ലോക്ഡൗണ്‍ തുടരുമോയെന്ന കാര്യത്തില്‍ തീരുമാനമെടുത്തിട്ടില്ലെന്ന് ആരോഗ്യമന്ത്രി വീണ ജോര്‍ജ്ജ്

തിരുവനന്തപുരം: കേരളത്തിലെ ലോക്ഡൗണ്‍ എത്രത്തോളം ഫലപ്രദമായെന്ന് മെയ് മാസത്തിന് ശേഷമേ വ്യക്തമാകുവെന്നും കോവിഡ് കേസുകള്‍് കുറഞ്ഞാലും ജാഗ്രത തുടരണമെന്നും ആരോഗ്യമന്ത്രി വീണ ജോര്‍ജ്ജ്. അതേസമയം, ജൂണില്‍ ലോക്ഡൗണ്‍ തുടരണമോയെന്ന കാര്യത്തില്‍ തീരുമാനമെടുത്തിട്ടില്ലെന്നും മന്ത്രി പറഞ്ഞു. പ്രതിദിന രോഗികളുടെ എണ്ണം, ടെസ്റ്റ് പോസിറ്റിവിറ്റി നിരക്ക് എന്നിവ പരിഗണിച്ചാവും ലോക്ക്ഡൗണ്‍ തുടരണോ എന്ന കാര്യത്തില്‍ അന്തിമ തീരുമാനമുണ്ടാകുക. മുഖ്യമന്ത്രിയുടെ നേതൃത്വത്തിലുള്ള വിദഗ്ദ്ധ സമിതിയാണ് ഇക്കാര്യത്തില്‍് തീരുമാനമെടുക്കുക. ഡെങ്കിപ്പനി, എലിപ്പനി പോലുളള മറ്റ് രോഗങ്ങള്‍ക്കെതിരെയും പ്രതിരോധം ശക്തമാക്കണമെന്നും വീണ ജോര്‍ജ് പറഞ്ഞു.