ഷാര്ജ: ഐപിഎല് ക്രിക്കറ്റ് ഫൈനല് ടിക്കറ്റ് സ്വന്തമാക്കി കൊല്ക്കത്ത നൈറ്റ്റൈഡേഴ്സ്. രണ്ടാം ക്വാളിഫയറില് ഒരു പന്ത് ബാക്കിയിരിക്കെ ഡല്ഹി ക്യാപിറ്റല്സിനെ മൂന്ന് വിക്കറ്റിന് കൊല്ക്കത്ത തോല്പ്പിച്ചു.
അനായാസജയത്തിലേക്ക് നീങ്ങിയ കൊല്ക്കത്ത അവിശ്വസനീയമായി തകര്ന്നത് കളി നാടകീയമാക്കി. 1- 122ല് നിന്ന് 7-130ലേക്ക് വീണത് വളരെ പെട്ടെന്നായിരുന്നു. അഞ്ച് ഓവറില് എട്ട് റണ്ണെടുക്കുന്നതിനിടെ ആറ് വിക്കറ്റ് നഷ്ടം. ആര് അശ്വിന്റെ അവസാന ഓവറില് ജയിക്കാന് വേണ്ടത് ഏഴുറണ്. അശ്വിന് രണ്ട് വിക്കറ്റെടുത്തെങ്കിലും അഞ്ചാം പന്ത് സിക്സര് പറത്തി രാഹുല് ത്രിപാഠി (11 പന്തില് 12) വിജയമൊരുക്കി. ഓപ്പണര്മാരായ വെങ്കിടേഷ് അയ്യരും (41 പന്തില് 55) ശുഭ്മാന് ഗില്ലുമാണ് (46 പന്തില് 46) അടിത്തറയിട്ടത്. കൊല്ക്കത്ത 2012ലും 2014ലും ചാമ്പ്യന്മാരാണ്.
36 റണ്ണടിച്ച ഓപ്പണര് ശിഖര് ധവാനാണ് ഡല്ഹിയുടെ ടോപ്സ്കോറര്. സ്കോര്: ഡല്ഹി 5-135, കൊല്ക്കത്ത 7-136.