പാരീസ്: പരിക്കേറ്റു വിശ്രമത്തില് കഴിയുന്നതിനാല് പിഎസ്ജിയുടെ ബ്രസീലിയന് സൂപ്പര് താരം നെയ്മറിന് ഈ സീസണ് നഷ്ടമാകാന് സാധ്യത. കണങ്കാലിനേറ്റ പരിക്ക് മാറാനായി താരം ശസ്ത്രക്രിയയ്ക്ക് വിധേയനാകും. ദോഹയില് വച്ചാകും താരത്തിന്റെ ശസ്ത്രക്രിയ നടക്കുക.
കുറഞ്ഞത് മൂന്നു മാസമെങ്കിലും താരത്തിന് വിശ്രമം വേണ്ടി വരുമെന്ന് ക്ലബ് അറിയിച്ചു. ലില്ലെയ്ക്ക് എതിരായ മത്സരത്തിനിടയിലാണ് നെയ്മറിന് പരിക്കേല്ക്കുന്നത്. കണങ്കാലിന്റെ ലിഗമെന്റിന് പരിക്കേറ്റ താരത്തെ ഉടന് തന്നെ ആശുപത്രിയിലേക്ക് മാറ്റിയിരുന്നു.