ബംഗളൂരു: ബംഗളൂരു എഫ്.സിക്കെതിരെ കേരള ബ്ലാസ്റ്റേഴ്സിന് തോല്വി. എതിരില്ലാത്ത ഒരു ഗോളിനായിരുന്നു ബ്ലാസ്റ്റേഴ്സിന്റെ തോല്വി.
ജയിച്ചാല് പ്ലേഓഫ് ഉറപ്പിക്കാമെന്നിരിക്കെ റോയ് കൃഷ്ണ നേടിയ ഒരൊറ്റ ഗോളിലാണ് ബ്ലാസ്റ്റേഴ്സ് പരാജയം രുചിച്ചത്. ഒന്നാം പകുതിയിലായിരുന്നു ഗോള് പിറന്നത്. 32ാം മുനുറ്റില് റോയ് കൃഷ്ണയാണ് പന്ത് ബ്ലാസ്റ്റേഴ്സ് വലക്കുള്ളില് എത്തിച്ചത്.
ബ്ലാസ്റ്റേഴ്സ് പ്രതിരോധം കടന്ന് ജാവി ഹെര്ണാണ്ടസ് നല്കിയ പാസില്നിന്നാണ് ബെംഗളൂരു വിജയ ഗോള് നേടിയത്. പന്തു ലഭിച്ച റോയ് കൃഷ്ണ പോസ്റ്റിന്റെ വലതു ഭാഗത്തുനിന്ന് ബുദ്ധിമുട്ടേറിയ ആംഗിളില് എടുത്ത ഷോട്ട്, ബ്ലാസ്റ്റേഴ്സ് ഗോള് കീപ്പര് പ്രഭ്സുഖല് ഗില്ലിന് പാളിയതോടെ വലയിലെത്തുകയായിരുന്നു.