ഐസിസിയുടെ ഏകദിന ക്രിക്കറ്റര്‍ ഓഫ് ദ ഇയര്‍ അവാര്‍ഡ് തുടര്‍ച്ചയായ രണ്ടാം വര്‍ഷവും പാകിസ്ഥാന്‍ നായകന് ബാബര്‍ അസമിന്. ഒമ്ബത് മത്സരങ്ങളില്‍ നിന്ന് മൂന്ന് സെഞ്ചുറികളോടെ 84.87 ശരാശരിയില്‍ 679 റണ്‍സ് ബാബര്‍ അസം 2022ല്‍ നേടിയിരുന്നു.
പാകിസ്താന്‍ നായകന് ഏകദിനത്തില്‍ 2021നേക്കാള്‍ മെച്ചപ്പെട്ട വര്‍ഷമായിരുന്നു 2022. ഐസിസി പുരുഷന്മാരുടെ ഒന്നാം റാങ്കില്‍ നിന്ന് 2022ല്‍ ബാബര്‍ പിറകോട്ട് പോയിട്ടില്ല. 2021 ജൂലൈ മുതല്‍ ബാബര്‍ തന്നെയാണ് ഏകദിനത്തിലെ ഒന്നാമന്‍. 2022-ല്‍ ഒമ്ബത് ഏകദിന മത്സരങ്ങള്‍ മാത്രമേ ബാബര്‍ കളിച്ചിട്ടുള്ളൂ. 28-കാരന്‍ ഇതില്‍ മൂന്ന് സെഞ്ച്വറികളും അഞ്ച് അര്‍ദ്ധസെഞ്ച്വറികളും നേടി. വ്യക്തിഗത തലത്തില്‍ നിന്ന് മാത്രമല്ല, പാകിസ്ഥാന്‍ ക്യാപ്റ്റന്‍ എന്ന നിലയിലും ബാബറിന് 2022 നല്ല വര്‍ഷമായിരുന്നു. ആകെ ഒരു തോല്‍വി മാത്രമെ പാകിസ്താന്‍ 2022ല്‍ നേരിട്ടുള്ളൂ