സൈപ്രസ്: ഒമിക്രോണ്‍ വകഭേദം ലോകമെമ്പാടും ആശങ്ക വിതച്ചിരിക്കെ
മെഡിറ്ററേനിയന്‍ രാജ്യമായ സൈപ്രസില്‍ പുതിയ കൊവിഡ് വകഭേദമായ ഡെല്‍റ്റാക്രോണ്‍ കണ്ടെത്തി. ഡെല്‍റ്റ-ഒമിക്രോണ്‍ വകഭേദങ്ങള്‍ ചേര്‍ന്നതാണ് ഡെല്‍റ്റാക്രോണ്‍. ഇതുവരെ 25 കേസുകള്‍ രാജ്യത്ത് റിപ്പോര്‍ട്ട് ചെയ്തിട്ടുണ്ട്. ഇതില്‍ 11 പേര്‍ ആശുപത്രിയിലും മറ്റുളളവരെ ക്വാറന്റൈനിലുമാണ്.
‘രാജ്യത്ത് ഇപ്പോള്‍ ഒമിക്രോണ്‍, ഡെല്‍റ്റാ വകഭേദങ്ങളുണ്ട്. പുതിയ വകഭേദം ഇവരണ്ടും ചേര്‍ന്നതും ഇവയുടെ രണ്ടിന്റെയും സ്വഭാവം കാണിക്കുന്നതുമാണ്. ഡെല്‍റ്റാ ജീനുകളില്‍ ഒമിക്രോണിന്റെ സ്വഭാവം പ്രകടിപ്പിക്കുന്നതാണിത്.’-സൈപ്രസ് സര്‍വകലാശാലയിലെ ബയോടെക്നോളജി-മോളികുലാര്‍ വൈറോളജി ലാബിന്റെ തലവനും സര്‍വകലാശാല ബയോളജിക്കല്‍ സയന്‍സ് വിഭാഗം പ്രൊഫസറുമായ ലിയോണ്ടിയോസ് കോസ്ട്രികിസ് പറഞ്ഞു.
പുതിയ വകഭേദത്തിന് രോഗികളിലെ ആപേക്ഷിക ആവൃത്തി വളരെ കൂടുതലാണ്. കൂടുതല്‍ രോഗബാധയ്ക്ക് സാധ്യതയുണ്ടോയെന്നും ഇത് ഏറെനാള്‍ നിലനില്‍ക്കുമോ എന്നെല്ലാം ഗവേഷകര്‍ നിരീക്ഷിച്ചുവരികയാണ്.