ഡല്ഹി: രാജ്യത്ത് കൊവിഡ് ബാധിതരുടെ എണ്ണം 11000 കടന്നു. കഴിഞ്ഞ 24 മണിക്കൂറിനിടെ 11109 പേര്ക്കാണ് കൊവിഡ് ബാധ സ്ഥിരീകരിച്ചത്. പ്രതിദിന ടെസ്റ്റ് പോസിറ്റിവിറ്റി നിരക്ക് 5.01 ശതമാനമായി ഉയര്ന്നതായും കേന്ദ്ര ആരോഗ്യ മന്ത്രാലയം അറിയിച്ചു.
അതേസമയം, ഡല്ഹിയിലും മഹാരാഷ്ട്രയിലും, കേരളത്തിലും ആയിരത്തിലധികം പേര്ക്ക് രോഗം സ്ഥിരീകരിച്ചു. രാജസ്ഥാന്, ഹരിയാന, ഒഡീഷ,ഛത്തിസ്ഗഡ്, കര്ണാടക, ഹിമാചല് പ്രദേശ് തുടങ്ങിയ സംസ്ഥാനങ്ങളിലും രോഗികളുടെ എണ്ണം വര്ധിച്ചിട്ടുണ്ട്.
എന്നാല്, രണ്ടാഴ്ച്ച കൊണ്ട് കേസുകള് കുറയുമെന്നാണ് വിലയിരുത്തല്. രാജ്യത്തെ ആശുപത്രികളില് 90 ശതമാനം ഐസിയു കിടക്കകളും സജ്ജമാക്കിയതായി ആരോഗ്യ മന്ത്രാലയം വ്യക്തമാക്കി.