മനുഷ്യന്‍റെ ഇതുവരെയുള്ള ശാസ്ത്ര വിജ്ഞാനം വെച്ചിട്ട് ഈ പ്രപഞ്ചത്തില്‍ ജീവന്‍ കണ്ടെത്തിയിട്ടുള്ളതു ഭൂമിയില്‍ മാത്രമാണ്. വേറേ ഗ്രഹങ്ങളില്‍ സാധ്യതയുണ്ടെങ്കിലും അവ കണ്ടെത്തി സ്ഥിതീകരിക്കാന്‍ മനുഷ്യനു കഴിഞ്ഞിട്ടില്ല.
പക്ഷെ ഈ ഭൂമിയില്‍ തന്നെ ജീവന്‍ ഉണ്ടാകാനോ നിലനില്‍ക്കാനോ പറ്റാത്ത ഒരു സ്ഥലം ഉണ്ട്. ഒരു സൂക്ഷ്മജീവിക്കുപോലും ജീവിക്കാന്‍ അസാധ്യമായ ആ സ്ഥലം സ്ഥിതി ചെയ്യുന്നതു ദല്ലോല്‍ എന്ന സ്ഥലത്താണ്.
ദല്ലോല്‍ എത്യോപ്പിയയിലാണു സ്ഥിതി ചെയ്യുന്നതു. അവിടുത്തെ ജിയൊ-തെര്‍മ്മല്‍ ഫീല്‍ഡുകളിലാണു ഒരു തരത്തിലുള്ള ജീവനുകളും നിലനില്‍ക്കാത്തത്.
ദല്ലോല്‍ എന്ന പേരു മുമ്പ് കേട്ടിട്ടുണ്ടോ? ഈ ഭൂമിയില്‍ ഏറ്റവും ചൂട് കൂടിയ സ്ഥമാണത്. അവിടുത്തെ ശരാശരി ചൂട് 34.4⁰ C ആണ്, ചൂടുകാലത്ത് അതു 46.7⁰ C വരെ ഉയരാം. കൂടാതെ ഇതു സ്ഥിതി ചെയ്യുന്നതു സമുദ്ര നിരപ്പില്‍ നിന്നു 125 മീറ്റര്‍ താഴെയാണ്. അതുകൂടാതെ അവിടെ അഗ്നിപര്‍വതങ്ങളും ജിയൊ-തെര്‍മ്മല്‍ ഫീല്‍ഡുകളും ഉണ്ട്.