ചെന്നൈ: 2021 ലെ നീറ്റ് വിരുദ്ധ ബില്ലിന് അംഗീകാരം നൽകണമെന്ന് ആവശ്യപ്പെട്ട് തമിഴ്നാട് മുഖ്യമന്ത്രി എംകെ സ്റ്റാലിൻ രാഷ്ട്രപതി ദ്രൗപതി മുർമുവിന് കത്തയച്ചു. കോച്ചിങ് സെന്ററിൽ പോകാൻ പണം ഇല്ലാത്തവർക്ക് അവസരം നിഷേധിക്കരുതെന്നാണ് അദ്ദേഹം കത്തിൽ ആവശ്യപ്പെട്ടിട്ടുള്ളത്.
ഒരു വർഷത്തിലേറെയായി ബില്ല് രാഷ്ട്രപതിയുടെ പരിഗണനയിലാണ്. കേന്ദ്രം ഉന്നയിച്ച എല്ലാ സംശയങ്ങൾക്കും മറുപടി നൽകിയെന്നും എന്നിട്ടും ബില്ലിന് അംഗീകാരം നൽകിയിട്ടില്ലെന്നും അദ്ദേഹം കത്തിൽ പറയുന്നു.