സംസ്ഥാനത്ത് റേഷൻ വിതരണം പൂർണമായും തടസപ്പെട്ടു. ഇ പോസ് മെഷീൻ തകരാറായതിനാൽ ഇന്ന് രാവിലെ മുതൽ റേഷൻ വിതരണം നടക്കുന്നില്ല. രാവിലെ റേഷൻ വ്യാപാരികൾ കട തുറന്നത് മുതൽ ബുദ്ധിമുട്ട് അനുഭവപ്പെട്ടു.ആധാർ ഓതന്റിഫിക്കേഷൻറെ പരാജയം എന്നാണ് കണ്ടത്തെൽ. OTP, യിലും കിട്ടുന്നില്ല. കഴിഞ്ഞ മാസം ഇതേ അവസ്ഥ ഉണ്ടായിരുന്നു.
ഇ പോസ് മെഷീന്റെ ക്ലൌഡ് മാറ്റിയിട്ടും ബാന്ഡ്വിത്ത് കൂട്ടിയിട്ടും നിരന്തരം പണിമുടക്കുകയാണ് ഇ പോസ് മെഷീന്. ഇ പോസുമായി ബന്ധപ്പെട്ട സാങ്കേതിക പ്രശ്നം പരിഹരിക്കാന് ഭക്ഷ്യവകുപ്പിന് ഇത് വരെ ആയിട്ടില്ല. കഴിഞ്ഞ കുറെ നാളുകളായി നിലനിൽക്കുന്ന പ്രശ്നമാണിത്. ഇന്ന് രാവിലെ പത്ത് മണിയോടെ റേഷന് വിതരണം പൂര്ണമായും തടസപ്പെട്ടു. ഇന്ന് മുതല് പലയിടങ്ങളിലും റേഷന് വിതരണത്തില് പ്രശ്നം നേരിട്ടിരുന്നു.റേഷന് വാങ്ങാന് എത്തിയ പലരും വാങ്ങാതെ മടങ്ങേണ്ട അവസ്ഥയാണെന്ന് റേഷന് വ്യാപാരികള് പറഞ്ഞു. ഇന്നലെയും സമാനമായ പ്രശ്നങ്ങൾ റേഷൻ കടകളിൽ അനുഭവപ്പെട്ടു.