ഇ-മെയില് ഉപയോക്താക്കളില് ഏതാണ്ട് 90 ശതമാനവും ജിമെയില് തന്നെയാണ് മെയിലുകള് അയക്കാന് ഉപയോഗിക്കുന്നത്. ഇപ്പോള് ഗൂഗിള് തങ്ങളുടെ ഇമെയില് സര്വീസില് കൊണ്ട് വന്നപുതിയ അപ്ഡേറ്റിനെക്കുറിച്ചും അത് എങ്ങനെ ഉപയോഗിക്കണം എന്നും നോക്കാം. വെബ് ഐഒഎസ് ഉപയോക്താക്കള്ക്കായി ജിമെയിലിലെ അണ്ഡൂ സെന്ഡ് ഫീച്ചറാണ് അപ്ഡേറ്റ് ചെയ്തിരിക്കുന്നത്. ആറ് വര്ഷത്തോളമായി ഈ ഫീച്ചര് നിലവില് ഉണ്ടെങ്കിലും അഞ്ച് സെക്കന്ഡ് മാത്രമാണ് ഇങ്ങനെ അയച്ച മെയിലുകള് ഡിലീറ്റ് ചെയ്യാന് കഴിഞ്ഞിരുന്നത്. ഈ ടൈം ഫ്രെയിമിനാണ് മാറ്റം കൊണ്ട് വരുന്നത്. പുതിയ അപ്ഡേറ്റ് സമയ ദൈര്ഘ്യം 10 സെക്കന്ഡ്, 20 സെക്കന്ഡ് അല്ലെങ്കില് 30 സെക്കന്ഡ് ആയി വര്ധിപ്പിക്കാന് ഉപയോക്താക്കളെ അനുവദിക്കും.
ജിമെയിലില് അണ്ഡൂ സെന്ഡ് ഫീച്ചര് ആക്റ്റിവേറ്റ് ചെയ്യുന്നത് എങ്ങനെയെന്ന് നോക്കാം…
ആദ്യം നിങ്ങളുടെ ജിമെയില് അക്കൗണ്ടിലേക്ക് ലോഗിന് ചെയ്യുക.
‘സെറ്റിങ്സ്’ പാനലിലേക്ക് പോകുക.
ഇപ്പോള് വെബ് പേജിന്റെ ഏറ്റവും താഴെയായി കാണുന്ന ‘സീ ആള് സെറ്റിങ്സ്’ എന്ന ഓപ്ഷനില് ക്ലിക്ക് ചെയ്യുക.
ഇവിടെ ‘അണ്ഡൂ സെന്ഡ്’ ഓപ്ഷന് നിങ്ങള്ക്ക് കാണാന് കഴിയും. ഈ ഓപ്ഷനില് ക്ലിക്ക് ചെയ്യുക.
ശേഷം സെന്ഡ് ക്യാന്സലേഷന് പീരീഡുകളില് ഒന്ന് തിരഞ്ഞെടുക്കുക. 5 സെക്കന്ഡ്, 10 സെക്കന്ഡ്, 20 സെക്കന്ഡ്, 30 സെക്കന്ഡ് എന്നിങ്ങനെയാണ് ടൈം ഫ്രൈയിമുകള് ഉള്ളത്. ഇതിലൊന്ന് സെലക്ട് ചെയ്യുക.
അവസാനമായി താഴേക്ക് സ്ക്രോള് ചെയ്ത് സേവ് ഓപ്ഷനില് ക്ലിക്ക് ചെയ്യുക.
ഐഒഎസ് ജിമെയില് ആപ്പ് ഉപയോക്താക്കള് ആപ്പിന്റെ ഉള്ളില് നിന്ന് ‘സെറ്റിങ്സ്’ പാനലിലേക്ക് പോകേണ്ടതുണ്ട്, ശേഷം ‘അണ്ഡൂ സെന്ഡ്’ ഓപ്ഷനില് ടാപ്പ് ചെയ്യുക. ഇവിടെ നിന്നും ഫീച്ചര് ആക്റ്റിവേറ്റ് ചെയ്യാനും ഒരു റദ്ദാക്കല് കാലയളവ് തിരഞ്ഞെടുക്കുന്നതിനും സാധിക്കും.