ഐക്യരാഷ്ട്ര സഭാ സാമ്പത്തിക സാമൂഹിക സമിതിയുടെ ഉന്നത തല യോഗത്തിന്റെ നാളെ നടക്കുന്ന സമാപന ചടങ്ങില് പ്രധാനമന്ത്രി നരേന്ദ്ര മോദി വിര്ച്വല് അഭിസംബോധന നടത്തും. സമാപന സമ്മേളനത്തില് പ്രധാനമന്ത്രിക്കൊപ്പം നോര്വെ പ്രധാനമന്ത്രിയും ഐക്യരാഷ്ട്ര സഭ സെക്രട്ടറി ജനറല് അന്റോണിയോ ഗുട്ടറസും പങ്കെടുക്കും. കോവിഡ്-19 ന് ശേഷമുള്ള ബഹുമുഖത്വം: 75-ാം വാര്ഷികത്തിന് ശേഷം ഐക്യരാഷ്ട്ര സഭ എങ്ങനെയാകണം എന്നതാണ് ഇക്കൊല്ലത്തെ പ്രമേയം. യു.എന്. സുരക്ഷാ സമിതിയില് ഇന്ത്യ താത്കാലിക അംഗത്വം നേടിയതിനു ശേഷം ഐക്യരാഷ്ട്ര സഭയില് പ്രധാനമന്ത്രി നടത്തുന്ന ആദ്യ അഭിസംബോധനയാണിത്. അന്താരാഷ്ട്ര തലത്തിലെ സാമ്പത്തിക, സാമൂഹിക പ്രശ്നങ്ങള് ചര്ച്ച ചെയ്ത് നയരൂപീകരണം ശുപാര്ശ ചെയ്യുന്ന സംവിധാനമാണ് ഐക്യരാഷ്ട്ര സഭാ സാമ്പത്തിക സാമൂഹിക സമിതി.
2020-07-16