കടുത്ത പനി; നടൻ മോഹൻലാൽ ആശുപത്രിയിൽ
2024-08-18
എറണാകുളം: നടൻ മോഹൻലാൽ ആശുപത്രിയിൽ. കടുത്ത പനിയും ശ്വസന സംബന്ധമായ ബുദ്ധിമുട്ടുകളും കാരണമാണ് താരത്തെ ആശുപത്രിയിൽ പ്രവേശിപ്പിച്ചത്. കൊച്ചിയിലെ അമൃത ആശുപത്രിയിലാണ് നടനെ ചികിത്സയ്ക്കായി പ്രവേശിപ്പിച്ചിരിക്കുന്നത്.
മോഹൻലാൽ ആരോഗ്യം വീണ്ടെടുക്കുകയാണെന്ന് ആശുപത്രി അധികൃതർ വ്യക്തമാക്കി. ഡോ. ഗിരീഷ് കുമാറാണ് താരത്തെ ചികിത്സിക്കുന്നതെന്നാണ് റിപ്പോർട്ട്. മോഹൻലാലിനെ ചികിത്സിക്കുന്ന ഡോക്ടറുടെ കുറിപ്പ് ആശുപത്രി അധികൃതർ പുറത്തിവിട്ടുണ്ട്.
അതേസമയം, പനിക്ക് പുറമേ മസിൽ വേദനയും താരത്തിന് ഉണ്ടെന്നും മെഡിക്കൽ സർട്ടിഫിക്കറ്റിൽ വ്യക്തമാക്കിയിട്ടുണ്ട്. മോഹൻലാലിന് ഡോക്ടർ വിശ്രമം നിർദ്ദേശിച്ചിരിക്കുകയാണ്.
