വനിത ഐപിഎല്ലിന്റെ ഫ്രാഞ്ചൈസികളുടെ ലേലം പൂര്ത്തിയായി. 4669.99 കോടി രൂപയാണ് അഞ്ച് ഫ്രാഞ്ചൈസികള്ക്കുമായി ബിസിസിഐയ്ക്ക് ലഭിച്ചത്.
അഹമ്മദാബാദ്, മുംബൈ, ബെംഗളൂരു, ലക്നൗ, ഡല്ഹി എന്നിവരാണ് ഫ്രാഞ്ചൈസികളുടെ ആസ്ഥാനം. 1289 കോടി രൂപയ്ക്ക് അദാനി സ്പോര്ട്സ് ലൈന് പ്രൈവറ്റ് ലിമിറ്റഡ് ആണ് അഹമ്മദാബാദ് ഫ്രാഞ്ചൈസി സ്വന്തമാക്കിയത്.
912.99 കോടി രൂപയ്ക്ക് ഇന്ഡ്യവിന് സ്പോര്ട്സ് പ്രൈവറ്റ് ലിമിറ്റിഡ് മുംബൈ ഫ്രാഞ്ചൈസിയെ സ്വന്തമാക്കിയപ്പോള് 901 കോടി രൂപയ്ക്ക് റോയല് ചലഞ്ചേഴ്സ് സ്പോര്ട്സ് പ്രൈവറ്റ് ലിമിറ്റഡ് ബെംഗളൂരുവിനെ സ്വന്തമാക്കി. 810 കോടി രൂപയ്ക്ക് ജെഎസ്ഡബ്ല്യു ജിഎംആര് ക്രിക്കറ്റ് പ്രൈവറ്റ് ലിമിറ്റഡ് ഡല്ഹി ഫ്രാഞ്ചൈസിയെയും കാപ്രി ഗ്ലോബല് ഹോള്ഡിംഗ്സ് പ്രൈവറ്റ് ലിമിറ്റഡ് ലക്നൗവ് ഫ്രാഞ്ചൈസിയെ 757 കോടി രൂപയ്ക്കും സ്വന്തമാക്കി.