തിരുവനന്തപുരം: കെഎസ്ആർടിസിക്ക് സംസ്ഥാന സർക്കാർ സഹായമായി 90.22 കോടി രൂപ കൂടി അനുവദിച്ചു. ധനമന്ത്രി കെ എൻ ബാലഗോപാലാണ് ഇക്കാര്യം അറിയിച്ചത്. ഇതിൽ പെൻഷൻ വിതരണത്തിനാണ് 70.22 കോടി രൂപ അനുവദിച്ചത്. സർക്കാരിന്റെ സാമ്പത്തിക സഹായമായി 20 കോടി രൂപയും അനുവദിച്ചു.
കെഎസ്ആർടിസിയ്ക്ക് ഈ മാസം ആദ്യം സർക്കാർ 30 കോടി രൂപ നൽകിയിരുന്നു.900 കോടി രൂപയാണ് കോർപറേഷന് ഈ വർഷത്തെ ബജറ്റ് വിഹിതം. 1234.16 കോടി രൂപയാണ് ഈ വർഷം ഇതുവരെ അനുവദിച്ചത്. ആകെ 4933.22 കോടി രൂപയാണ് കെഎസ്ആർടിസിക്ക് സഹായമായി രണ്ടാം പിണറായി സർക്കാർ അധികാരത്തിൽ വന്ന ശേഷം നൽകിയതെന്ന് സർക്കാർ വൃത്തങ്ങൾ വ്യക്തമാക്കുന്നു. ആകെ 9886.22 കോടി രൂപയാണ് ഏഴര വർഷത്തിനുള്ളിൽ എൽഡിഎഫ് സർക്കാരുകൾ നൽകിയതെന്നും സർക്കാർ വൃത്തങ്ങൾ ചൂണ്ടിക്കാട്ടി.