തിരുവനന്തപുരം: 69-ാമത് ദേശീയ ചലച്ചിത്ര പുരസ്കാര ചടങ്ങിൽ പുരസ്കാരം ഏറ്റുവാങ്ങി നടൻ ഉണ്ണി മുകുന്ദന്റെ അച്ഛൻ എം മുകുന്ദൻ. മേപ്പടിയാൻ സിനിമയ്ക്കു വേണ്ടിയാണ് അദ്ദേഹം പുരസ്കാരം ഏറ്റുവാങ്ങിയത്. ദേശീയ അംഗീകാരം ഏറ്റുവാങ്ങുന്ന പിതാവിന്റെ ദൃശ്യങ്ങൾ ഫേസ്ബുക്കിലൂടെ നടൻ ഉണ്ണി മുകുന്ദൻ പങ്കുവെയ്ക്കുകയും ചെയ്തു.
ഇന്ന്, ബഹുമാനപ്പെട്ട രാഷ്ട്രപതിയിൽ നിന്ന് ദേശീയ അംഗീകാരം വാങ്ങുന്ന തന്റെ പിതാവിനെ നോക്കി സന്തോഷത്തോടെ, അഭിമാനിക്കുന്ന മകനായി താൻ തലയുയർത്തി നിൽക്കുന്നുവെന്ന് ഉണ്ണി മുകുന്ദൻ പറഞ്ഞു. താൻ കണ്ടിട്ടുള്ളതിൽ വച്ച് ഏറ്റവും സത്യസന്ധനും നിർഭയനുമായ മനുഷ്യനോട്, തന്നിൽ വിശ്വസിച്ചതിന് തന്റെ അച്ചനും അമ്മയ്ക്കും തന്റെ എളിയ സമ്മാനമാണിതെന്നും അദ്ദേഹം അറിയിച്ചു.
മേപ്പടിയാൻ, ഒരു സാധാരണക്കാരന്റെ കഥയാണെന്ന് ഉണ്ണി മുകുന്ദൻ വ്യക്തമാക്കി. എങ്ങനെയോ തന്റെ വ്യക്തിജീവിതവുമായി പ്രതിധ്വനിച്ചു. ഒരുപക്ഷേ താൻ ഈ പ്രോജക്റ്റ് ഏറ്റെടുക്കാനുള്ള ഒരു കാരണമായിരിക്കാമെന്ന് ഉണ്ണി മകുന്ദൻ ഫേസ്ബുക്കിൽ കുറിച്ചു. അതേസമയം, സംവിധായകൻ വിഷ്ണു മോഹനും ഉണ്ണി മുകുന്ദൻ അഭിനന്ദനങ്ങൾ അറിയിച്ചു.