കോണ്ഗ്രസ് എല്ഡിഎഫിന്റെ ബി ടീം ആയിരിക്കുകയാണ്: നിർമല സീതാരാമൻ
തിരുവനന്തപുരം:കോണ്ഗ്രസ് എല്ഡിഎഫിന്റെ ബി ടീം ആയിരിക്കുകയാണ്. പക്ഷേ കേരളജനത ഈ രണ്ടു മുന്നണികളില് നിന്ന് രക്ഷ ആഗ്രഹിച്ച് ബദല് തേടുകയാണെന്നും എന്ഡിഎയില് ആ ബദല് അവര് കാണുന്നുണ്ടെന്നും കേന്ദ്ര ധനമന്ത്രി നിർമല സീതാരാമൻ.പാര്ലമെന്റില് കൊണ്ടുവരുന്ന പദ്ധതി ആ പേരില് തന്നെ സംസ്ഥാനങ്ങളില് നടപ്പാക്കണം.
അതിന്റെ പേരുമാറ്റിയാല് പിന്നെ എങ്ങനെ അതിനുള്ള പണം ലഭിക്കും? കേന്ദ്രപദ്ധതി ആ പേരില് തന്നെ നടപ്പാക്കിയാല് മാത്രമേ കേന്ദ്രത്തില് നിന്ന് ലഭിക്കേണ്ട പണം ലഭിക്കുകയുള്ളൂ എന്നും അവര് വ്യക്തമാക്കി.മാച്ച് ഫിക്സിംഗ് കഴിഞ്ഞ് എല്ഡിഎഫും യുഡിഎഫും സംസ്ഥാനനിയമസഭയിലേക്ക് നടക്കുന്ന തെരഞ്ഞെടുപ്പില് സൗഹൃദ മത്സരത്തിലാണ്.
അഴിമതിയിലും ന്യൂനപക്ഷ പ്രീണനത്തിലും വിജയിക്കാനായി സംഘര്ഷം സൃഷ്ടിക്കാനും എന്തു നിയമവിരുദ്ധ പ്രവൃത്തികള് ചെയ്യാനും അവര് തയ്യാറാണ്. യാതൊരു വ്യത്യാസവും ഇല്ലാത്ത ഇവരുടെ ശൈലി ജനം മടുത്തിരിക്കുന്നു.
പാര്ലമെന്റില് ബിജെപിക്ക് കേരളത്തില് നിന്ന് ഒരു പ്രതിനിധി പോലുമില്ല. പക്ഷേ അതിന്റെ യാതൊരു കുറവും കേന്ദ്രസര്ക്കാര് വരുത്തിയിട്ടില്ല. അര്ഹമായ എല്ലാ ആനുകൂല്യങ്ങളും കേരളത്തിന് ലഭ്യമാക്കിയിട്ടുണ്ടെന്നും നിർമല സീതാരാമൻ പറഞ്ഞു.