽ മാത്രമല്ല മലയാളസിനിമയിലെ ചില പ്രമുഖരുമായും ഫൈസൽ ബന്ധം പുലർത്തിയിരുന്നു എന്ന റിപ്പോർട്ടുകളാണ് പുറത്തു വരുന്നത്. ന്യൂ ജനറേഷൻ സംവിധായകന്റെ ചിത്രത്തിലേക്കു വേണ്ടിയാണ് ഫൈസൽ അരുൺ ബാലചന്ദ്രന് പണം നൽകിയത്. അടുത്ത കാലത്ത് ഇറങ്ങിയ ഒരു സൂപ്പർ ഹിറ്റ് സിനിമയടക്കം നാല് സിനിമകൾക്ക് ഫൈസൽ ഫരീദ് ഹവാല പണമിറക്കിയെന്നും സൂചനയുണ്ട്. അതിനുപുറമെ ഫൈസലുൾപ്പെട്ട കള്ളക്കടത്ത് റാക്കറ്റാണ് ചില മലയാള സിനിമകളിൽ പണമിറക്കുന്നതെന്നും ഇതെല്ലാം ഹവാല പണമായിരുന്നു എന്നുമാണ് റിപ്പോർട്ട്. ഫൈസലിനെ ചോദ്യം ചെയ്യുന്നതോടെ അന്വേഷണം സിനിമ മേഖലയിലെ കൂടുതൽ പേരിലേയ്ക്ക് നീങ്ങും. ദുബായ് പൊലീസ് അറസ്റ്റ് ചെയ്ത ഫൈസൽ ഫരീദിനെ എൻഐഎ ആവശ്യപ്പെട്ടാൽ ഏത് സമയവും ഇന്ത്യയ്ക്ക് കൈമാറിയേക്കുമെന്നാണ് വിവരം.

കേരളത്തിലേയ്ക്കു സ്വർണം കടത്തിയ കേസിലെ മൂന്നാം പ്രതി തൃശൂർ കൊടുങ്ങല്ലൂർ മൂന്നുപീടിക സ്വദേശി ഫൈസൽ ഫരീദ് (36) ദുബായ് പൊലീസിന്റെ കസ്റ്റഡിയിൽ.
മൂന്നുദിവസം മുൻപാണ് ഫൈസലിനെ ദുബായ് പോലീസ് അറസ്റ്റ് ചെയ്തത്. എന്നാണ് പുറത്തു വരുന്ന വിവരം. കള്ളക്കടത്തിലുള്ള പങ്കാളിത്തം, തീവ്രവാദ പ്രവർത്തനങ്ങൾക്കുള്ള സഹായം ഉൾപ്പെടെ ഗുരുതര കുറ്റങ്ങളാണ് ഫൈസലിനെ തിരെ എൻഐഎ ചുമത്തിയിരിക്കുന്നത്. ഇതിനിടെ ഇന്ത്യ ഫൈസലിന്റെ പാസ്‌പോര്‍ട്ട് റദ്ദാക്കുകയും യു.എ.ഇ. യാത്രാവിലക്ക് ഏര്‍പ്പടുത്തുകയും, ഇന്റർപോൾ ലുക്കൗട്ട് നോട്ടിസ് പുറപ്പെടുവിക്കുകയും ചെയ്തിരുന്നു. നേരത്തെ സ്വര്‍ണക്കടത്തുമായി ബന്ധപ്പെടുത്തി ഫൈസൽ ഫരീദിനെ
ക്കുറിച്ചുള്ള ആദ്യ റിപ്പോർട്ടുകൾ പുറത്തുവന്നപ്പോൾ അതു നിഷേധിച്ചുകൊണ്ട് ഇയാൾ മാധ്യമങ്ങളുടെ മുന്നിലെത്തിയിരുന്നു. എന്നാല്‍ ഇതിനു പിന്നാലെ ഫൈസല്‍ കേസില്‍ ഉള്‍പ്പെട്ട ആളാണെന്ന് എന്‍ഐ.എ. സ്ഥിരീകരിച്ചപ്പോൾ ഒളിവിൽ പോവുകയായിരുന്നു.

സമൂഹമാധ്യമങ്ങൾ വഴി ചികിത്സാ സഹായ അഭ്യർഥന നടത്തിയതിനു പിന്നാലെ കണ്ണൂര്‍ സ്വദേശിനിയായ വര്‍ഷയുടെ ബാങ്ക് അക്കൗണ്ടിൽ ഒരു കോടി രൂപയിലേറെ പണം എത്തിയ സംഭവത്തിൽ ഹവാല, കുഴൽപ്പണ ബന്ധമുണ്ടോ എന്ന് സംശയിക്കുന്നതായി പൊലീസ്. ഓണ്‍ലൈന്‍ ചാരിറ്റി രംഗത്ത് പ്രവര്‍ത്തിക്കുന്ന സാജന്‍ കേച്ചേരി എന്നയാളുടെ സഹായത്തോടെ മുപ്പത് ലക്ഷം ആവശ്യമായിരുന്ന വർഷയുടെ അമ്മയുടെ ശസത്രക്രിയയ്ക്ക് ഒറ്റ ദിവസമായപ്പോഴേക്കും അക്കൗണ്ടില്‍ എത്തിയത് 65 ലക്ഷം രൂപ. ഇനി ആരും പണം അയയ്ക്കേണ്ട എന്ന് അറിയിച്ചിട്ടും തൊട്ടടുത്ത ദിവസം ഒരു കോടിക്കുമേല്‍ രൂപയാണ് വര്‍ഷയുടെ അക്കൗണ്ടില്‍ എത്തിയത്. ഇതില്‍ 60 ലക്ഷം വിദേശത്ത് പ്രവര്‍ത്തിക്കുന്ന ഒരു ചാരിറ്റി സംഘടനയില്‍ നിന്നും ഒറ്റത്തവണയായി നിക്ഷേപിച്ചതാണ്. അതോടെ അക്കൗണ്ട് ജോയിന്റാക്കണം എന്നും ചികിത്സ കഴിഞ്ഞ് ബാക്കി തുക മറ്റാളുകളുടെ ചികിത്സയ്ക്കായി എടുക്കാന്‍ അനുവദിക്കണം എന്ന ആവശ്യവുമായി സാജന്‍ കേച്ചേരി എത്തുകയും എന്നാൽ ആ ആവശ്യം വര്‍ഷ അംഗീകരിച്ചില്ല. സഹായിക്കാനെത്തിയവരുടെ മുഖം മാറി ഭീഷണിയുടെ സ്വരമായപ്പോള്‍ വർഷ ആരോഗ്യ മന്ത്രി കെ.കെ. ശൈലജയുടെ നിർദേശമനുസരിച്ച് ഡിസിപിക്ക് പരാതി നൽകിയത്. ഇത്ര വലിയ തുക കുറഞ്ഞ സമയത്തിനുള്ളിൽ അക്കൗണ്ടിൽ എത്തിയത് അസ്വാഭാവിക സംഭവമെന്ന് ഡിസിപി ജി.പൂങ്കുഴലി ഐപിഎസ് പറഞ്ഞു. ചാരിറ്റിയുടെ മറവിൽ കുഴൽപ്പണം വർഷയുടെ അക്കൗണ്ടിലേക്കയച്ചതാണോ എന്നതാണു പൊലീസ് അന്വേഷിക്കുന്നത്. ഇക്കാര്യത്തിൽ വിശദമായ പരിശോധനയ്ക്കു നിർദേശിച്ചതായും ഡിസിപി വ്യക്തമാക്കി.

സ്വർണ്ണക്കള്ളക്കടത്തു കേസുമായി ബന്ധപ്പെട്ട് രണ്ടു പേരുടെ അറസ്റ്റ് കൂടി കസ്റ്റംസ് രേഖപ്പെടുത്തി. കോഴിക്കോട് സ്വദേശികളായ കൈവേലിക്കല്‍ മുഹമ്മദ് അബ്ദുള്‍ഷമീം , വട്ടക്കിണര്‍ കോങ്കണിപ്പറമ്പ് ജാസ്മഹലില്‍ സി.വി. ജിഫ്‌സല്‍ എന്നിവരെ ഇന്നലെയാണ് കസ്റ്റഡിയിലെടുത്തത്. കോഴിക്കോട്ടെ ജ്വല്ലറിയില്‍ കസ്റ്റംസ് നടത്തിയ മിന്നല്‍ പരിശോധനയില്‍ മതിയായ രേഖകള്‍ ഇല്ലാത്ത 3.72കിലോഗ്രാം സ്വര്‍ണം പിടിച്ചെടുത്തു. ഇതുമായി ബന്ധപ്പെട്ട് ജ്വല്ലറി ഉടമസ്ഥരായ ഇവരെ കസ്റ്റഡിയിലെടുത്തു ജിഫ്‌സലിന്റെ വീട്ടിലും പരിശോധന നടന്നു. ഇരുവരെയും കൂടുതല്‍ ചോദ്യം ചെയ്യുന്നതിനായി കൊച്ചിയിലേക്കു കൊണ്ടുപോയി. സ്വർണക്കടത്ത് കേസ്‌ പ്രതി അന്‍വറിനൊപ്പം
തിരുവനന്തപുരത്ത് ഇരുവരും ഒത്തുകൂടിയെന്നു കസ്റ്റംസ് കണ്ടെത്തിയിട്ടുണ്ട്. കള്ളക്കടത്തു സ്വര്‍ണം കോഴിക്കോട്ടെ വിവിധ ജ്വല്ലറികളില്‍ എത്തിച്ചതായി അറസ്റ്റിലായവര്‍ മൊഴി നൽകിയതിനെ തുടർന്ന് വരും ദിവസങ്ങളില്‍ കൂടുതല്‍ ജ്വല്ലറികളില്‍ പരിശോധന നടത്തു മെന്നാണ് കസ്റ്റംസ് നല്‍കുന്ന സൂചന.