അമേരിക്കൻ സിനിമയായ ദ് എക്സോർസിസ്റ്റ് ചിത്രീകരിച്ചിട്ട് അൻപത് വർഷം പിന്നിടുന്നു. അമേരിക്കയുടെ ഒരു കാലഘട്ടത്തിന്റെ വിശ്വാസ തകർച്ചയുടെയും ശുഭാപ്തി വിശ്വാസത്തിൻ്റെയും തകർച്ചയെ കൂടി പ്രതിനിധാനം ചെയ്യുന്നതാണ് ഈ സിനിമ. സിനിമ പ്രതിപാദിക്കുന്നത് ദുഷ്ട ശക്തികളുടെ പിടിയിലായ ബാലികയെ അതിൽ നിന്നും മോചിപ്പിക്കാനുള്ള രണ്ട് വൈദികൻമാരുടെ യുദ്ധസമാനമായ ശ്രമങ്ങളാണ്. 1973 ൽ വാർണർ ബ്രോസ് പിക്ചേഴ്സ് പുറത്തിറക്കിയ ചിത്രം വില്യം ഫ്രീഡ്കിൻ ആണ് സംവിധാനം ചെയ്തത്. ദ് എക്സോർസിസ്റ്റ് എന്ന പേരിൽ ഇറങ്ങിയ നോവൽ ആധാരമാക്കി ആണ് സിനിമ ചെയ്തത്. ഇതേ വിഷയത്തിൽ മറ്റനേകം സിനിമകൾ പിന്നീട് ഇറങ്ങിയിട്ടുണ്ട് എങ്കിലും ഇതിന്റെ ജനപ്രീതി ഇന്നും നഷ്ടപ്പെട്ടിട്ടില്ല.
2023-10-12