നമ്മളിൽ പലർക്കും നിലക്കടല കഴിക്കാൻ ഇഷ്ടമാണ്. വളരെ രുചികരവും ആരോഗ്യ ഗുണങ്ങളുള്ളതുമായ ഭക്ഷ്യവസ്തുവാണിത്. എന്നാൽ, ചില ആരോഗ്യ പ്രശ്‌നങ്ങൾ നേരിടുന്നവർ നിലക്കാടല കഴിക്കരുത്. ഇത് ഗുണത്തേക്കാളേറെ ദോഷം ചെയ്യും. ഏതൊക്കെ രോഗമുള്ളവരാണ് നിലക്കടല കഴിക്കാതിരിക്കാൻ ശ്രദ്ധിക്കേണ്ടതെന്ന് നോക്കാം.
നിങ്ങൾ അമിതഭാരമുള്ള ഒരാളാണെങ്കിൽ നിലക്കടല കഴിക്കുന്നത് ഒഴിവാക്കണം കാരണം ഇതിലെ കലോറിയുടെ അളവ് വളരെ കൂടുതലാണ്. അത് ഭാരം വീണ്ടും വർദ്ധിപ്പിച്ചേക്കാൻ സാധ്യതയുണ്ട്. കരൾ ദുർബലമായവർ നിലക്കടല ഒരിക്കലും കഴിക്കരുത്. നിലക്കടല ധാരാളം കഴിക്കുന്നതിലൂടെ കരൾ പ്രശ്‌നങ്ങളും വർദ്ധിക്കും. നിലക്കടല അമിതമായി കഴിക്കുന്നത് ചർമ്മത്തിൽ അലർജി ഉണ്ടാക്കുന്നതിനും കാരണമാകും.
ശരീരത്തിൽ നീർവീക്കം, ചുവപ്പ്, ചൊറിച്ചിൽ, ചുവന്ന തിണർപ്പ് എന്നിവയുണ്ടാകാം. നിങ്ങൾക്ക് അലർജിയുണ്ടെങ്കിൽ നിലക്കടല കഴിക്കുന്നതിന് മുൻപ് ഒന്ന് ഡോക്ടറെ കാണുന്നത് ഉത്തമമായിരിക്കുമെന്ന് വിദഗ്ധർ ചൂണ്ടിക്കാട്ടുന്നു. വയറുവേദന ഉള്ളവരും നിലക്കാടല കഴിക്കരുത്. കൂടുതലായി നിലക്കടല കഴിക്കുന്നത് രക്തസമ്മർദ്ദവും ഹൃദയ സംബന്ധമായ പ്രശ്‌നങ്ങളും വർദ്ധിപ്പിക്കും. അതിനാൽ ഇത് കുറച്ച് കഴിക്കുന്നതാണ് നല്ലത്.