ചായ ഇഷ്ടപ്പെടാത്തവരായി ആരും ഉണ്ടാകില്ല. രാവിലെയും വൈകിട്ടും ഓരോ ചായയോ കാപ്പിയോ കുടിക്കുക എന്നത് മലയാളികളുടെ ശീലങ്ങളിലൊന്നാണ്. എന്നാൽ ചായയിലും കാപ്പിയിലും പഞ്ചസാര അധികം ചേർക്കുന്നത് ആരോഗ്യത്തിന് അധികം നല്ലതല്ലെന്നാണ് ആരോഗ്യ വിദഗ്ധർ പറയുന്നത്. ചായ അല്ലെങ്കിൽ കാപ്പി പോലുള്ള പാനീയങ്ങളിൽ പഞ്ചസാരയുടെ അളവ് കുറയ്ക്കുക എന്നതാണ് ആരോഗ്യത്തിന് നല്ലത്. ചായയിലും കാപ്പിയിലും പഞ്ചസാര ഒഴിവാക്കണം എന്ന് പറയുന്നതിന്റെ കാരണം എന്താണെന്ന് നോക്കാം.
പഞ്ചസാര ചേർക്കുന്നത് ചൂടുള്ള പാനീയങ്ങൾ കുറഞ്ഞ സമയത്തിനുള്ളിൽ കുടിച്ചു തീർക്കാൻ സഹായിക്കും. പാനീയങ്ങളിൽ അടങ്ങിയിരിക്കുന്ന പഞ്ചസാര രക്തത്തിൽ പെട്ടെന്ന് ആഗിരണം ചെയ്യപ്പെടും. രക്തത്തിലെ പഞ്ചസാരയുടെ അളവിന് ഒരു ബ്രേക്ക് പോയിന്റ് ഉണ്ട്. അതിനാൽ, പഞ്ചസാരയുടെ അളവ് കൂടിയാൽ അത് കുറയ്ക്കുന്നതിനായി ശരീരം പാൻക്രിയാസ് വലിയ അളവിൽ ഇൻസുലിൻ ഉത്പാദിപ്പിക്കും. രക്തത്തിലെ പഞ്ചസാരയുടെ അളവിൽ ദ്രുതഗതിയിലുണ്ടാകുന്ന വർദ്ധനവും കുറവും ആരോഗ്യത്തിന് ദോഷകരമാണ്. കുടൽ, കരൾ, പാൻക്രിയാസ് എന്നിവയിൽ കൊഴുപ്പ് അടിഞ്ഞുകൂടാനുള്ള സാധ്യതയും ഇത് വർധിപ്പിക്കും.
പഞ്ചസാരയില്ലാതെ ചായയും കാപ്പിയും കുടിക്കുന്നതാണ് പ്രമേഹരോഗികൾക്ക് നല്ലത്. ചുരുങ്ങിയ സമയത്തിനുള്ളിൽ ശരീരഭാരം കുറയ്ക്കാൻ നിങ്ങൾ ആഗ്രഹിക്കുന്നവർക്കും പഞ്ചസാര ഒഴിവാക്കി കട്ടൻ ചായ കുടിക്കാം.