Astrology (Page 3)

ജ്യോതിഷപംക്തി

On: April 11, 2021

11.4.21 മുതൽ 17.4.21 വരെ

മേട കൂർ : അഭിഷ്ട സ്ഥാനത്ത് നില്ക്കുന്ന വ്യാഴം അനുകൂലമായ അനുഭവങ്ങൾ തരും . സാമ്പത്തിക അഭിവൃദ്ധി സന്താനഗുണം തൊഴിൽ ഗുണം ലാഭപ്രതീക്ഷ. ഇവ കാണുന്നു.

ഇടവ കൂർ : കർമ്മമേഖല പുഷ്ടിപ്പെടും. ചെറിയ അപകടങ്ങൾ വരാതെ നോക്കണം. ഗൃഹത്തിൽ സമാധാനം ലഭിക്കും.

മിഥുന കൂർ : ഭാഗ്യം കൊണ്ട് എല്ലാം ലഭിക്കും’. കുടുംബ സുഖം ലഭിക്കും. സന്താനസുഖം,മന:സുഖം . തൊഴിൽ മേഖലയിൽ ചില പോരായ്മകൾ ഉണ്ടാകാം.

കർക്കടക കൂർ : പല ആപത്തു കളിൽ നിന്നു രക്ഷപ്പെടും. ധനപരമായി ചിലവ് കൂടും സുഹൃത്തുക്കൾ കൈയൊഴിയും. കർമ മേഖല മധ്യമം.

ചിങ്ങ കൂർ : ഈശ്വരാധീനം കൊണ്ട് എല്ലാം നേടും’. ഭാര്യാസുഖം ലഭിക്കും. ആഭരണങ്ങൾ വാങ്ങും. തൊഴിൽ മേഖല അനുകൂലം.

കന്നിക്കൂർ : സുഹൃത്തുക്കൾ വിട്ടു പോകും. അനാവശ്യമായി ശത്രുത ഉണ്ടാകും. കടം വാങ്ങാൻ സാഹചര്യം ഉണ്ടാകം.

തുലാം കൂർ : കച്ചവടം പുരോഗമിക്കും. ധനവരുമാനം ഉണ്ടാകും. സാമ്പത്തിക ക്ളേശം മാറും

വൃശ്ചിക കൂർ : ഗൃഹനിർമാണമോ നവീകരണമോ നടക്കും. ആരോഗ്യം സൂക്ഷിക്കുക. സഹോദര ഗുണം ഉണ്ട്

ധനുക്കൂർ : സഹായ സഹകരണങ്ങൾ ലഭിക്കും, കർമ മേലയിൽ തടസ്സങ്ങൾ കാണുന്നു. കുടുംബത്തിൽ നിന്നും അകന്നു താമസിക്കും.

മകര കൂർ ധനാഗമം ഉണ്ടാകും. ആരോഗ്യം മെച്ചപ്പെടും. ദൂര യാത്ര ചെയ്യാൻ അവസരം. തൊഴിൽ മേഖല അനുകൂലം.

കുംഭ കൂർ : പുതിയ സ്ഥാനമാനങ്ങൾ ലഭിക്കും. സന്താനസുഖം കിട്ടും. പിതൃസ്വത്ത് കിട്ടാൻ യോഗം . കീർത്തിയുള്ള സ്ഥാനം ലഭിക്കും.

മീനക്കൂർ: ചിലവുകൾ നിയന്ത്റിക്കുക. തൊഴിൽ ലാഭം. വിദേശ സഹായം. ഇവ കിട്ടും

സംശയനിവാരണത്തിന് നേരിട്ട് ബന്ധപ്പെടാവുന്നതാണ് : 8304815735 ,9495655735

ശ്രീ.കെ.നാരായണ ശർമ
(സൂര്യ)
MA Astrology

ജ്യോതിഷപംക്തി

On: April 4, 2021

4-4-2 1 മുതൽ 10.4.2 1 വരെ .

മേടക്കൂർ : സന്താന സ്ഥാനത്ത് വൈഷമ്യം കാണുന്നു. സാമ്പത്തിക പ്രതിസന്ധി ഉണ്ടാകാൻ സാധ്യത. തൊഴിലിൽ മന്ദത . ചിലവുകൾ വർദ്ധിക്കും.

ഇടവ കൂർ .. ശരീരികമായ പ്രയാസം അനുഭവപ്പെടും. കിട്ടാനുള്ള രൂപ കിട്ടാൻ സാധിക്കും. ഗുരുക്കന്മാരുടെ അനുഗ്രഹത്താൽ എല്ലാ കാര്യങ്ങളും ശുഭമായി പരിണമിക്കും

മിഥുന കൂർ : കർമ്മമേഖല പുഷ്ടിപ്പെടും. വാഹന യാത്ര സൂക്ഷിക്കണം. സാമ്പത്തിക നേട്ടം പ്രതീക്ഷിക്കാം. ഗൃഹ സുഖം ലഭിക്കും.

കർക്കടക കൂർ : ഈശ്വരാനുഗ്രഹം ഉണ്ട് . വാക് പാലിക്കും. ഭാഗ്യകൊണ്ട് പല കാര്യങ്ങളും സാധിക്കും.

ചിങ്ങ കൂർ : തൊഴിൽ നേട്ടം പ്രതീക്ഷിക്കാം. ഉത്തരവാദിത്വമായ സ്ഥാനത്തിരിക്കുമ്പോഴുണ്ടാകുന്ന മാനസിക സംഘർഷം ഉണ്ടാകാം. തൊഴിൽ സ്ഥലത്ത് അസ്വസ്തത ഉണ്ടാകും.

കന്നിക്കൂർ .. വിദേശബന്ധം മൂലം നേട്ടങ്ങൾ ഉണ്ടാക്കും. സന്താനങ്ങൾക് ശാരീരിക പ്രയാസങ്ങൾ ഉണ്ടാകും. തൊഴിൽ മേഖലയിൽ ഉയർച്ച .

തുലാം കൂർ : ഗൃഹ സുഖം കിട്ടും. സഹായ സഹകരണം പ്രതീക്ഷിക്കാം. ആരോഗ്യം സൂക്ഷിക്കുക.

വൃശ്ചിക കൂർ : സഹോദരഗണം ഉണ്ട് . ദാമ്പത്യ ക്ലേശം വരാം. തൊഴിൽ മേഖല മെച്ചപ്പെടും.

ധനു കൂർ : സമ്പത്ത് വന്ന് ചേരും. വാഹനം വാങ്ങാൻ യോഗം. കർമ മേഖല അനുകൂലം

മകരക്കൂർ : സ്വന്തമായി കമ്പനിയോ സ്ഥാപനമോ തുടങ്ങാൻ അവസരം. സാമ്പത്തിക സഹായം ലഭിക്കും. സർക്കാരിൽ നിന്നും അനുകൂല അനുഭവങ്ങൾ

കുംഭ കൂർ : വ്യാഴം ആറാം തീയതി കുംഭത്തിൽ . കഷ്ടപാടുകൾ കുറയും. ഈശ്വരാധീനം ഉണ്ടാകും. തൊഴിൽ മേഖലയിൽ അഭിവൃദ്ധി ഉണ്ടാകും.

മീന കൂർ : തൊഴിൽ നേട്ടം. കുടുംബ സുഖം. സന്താനസുഖം . ഇവ ലഭിക്കും.

സംശയനിവാരണത്തിന് നേരിട്ട് ബന്ധപ്പെടാവുന്നതാണ് : 8304815735 ,9495655735

ശ്രീ.കെ.നാരായണ ശർമ
(സൂര്യ)
MA Astrology

സ്ഥിരം കാണുന്ന ഡോക്ടറെ കാണണമെന്ന് കെജ്രിവാൾ; ആവശ്യം നിരസിച്ച് എൻഫോഴ്‌സ്‌മെന്റ്

ന്യൂഡൽഹി: സ്ഥിരം കാണുന്ന ഡോക്ടറെ കാണണമെന്ന് ഡൽഹി മുഖ്യമന്ത്രി അരവിന്ദ് കെജ്രിവാൾ ഉന്നയിച്ച ആവശ്യം നിരസിച്ച് എൻഫോഴ്‌സ്‌മെന്റ് ഡയറക്ടറേറ്റ്. വീഡിയോ കോൺഫറൻസിലൂടെ സ്ഥിരം കാണുന്ന ഡോക്ടറെ കാണാനാണ് കെജ്രിവാൾ അനുവാദം തേടിയിരുന്നത്. അതേസമയം, ടൈപ്പ് 2 പ്രമേഹ ബാധിതനായ കെജ്രിവാളിന്റെ ആരോഗ്യ സ്ഥിതിയിൽ ആശങ്കയുണ്ടെന്നും അദ്ദേഹത്തെ കൊലപ്പെടുത്താൻ ശ്രമം നടക്കുന്നുവെന്നുമായിരുന്നു എഎപിയുടെ ആരോപണം. ഡൽഹി മദ്യനയ കേസുമായി ബന്ധപ്പെട്ട് ജയിലിൽ കഴിയുകയാണ് ഇഡി. കെജ്രിവാളിന്റെ ഭാരം കുറയുകയും പ്രമേഹം വർദ്ധിക്കുകയും ചെയ്യുന്നതിൽ ആശങ്കയുണ്ടെന്നും ആംആദ്മി പാർട്ടി ചൂണ്ടിക്കാട്ടുന്നു. ഡോക്ടറെ കാണാൻ അനുവദിക്കണമെന്ന ആവശ്യം കോടതിയിലെത്തിയപ്പോഴും ഇഡി വിഷയത്തിൽ എതിർപ്പ് അറിയിച്ചിരുന്നു. പ്രമേഹ ബാധിതനായിട്ടും കേജ്രിവാൾ മനപൂർവം മധുരമുള്ള മാമ്പഴങ്ങളും മധുര പലഹാരങ്ങളും കഴിക്കുകയാണെന്നാണ് ഇഡിയുടെ വിശദീകരണം. ജാമ്യം ലഭിക്കുന്നതിന് വേണ്ടിയുള്ള കെജ്രിവാളിന്റെ തന്ത്രമാണ് ഇതൊക്കെയെന്നും ഇഡി ആരോപിക്കുന്നു. കെജ്രിവാൾ കഴിക്കുന്ന ഭക്ഷണത്തിന്റെ ചാർട്ടും ഇഡി കോടതിയിൽ സമർപ്പിച്ചു. പ്രമേഹ രോഗികൾ ഒഴിവാക്കുന്ന ഭക്ഷണമാണ് അദ്ദേഹം കഴിക്കുന്നതെന്നാണ് ഇഡിയുടെ വാദം.
ദൈനംദിന പ്രവർത്തനങ്ങൾ പോലും അവതാളത്തിൽ; പൊലീസ് വകുപ്പ് വലിയ സാമ്പത്തിക പ്രതിസന്ധിയിൽ

തിരുവനന്തപുരം: സംസ്ഥാന പൊലീസ് വകുപ്പ് വലിയ സാമ്പത്തിക പ്രതിസന്ധിയിൽ. അനുവദിച്ച പണം പോലും സർക്കാർ നൽകാതായതോടെ വാഹനങ്ങളുടെ ഉപയോഗം ഉൾപ്പെടെയുള്ള ദൈനംദിന പ്രവർത്തനങ്ങൾ പോലും പ്രതിന്ധിയിലായിരിക്കുന്ന അവസ്ഥയിലാണ് പോലീസ് ഇപ്പോഴുള്ളത്. കൂടുതൽ പണം ആവശ്യപ്പെട്ട് ഡിജിപി സർക്കാരിന് കത്ത് നൽകിയിട്ടുണ്ട്. എന്നാൽ യാതൊരു തരത്തിലുള്ള നടപടിയും ഇതുവരെ സ്വീകരിച്ചിട്ടില്ലെന്നാണ് പുറത്തു വരുന്ന വിവരം. സംസ്ഥാന സർക്കാർ കനത്ത സാമ്പത്തിക പ്രതിസന്ധി നേരിടുന്നുണ്ട്. 200 കോടി രൂപയ്ക്കടുത്തായിരുന്നു പോലീസ് വാഹനങ്ങളിൽ ഇന്ധനം നിറച്ച വകയിൽ പമ്പ് ഉടമകൾക്ക് നൽകാനുള്ളത്. ഈ പണം അടിയന്തിരമായി നൽകണം എന്ന് കാണിച്ച് പമ്പുടമകൾ സർക്കാരിനും ചീഫ് സെക്രട്ടറിക്കും പരാതി നൽകിയെങ്കിലും പ്രയോജനമുണ്ടായില്ല. ഇതോടെ ഇന്ധനം നൽകില്ലെന്ന് പമ്പുടമകളുടെ സംഘടന രേഖാമൂലം സംസ്ഥാന പൊലീസ് മേധാവിയെ അറിയിക്കുകയായിരുന്നു. ഇതോടെ പൊലീസ് മേധാവി വീണ്ടും സർക്കാരിനെ സമീപിച്ചു. എന്നാൽ സർക്കാർ പണം അനുവദിക്കാൻ തയ്യാറായില്ല. 15% മാത്രമായിരുന്നു സർക്കാർ അനുവദിച്ചത്. തെരഞ്ഞെടുപ്പ് ക്രമീകരണങ്ങൾക്കായി 160 കോടി രൂപ അടിയന്തരമായി നൽകണമെന്ന് കാണിച്ച് വീണ്ടും സർക്കാരിന് കത്ത് നൽകിയെങ്കിലും 5 കോടി മാത്രമേ സർക്കാർ അനുവദിച്ചുള്ളു.
ഇടവിട്ടുള്ള വേനൽമഴ: ഡെങ്കിപ്പനിക്കെതിരെ ജാഗ്രത വേണമെന്ന് മുന്നറിയിപ്പ്

കൊല്ലം: ഇടവിട്ടുള്ള വേനൽമഴയിൽ കൊതുക്പെരുകുന്ന പശ്ചാത്തലത്തിൽ ഡെങ്കിപനിക്ക് സാധ്യതയേറയെന്നും മുൻകരുതലെടുക്കണമെന്നും ആരോഗ്യവകുപ്പ് മുന്നറിയിപ്പ്. ഉറവിടനശീകരണ പ്രവർത്തനങ്ങൾ ശക്തിപ്പെടുത്തണം. ഡെങ്കിപ്പനി, ചിക്കുൻഗുനിയ, സിക, മലേറിയ തുടങ്ങിയ കൊതുക്ജന്യ രോഗങ്ങളെയും ഇതുവഴി പ്രതിരോധിക്കാം. വീടിനകത്തും പുറത്തും വെള്ളം കെട്ടിനിറുത്തരുത്. ഡ്രൈ കണ്ടെയ്നർ എലിമിനേഷൻ ക്യാമ്പയിനും മഴക്കാലപൂർവ ശുചീകരണ പ്രവർത്തനങ്ങളും തുടരുകയാണ്. പനിയോടൊപ്പം തലവേദന, കണ്ണിനുപുറകിൽ വേദന, പേശിവേദന, സന്ധിവേദന എന്നിവയാണ് ഡെങ്കിപ്പനിയുടെ പ്രധാന ലക്ഷണങ്ങൾ. ശരീരത്തിൽ ചുവന്നു തടിച്ച പാടുകൾക്കും സാധ്യതയുണ്ട്. സ്വയം ചികിത്സ പാടില്ല. രക്തത്തിലെ പ്ലേറ്റ്ലറ്റുകളുടെ അളവ് പെട്ടന്ന് കുറയാൻ സാധ്യയുള്ളതിനാൽ ചികിത്സ തേടണം. പനി മാറിയാലും നാലു ദിവസം സമ്പൂർണ്ണ വിശ്രമമാകാം. ഉപ്പിട്ട കഞ്ഞിവെള്ളം, കരിക്കിൻവെള്ളം തുടങ്ങിപാനീയങ്ങൾ ഉപയോഗിക്കാം. വിശ്രമിക്കുന്നതും ഉറങ്ങുന്നതും കൊതുക് വലയ്ക്കുള്ളിലാകണം. ഒരു തവണ ഡെങ്കിപ്പനി ബാധിച്ചവർക്ക് വീണ്ടും രോഗബാധയുണ്ടായാൽ അപകടമാണ്. വെള്ളം സംഭരിച്ചുവച്ചിരിക്കുന്ന പാത്രങ്ങൾ, വലിച്ചെറിയുന്ന ചിരട്ടകൾ, പൊട്ടിയ പാത്രങ്ങൾ, കളിപ്പാട്ടങ്ങൾ, ഫ്രിഡ്ജിന്റെ അടിഭാഗത്തെ ട്രേ, മണി പ്ലാന്റുകൾ, ചെടികളുടെ അടിയിൽ വച്ചിരിക്കുന്ന ട്രേ, വലിച്ചെറിഞ്ഞിട്ടിരിക്കുന്ന ടയറുകൾ, വിറകും മറ്റും നനയാതെ മൂടിയിരിക്കുന്ന പ്ലാസ്റ്റിക് ഷീറ്റുകൾ, ടാർപോളിൻ, റബ്ബർ പാൽ സംഭരിക്കുന്ന ചിരട്ടകൾ, കമുകിൻ പാളകൾ, നിർമ്മാണ സ്ഥലങ്ങളിലെ ടാങ്കുകൾ, വീടിന്റെ ടെറസ്സ്, സൺഷെയ്ഡ്, മഴവെള്ളപാത്തികൾ എന്നിവിടങ്ങിൽ കെട്ടികിടക്കുന്ന വെള്ളം തുടങ്ങിയ ഉറവിടങ്ങൾക്ക് ഇടനൽകരുത്. ഞായറാഴ്ചകളിൽ വീടുകളിലും, വെള്ളിയാഴ്ചകളിൽ സ്‌കൂളുകളിലും, ശനിയാഴ്ചകളിൽ സ്ഥാപനങ്ങളിലും ഉറവിടനശീകരണ പ്രവർത്തനങ്ങൾ നടത്തണം എന്ന് ഡി. എം. ഒ അറിയിച്ചു.
മീഡിയ അക്കാദമി പി ജി ഡിപ്ലോമ: അപേക്ഷ നൽകാം

തിരുവനന്തപുരം: സംസ്ഥാന സർക്കാർ സ്ഥാപനമായ കേരള മീഡിയ അക്കാദമിയുടെ ഇൻസ്റ്റിറ്റ്യൂട്ട് ഓഫ് കമ്യൂണിക്കേഷൻ നടത്തുന്ന പിജി ഡിപ്ലോമ കോഴ്സ് പ്രവേശനത്തിന് അപേക്ഷ ക്ഷണിച്ചു. ജേണലിസം ആൻഡ് കമ്യൂണിക്കേഷൻ, ടെലിവിഷൻ ജേണലിസം, പബ്ലിക് റിലേഷൻസ് ആൻഡ് അഡ്വർടൈസിങ്ങ് എന്നീ പോസ്റ്റ് ഗ്രാജ്വേറ്റ് ഡിപ്ലോമ കോഴ്സുകൾക്ക് മെയ് 15 വരെ ഓൺലൈനായി അപേക്ഷ സമർപ്പിക്കാം. ഏതെങ്കിലും വിഷയത്തിൽ ബിരുദമാണ് അടിസ്ഥാന യോഗ്യത. അവസാനവർഷ ബിരുദ പരീക്ഷ എഴുതുന്നവർക്കും, പരീക്ഷയെഴുതി ഫലം കാത്തിരിക്കുന്നവർക്കും അപേക്ഷിക്കാം. 31.5.2024 ൽ 28 വയസ്സ് കവിയരുത്. പട്ടികജാതി, പട്ടികവർഗ, ഒ.ഇ.സി. വിഭാഗക്കാർക്ക് നിയമാനുസൃത വയസിളവുണ്ടായിരിക്കും. ഈ വിഭാഗക്കാർക്ക് ഫീസിളവും ഉണ്ടാകും. അഭിരുചി പരീക്ഷയുടേയും ഇന്റർവ്യൂവിന്റേയും അടിസ്ഥാനത്തിലായിരിക്കും പ്രവേശനം. പ്രവേശന പരീക്ഷ ഓൺലൈനായാണ് നടത്തുന്നത്. പ്രിന്റ് ജേണലിസം, റേഡിയോ, ഓൺലൈൻ, സോഷ്യൽ മീഡിയ, ബ്രോഡ്കാസ്റ്റ് ജേണലിസം, മൊബൈൽ ജേണലിസം തുടങ്ങിയ മാധ്യമപ്രവർത്തനത്തിന്റെ വിവിധ മേഖലകളിൽ പരിശീലനം നൽകുന്ന സമഗ്രമായ പാഠ്യപദ്ധതിയാണ് ജേണലിസം ആൻഡ് കമ്യൂണിക്കേഷൻ കോഴ്സ്. ടെലിവിഷൻ ജേണലിസം, ന്യൂസ് ആങ്കറിംഗ്, വീഡിയോ കാമറ, വീഡിയോ എഡിറ്റിങ്ങ്, ഡോകുമെന്ററി പ്രൊഡക്ഷൻ, മീഡിയ കൺവെർജൻസ്, മൊബൈൽ ജേണലിസം, തുടങ്ങി ദൃശ്യമാധ്യമ മേഖലയിൽ സമഗ്രമായ പ്രായോഗിക പരിശീലനം നൽകുന്ന കോഴ്സാണ് ടെലിവിഷൻ ജേണലിസം. പബ്ലിക് റിലേഷൻസ്, അഡ്വർടൈസിങ്ങ് മേഖലയിലെ നൂതനപ്രവണതകളിൽ പ്രായോഗിക പരിശീലനത്തിന് ഊന്നൽ നൽകുന്നതാണ് പബ്ലിക് റിലേഷൻസ് ആൻഡ് അഡ്വർടൈസിങ്ങ് കോഴ്സ്. ഒപ്പം, ജേണലിസം, ക്രീയേറ്റീവ് റൈറ്റിങ്, പോഡ്കാസ്റ്റിംഗ്, ഡിജിറ്റൽ മാർക്കറ്റിങ്, ആഡ് ഫിലിം മേക്കിങ് എന്നിവയിലും സവിശേഷപരിശീലനം നൽകുന്നു. ഇന്റേൺഷിപ്പും, പ്രാക്ടിക്കലും ഉൾപ്പെടെ കോഴ്സിന്റെ ദൈർഘ്യം ഒരുവർഷമാണ്. കോഴ്സ് സംബന്ധിച്ച വിശദ വിവരങ്ങൾ മീഡിയ അക്കാദമിയുടെ www.keralamediaacademy.org എന്ന വെബ്സൈറ്റിൽ ലഭിക്കും. അപേക്ഷകൾ ഓൺലൈനായി വെബ്സൈറ്റിലൂടെ സമർപ്പിക്കാം. അപേക്ഷാഫീസ് 300 രൂപ (പട്ടികജാതി, പട്ടികവർഗ, ഒ.ഇ.സി. വിഭാഗക്കാർക്ക് 150 രൂപ) ഇ-ട്രാൻസ്ഫർ / ജി-പേ/ ബാങ്ക് മുഖേന അടച്ച രേഖ അപേക്ഷയോടൊപ്പം അപ്ലോഡ് ചെയ്യണം. ഓൺലൈൻ അപേക്ഷ സമർപ്പിക്കേണ്ട അവസാന തീയതി മെയ് 15. കൂടുതൽ വിവരങ്ങൾ അക്കാദമി ഓഫീസിൽ നിന്ന് ലഭിക്കും. ഫോൺ: 0484-2422275.
പക്ഷിപ്പനി; പൊതുജനങ്ങൾക്ക് ജാഗ്രതാ നിർദ്ദേശവുമായി മന്ത്രി

ആലപ്പുഴ: ആലപ്പുഴയിൽ പക്ഷിപ്പനി സ്ഥിരീകരിച്ച സാഹചര്യത്തിൽ പൊതുജനങ്ങൾക്ക് നിർദ്ദേശവുമായി മന്ത്രി ജെ ചിഞ്ചുറാണി. ആലപ്പുഴ ജില്ലയിലെ ചെറുതന, എടത്വ എന്നീ പഞ്ചായത്തുകളിലാണ് പക്ഷിപ്പനി സ്ഥിരീകരിച്ചിട്ടുള്ളത്. സംസ്ഥാനത്തെ മറ്റു ജില്ലകളിൽ ഒന്നും പക്ഷിപ്പനി റിപ്പോർട്ട് ചെയ്യാത്തതിനാൽ നിലവിൽ ആശങ്കപ്പെടേണ്ട സാഹചര്യമില്ലെന്ന് മന്ത്രി പറഞ്ഞു. പൊതുജനങ്ങൾ ജാഗ്രതയോടുകൂടി മൃഗസംരക്ഷണ വകുപ്പിന്റെ താഴെ പറയുന്ന നിർദേശങ്ങൾ പാലിക്കേണ്ടതാണെന്നും മന്ത്രി വ്യക്തമാക്കി. ശ്രദ്ധിക്കേണ്ടതും പാലിക്കേണ്ടതുമായ കാര്യങ്ങൾ ചത്ത പക്ഷികളെയോ, രോഗം ബാധിച്ചവയെയെയോ, ദേശാടന കിളികളെയോ, ഇവയുടെയൊക്കെ കാഷ്ഠമോ ഒക്കെ കൈകാര്യം ചെയ്യേണ്ട സാഹചര്യം വന്നാൽ അതിനു മുൻപും ശേഷവും ചൂടുവെള്ളവും സോപ്പും ഉപയോഗിച്ച് കൈകൾ ഇടയ്ക്കിടെ കഴുകി വൃത്തിയാക്കേണ്ടതാണ്. രോഗത്തിന്റെ പ്രഭവ കേന്ദ്രത്തിൽ നിന്നും ഒരു കിലോമീറ്റർ ചുറ്റളവിലുള്ള രോഗബാധിച്ചതോ ചത്തതോ ആയ പക്ഷികളെ കൈകാര്യം ചെയ്യുമ്പോൾ കൈയുറയും മാസ്‌കും നിർബന്ധമായും ധരിക്കേണ്ടതാണ്. കോഴികളുടെ മാംസം (പച്ച മാംസം ) കൈകാര്യം ചെയ്യുന്നതിന് മുൻപും ശേഷവും വെള്ളവും സോപ്പും ഉപയോഗിച്ച് കൈകൾ വൃത്തിയാക്കേണ്ടതാണ്. നന്നായി പാചകം ചെയ്ത മാംസവും മുട്ടയും മാത്രം ഉപയോഗിക്കുക. നിങ്ങളുടെ തൊട്ടടുത്ത് അസാധാരണമാം വിധം പക്ഷികളുടെ/ ദേശാടന പക്ഷികളുടെ മരണം ശ്രദ്ധയിൽ പെട്ടാൽ അടുത്തുള്ള മൃഗസംരക്ഷണ വകുപ്പിന്റെ സ്ഥാപനത്തിൽ അറിയിക്കുക. പക്ഷികളെ കൈകാര്യം ചെയ്ത ശേഷം എന്തെങ്കിലും ശാരീരിക അസ്വസ്ഥത അനുഭവപ്പെട്ടാൽ അടുത്തുള്ള മെഡിക്കൽ ഡോക്ടറെ ബന്ധപെടുക . വ്യക്തിശുചിത്വം കൃത്യമായി പാലിക്കുക. വീടും പരിസരവും വൃത്തിയായി സൂക്ഷിക്കുക. രോഗം ബാധിച്ച പക്ഷികളെ കൊന്നൊടുക്കുന്നതിനും രോഗബാധിത പ്രദേശങ്ങൾ ശുചീകരിക്കുന്നതിനും ഉദ്യോഗസ്ഥരുമായി സഹകരിക്കുക. ശുചീകരണത്തിനായി 2% സോഡിയം ഹൈഡ്രോക്‌സൈഡ് (Sodium hydroxide) ലായനി, പൊട്ടാസിയം പെർമാംഗനേറ്റ് (potassium permanganate) ലായനി, കുമ്മായം ( Lime) എന്നിവ ഉപയോഗിക്കാവുന്നതാണ്. അണു നശീകരണം നടത്തുമ്പോൾ സുരക്ഷിതമായ വസ്ത്രധാരണം ഉറപ്പു വരുത്തേണ്ടതാണ്. നിരീക്ഷണ മേഖലയിൽ (surveillance zone ) പക്ഷികളുടെ / ദേശാടന പക്ഷികളുടെ മരണം ശ്രദ്ധയിൽ പെട്ടാൽ ബന്ധപ്പെട്ട ഉദ്യോഗസ്ഥരെ അറിയിക്കേണ്ടതാണ് .ചെയ്തുകൂടാത്തത് ചത്തതോ, രോഗം ബാധിച്ചതോ ആയ പക്ഷികളെയോ, ദേശാടന കിളികളെയോ, പക്ഷി കാഷ്ഠമോ നേരിട്ട് കൈകാര്യം ചെയ്യേണ്ട സാഹചര്യം ഒഴിവാക്കുക. പകുതി വേവിച്ച (ബുൾസ് ഐ പോലുള്ളവ ) മുട്ടകൾ കഴിക്കരുത് . പകുതി വേവിച്ച മാംസം ഭക്ഷിക്കരുത്. രോഗബാധയേറ്റ പക്ഷികളുള്ള പ്രദേശത്തു നിന്നും ഒരു കിലോമീറ്റർ ചുറ്റളവിലുള്ള പക്ഷികളെ വാങ്ങുകയോ വിൽക്കുകയോ അരുത്. രോഗ ബാധിത പ്രദേശത്തിന്റെ ഒരു കിലോമീറ്റർ ചുറ്റളവിലുള്ള സ്ഥലത്തുള്ള മുഴുവൻ പക്ഷികളേയും കൊന്നു മറവു ചെയ്യുന്നതടക്കമുള്ള രോഗനിയന്ത്രണത്തിനുള്ള എല്ലാ കരുതൽ നടപടികളും മൃഗസംരക്ഷണ വകുപ്പ് സ്വീകരിച്ചിട്ടുണ്ട്. അടിയന്തിര സാഹചര്യം നേരിടുന്നതിന് ആലപ്പുഴ ജില്ലാ ജന്തുരോഗ നിയന്ത്രണ പദ്ധതിയുടെ നേതൃത്വത്തിൽ കൺട്രോൾ റൂം ആരംഭിച്ചിട്ടുണ്ട്. ഫോൺ നമ്പർ: 0477-2252636 പക്ഷികളിൽ ഉണ്ടാകുന്ന അസ്വാഭാവിക മരണം / അസ്വാഭാവിക ലക്ഷണങ്ങള് എന്നിവ നിരീക്ഷണ വിധേയമാക്കാന് എല്ലാ മൃഗാശുപത്രികളിലേയും വെറ്ററിനറി സർജന്മാർക്ക് നിർദ്ദേശം നൽകുകയും ചെയ്തിട്ടുണ്ട് .