Entertainment (Page 3)

ഹാസ്യതാരമായി തന്റെ കരിയർ ആരംഭിച്ച് ഇന്ന് മലയാളത്തിലെ മികച്ച സിനിമകളുടെ ഭാഗമായി മാറിയ നടിയാണ് മഞ്ജുപിള്ള. നടി ഉർവശിയെ കുറിച്ച് മഞ്ജുപിള്ള പറയുന്ന വാക്കുകളാണ് ഇപ്പോൾ ശ്രദ്ധ നേടുന്നത്. ഹീറോയിൻ ലെവലിൽ മികച്ച നടിയായി തനിക്ക് തോന്നിയിട്ടുള്ളത് ഉർവശിയെയാണെന്ന് താരം പറയുന്നു. ഒരു ഓൺലൈൻ മാധ്യമത്തിന് നൽകിയ അഭിമുഖത്തിനിടയായിരുന്നു മഞ്ജുപിള്ള ഇക്കാര്യം പറഞ്ഞത്. ശോഭനയാണോ ഉർവശിയാണോ മികച്ച നടി എന്ന ചോദ്യത്തിന് ആയിരുന്നു മഞ്ജുപിള്ള ഈ ഉത്തരം നൽകിയത്.

മലയാള സിനിമയിൽ താൻ കണ്ടിട്ടുള്ളതിൽ മികച്ച നടികൾ എന്ന് പറയാൻ കഴിയുന്നത് കെപിഎസി ലളിത, സുകുമാരി എന്നിവരാണ്. എന്നാൽ ഒരു ഹീറോയിൻ ലെവൽ തനിക്ക് തോന്നിയിട്ടുള്ളത് ഉർവശിയെയാണ്. തന്റെ വ്യക്തിപരമായ അഭിപ്രായമാണിത്. അതിന്റെ അർത്ഥം ശോഭന ചേച്ചി മോശമാണെന്നല്ല. ശോഭന ചേച്ചിക്ക് ചേച്ചിയുടെതായ ഒരു ആക്ടിംഗ് പവർ ഉണ്ട്. അഭിനയിക്കാനുള്ള കഴിവും ഉണ്ട്. ഭംഗിയും ഇലഗൻസും ഉണ്ട്, ഡാൻസർ ആണ്. പക്ഷേ ഉർവശി ചേച്ചി ചെയ്ത കഥാപാത്രങ്ങൾ നമ്മുടെ ജീവിതവുമായി അടുത്ത നിൽക്കുന്നതാണ്. തലയണ മന്ത്രത്തിൽ ആയിക്കോട്ടെ മഴവിൽക്കാവടിയിൽ ആകട്ടെ കാക്കത്തൊള്ളായിരമായിരം ആയിക്കോട്ടെ അതിലൊക്കെ നമുക്ക് കുറച്ചുകൂടി മാനസികമായി അടുത്ത് നിൽക്കുന്ന കഥാപാത്രങ്ങൾ ആണെന്ന് മഞ്ജുപിള്ള ചൂണ്ടിക്കാട്ടി.

ഉർവശി ചേച്ചിയുടെത് നമ്മളിലേക്ക് ചേർന്നുനിൽക്കുന്ന കഥാപാത്രങ്ങളാണ്. നായികമാരിൽ തന്റെ ഫേവറേറ്റ് അന്നും ഇന്നും ഉർവശി ചേച്ചി ആണെന്നും താരം കൂട്ടിച്ചേർത്തു.