തിരുവനന്തപുരം: ഗവർണർ ആരിഫ് മുഹമ്മദ് ഖാനുമായി നടന്ന ചർച്ചയുടെ ഉള്ളടക്കം മാധ്യമങ്ങളോട് പറയേണ്ടതില്ലെന്ന് മന്ത്രി പി രാജീവ്. വിമർശനങ്ങൾ നടത്താനുള്ള അധികാരം ഗവർണർക്കുണ്ടെന്ന് അദ്ദേഹം പറഞ്ഞു. ഗവർണർ സർക്കാരിന്റെ ഭാഗമാണല്ലോയെന്നും അദ്ദേഹം വ്യക്തമാക്കി.
സാധാരണ നടപടിക്രമങ്ങളുടെ ഭാഗമാണ് കൂടിക്കാഴ്ച്ച. ഭരണഘടനാപരമായ ആശയവിനിമയങ്ങൾ ആ രീതിയിൽ തന്നെ നടക്കുമെന്നും അദ്ദേഹം കൂട്ടിച്ചേർത്തു. അതേസമയം, മന്ത്രിമാർ നേരിട്ടെത്തി വിശദീകരിച്ചിട്ടും എട്ട് ബില്ലുകളിൽ ഗവർണർ തീരുമാനമെടുത്തില്ല. ഇക്കാര്യത്തിൽ തീരുമാനം എടുക്കാതെ ഗവർണർ ഹൈദരാബാദിലേക്ക് പോയിരിക്കുകയാണ്.