താൻ സിംഗിൾ മദറാണെന്ന് വെളിപ്പെടുത്തി നടി ഭാമ. ഒരു സിംഗിൾ മദറാകുന്നത് വരെ താൻ ഇത്രത്തോളം ശക്തയാണെന്ന് തനിക്ക് തന്നെ അറിയില്ലായിരുന്നുവെന്ന് ഭാമ പറയുന്നു. ഇൻസ്റ്റഗ്രാമിൽ പങ്കുവെച്ച ഒരു വിഡിയോയിലൂടെയും കുറിപ്പിലൂടെയുമാണ് ഭാമ ഇക്കാര്യം വ്യക്തമാക്കിയിരിക്കുന്നത്.
കൂടുതൽ ശക്തയാകുക എന്നത് മാത്രമായിരുന്നു തനിക്ക് മുന്നിലുണ്ടായിരുന്ന ഏക വഴി. മകൾ ഗൗരിക്കൊപ്പമുള്ള ചിത്രവും ഭാമ സമൂഹമാധ്യമത്തിൽ പങ്കുവച്ചിട്ടുണ്ട്.
ഭാമയും ഭർത്താവ് അരുണും തമ്മിൽ വേർപിരിഞ്ഞു എന്ന തരത്തിൽ സമൂഹ മാധ്യമങ്ങളിൽ ഏറെ നാളുകളായി വാർത്തകൾ പ്രചരിക്കുന്നുണ്ട്. എന്നാൽ ഇരുവരും ഈ വാർത്തകളോട് ഇതുവരെ പ്രതികരണം നടത്തിയിട്ടില്ല. ഏറെ നാളുകളായി താരത്തിന്റെ സാമൂഹ്യ മാദ്ധ്യമ പോസ്റ്റുകളിലൊന്നും അരുണിന്റെ ചിത്രങ്ങൾ കാണാറില്ല. ഇതോടെയാണ് ഇരുവരും വേർപിരിഞ്ഞെന്ന തരത്തിൽ വാർത്ത പ്രചരിക്കാൻ തുടങ്ങിയത്.