കോവിഡ് വ്യാപനം, വാകസിനേഷന് എന്നീ കാര്യങ്ങളില് തെറ്റായ പ്രചാരണങ്ങളില് വീഴരുതെന്നും വിശ്വസനീയമായ കേന്ദ്രങ്ങളില് നിന്ന് വിവരങ്ങള് തേടണമെന്നും പ്രധാനമന്ത്രി നരേന്ദ്ര മോദി. മാസാന്ത്യ റേഡിയോ പ്രോഗ്രാമായ മന്കി ബാത്തില് രാജ്യത്തെ അഭിസംബോധന ചെയ്യുകയായിരുന്നു പ്രധാനമന്ത്രി.
രാജ്യത്ത് സൗജന്യ വാക്സീനേഷന് പദ്ധതി തുടരുമെന്നും പ്രധാനമന്ത്രിഅറിയിച്ചു. വാക്സീനെക്കുറിച്ചുള്ള കള്ളപ്രചാരണത്തില് വീഴരുതെന്ന് അദ്ദേഹം ജനത്തോട് അഭ്യര്ത്ഥിച്ചു. 45 വയസ്സിനു മുകളിലുള്ളവരുടെ വാക്സിനേഷന് സംസ്ഥാനങ്ങള്ക്ക് കേന്ദ്രം മരുന്ന് നല്കിയിട്ടുണ്ടെന്നും അദ്ദേഹം പറഞ്ഞു. കോവിഡ് തരംഗം നേരിടാന് എല്ലാ നടപടിയും കേന്ദ്ര സര്ക്കാര് സ്വീകരിക്കുന്നുണ്ട്. സംസ്ഥാന സര്ക്കാരുകളും ഇക്കാര്യത്തില് സാധ്യമായതെല്ലാം ചെയ്യുന്നുണ്ട്.
രണ്ടാം തരംഗം രാജ്യത്തെ ജനങ്ങളെ നടുക്കി. എന്നാല് ഈ തരംഗത്തില് രോഗം ഭേദമാകുന്നവരുടെ എണ്ണം കൂടുതലാണ്. കോവിഡിനെതിരായ പോരാട്ടത്തില് രാജ്യം ഒറ്റക്കെട്ടെന്ന് പറഞ്ഞ പ്രധാനമന്ത്രി ആരോഗ്യപ്രവര്ത്തകരുടെ ചെറുത്തുനില്പ്പിന് അഭിവാദ്യം അര്പ്പിച്ചു.