ബുധനാഴ്ച വൈകുന്നേരം നിലഗുരുതരമായതിനെ തുടർന്ന് ഗുവഹത്തിയിലെ ആശുപത്രിയിലേക്കുള്ള വഴി മധ്യേ കുക്കി ഗാനരചയിതാവ് മഗ്ബോയ് മരണത്തിന് കീഴടങ്ങി. ബുധനാഴ്ച ഉണ്ടായ ഏറ്റുമുട്ടലിൽ ആണ് പ്രശസ്ത കുക്കി ഗാനരചയിതാവ് എൽ.എസ് മംഗ്ബോയ് ലൂങ്ഡിം ഉൾപ്പെടെ 4 കുക്കി ആദിവാസിവിഭാഗക്കാർക്ക് പരുക്കേറ്റത്. ഇവരെ ഉടൻ തന്നെ ചുരാചന്ദ്പൂരിലേക്ക് കൊണ്ടുപോയിരുന്നു. പരുക്കേറ്റവരിൽ ഒരാൾ ആശുപത്രയിൽ എത്തുംമുമ്പ് തന്നെ മരണപ്പെട്ടിരുന്നു.
ഇവർക്ക് ബോംബാക്രമണത്തിലാണ് പരുക്കേറ്റതെന്ന് ഇൻഡിജിനസ് ട്രൈബൽ ലീഡേഴ്സ് ഫോറം അറിയിച്ചു. കുക്കി-സൊ ഗോത്രവിഭാഗക്കാരുടെ ഇടയിൽ ശ്രദ്ധേയനായിരുന്നു എൽ.എസ് മംഗ്ബോയ് ലൂങ്ഡിം. വ്യാഴാച പരിക്കേറ്റവരിൽ രണ്ട് കുക്കി വിഭാഗക്കാർ മരണപ്പെടുകയും രണ്ട് പേർക്ക് ഗുരുതരമായി പരിക്കേൽക്കുകയും ചെയ്തു. മണിപ്പൂരിലെ സ്ഥിതി വളരെ സംഘർഷഭരിതമാണെന്നാണ് ഉദ്യോഗസ്ഥ വൃത്തങ്ങളുടെ റിപ്പോർട്ട്.