രാഹുൽ മാങ്കൂട്ടത്തിന്റെ അറസ്റ്റ് അപലപനീയമെന്ന് പി.കെ കുഞ്ഞാലിക്കുട്ടി. ഭരിക്കുന്നവർ പൊലീസിനെ കയറൂരി വിട്ടതാണോ എന്ന് വ്യക്തമാക്കണം. അറസ്റ്റ്, ഭീകരാന്തരീക്ഷം സൃഷ്ടിച്ച് ചെയ്യേണ്ട സാഹചര്യമുണ്ടായിരുന്നില്ലെന്നും പി.കെ കുഞ്ഞാലിക്കുട്ടി പറഞ്ഞു. പ്രതിപക്ഷത്തിനും ഭരണപക്ഷത്തിനും കേരളത്തിൽ രണ്ട് നീതി. കേരളത്തിൽ ഇത് ചെയ്യുന്നത് ഇന്ത്യ മുന്നണിയിൽ ഇരിക്കുന്നവർ ആണ്. കേസ് എടുക്കാറുണ്ടെങ്കിലും ഇത് എന്തിനാണ് എന്ന് മനസ്സിലാകുന്നില്ല. പ്രതിഷേധാർഹമാണ് അറെസ്റ്റെന്നും കുഞ്ഞാലിക്കുട്ടി പറഞ്ഞു.
നാട്ടിൽ സാധരണ ജനകീയ സമരങ്ങൾ ഉള്ളതാണ്. കുറച്ചുകൂടി ജനാധിപത്യപരമായി നീങ്ങുന്നതാണ് നല്ലതെന്നും അദ്ദേഹം കൂട്ടിച്ചേർത്തു. പ്രതിപക്ഷത്തിന് പ്രതികരിക്കാൻ ഉള്ള അവകാശം ഉണ്ട്. പൊലീസിനെ ഉപയോഗിച്ച് അടിച്ചമർത്തുന്നത് ശരിയല്ല. കേന്ദ്രത്തെ വിമർശിക്കാൻ അടിച്ചമർത്താൻ തുടങ്ങിയാൽ സിപിഐഎമ്മിന് പറ്റാതെയാകുമെന്നും കുഞ്ഞാലിക്കുട്ടി. നാളെ യുഡിഎഫ് ചർച്ച വിഷയം ചെയ്യും. പ്രതിപക്ഷം ജനകീയ സമരങ്ങളിലൂടെ തന്നെ നേരിടുമെന്നും അദ്ദേഹം പറഞ്ഞു.