തിരുവനന്തപുരം: വിദ്യാഭ്യാസ ഡെപ്യൂട്ടി ഡയറക്ടറുടെ നേതൃത്വത്തില് സംസ്ഥാനത്ത് ഡിജിറ്റല് പഠനോപാധികള് ഇല്ലാത്ത കുട്ടികളുടെ കണക്കെടുക്കുന്നു. ടെലിവിഷന്, മൊബൈല്, ലാപ്ടോപ്പ് എന്നിവയില്ലാത്ത വിദ്യാര്ത്ഥികളുടെ വിവരമാണ് ശേഖരിക്കുന്നത്. ഇത്തരത്തില് ഒന്നരലക്ഷത്തിലധികം വിദ്യാര്ത്ഥികളെയാണ് കണ്ടെത്തിയിരിക്കുന്നത്. രണ്ട് ദിവസത്തിനുള്ളില് റിപ്പോര്ട്ട് സര്ക്കാരിന് കൈമാറും.
ആലപ്പുഴ ജില്ലയില് 7200 വിദ്യാര്ത്ഥികളെയാണ് കണക്കെടുപ്പില് കണ്ടെത്തിയിരിക്കുന്നത്. സ്കൂളുകള് കേന്ദ്രീകരിച്ച് കുട്ടികളുടെ ബുദ്ധിമുട്ട് പരിഹരിക്കാന് സഹായസമിതികളുണ്ടാക്കും, പഠനോപകരണങ്ങള് വിതരണം ചെയ്യാനും നിര്ദ്ദേശം നല്കിയിട്ടുണ്ട്. പൂര്വ വിദ്യാര്ത്ഥികള്, രാഷ്ട്രീയ പാര്ട്ടി പ്രവര്ത്തകര് എന്നിവരെ ഉള്പ്പെടുത്തിയാകും സമിതി രൂപീകരിക്കുക.