മോഹന്ലാലിന് നല്ലവനായ റൗഡി ഇമേജെന്ന സംവിധായകന് അടൂര് ഗോപാലകൃഷ്ണന്റെ പരാമര്ശത്തിനെതിരെ നടന് ധര്മ്മജന്. മോഹന്ലാലിനെ ഗുണ്ടയായിട്ട് കാണുന്ന അടൂര് സാറിനോട് ഞങ്ങള്ക്ക് അഭിപ്രായമില്ല. ഏയ് ഓട്ടോ, ടി.പി ബാലഗോപാലന് എം.എ, വെള്ളാനകളുടെ നാട്, കിരീടം തുടങ്ങി ഒരുപാട് സിനിമകളില് അദ്ദേഹം സാധാരണക്കാരനായി അഭിനയിച്ചിട്ടുണ്ട്. അടൂര് സാറിന് ലാലേട്ടന് ഗുണ്ടയായിട്ട് തോന്നുന്നുണ്ടാകും പക്ഷെ ഞങ്ങള്ക്ക് തോന്നുന്നില്ല’- ധര്മ്മജന് കുറിച്ചു.
ധര്മ്മജന്റെ കുറിപ്പ്
ധര്മ്മജന്റെ വാക്കുകള് ഇങ്ങനെഅടൂര് സാറിനോട് രണ്ട് വാക്ക് പറയണമെന്ന് തോന്നിയത് കൊണ്ടാണ്,മോഹന്ലാല് എന്ന നടന് ഞങ്ങള്ക്ക് വലിയ ആളാണ് അടൂര് സാര് മോഹന്ലാലിന്റെ നല്ല സിനിമകള് കണ്ടിട്ടില്ലാത്തത് കൊണ്ടാണ്, മോഹന്ലാലിനെ ഗുണ്ടയായിട്ട് കാണുന്ന അടൂര് സാറിനോട് ഞങ്ങള്ക്ക് അഭിപ്രായമില്ല. സാര് മോഹന്ലാല് സാധാരണക്കാരനായിട്ട് അഭിനയിച്ച ഒരുപാട് സിനിമകളുണ്ട് ഏയ് ഓട്ടോ, ടി.പി ബാലഗോപാലന് എം.എ, വെള്ളാനകളുടെ നാട്, കിരീടം തുടങ്ങി ഒരുപാട് സിനിമകളുണ്ട് അടൂര് സാറിന് ലാലേട്ടന് ഗുണ്ടയായിട്ട് തൊന്നുന്നുണ്ടാകും പക്ഷെ ഞങ്ങള്ക്ക് തോന്നുന്നില്ല അടൂര് സാറിനോടുള്ള എല്ലാ ബഹുമാനവും വെച്ചിട്ട് പറയട്ടെ സാര് സാറിന്റെ പടത്തില് അഭിനയിപ്പിച്ചിട്ടില്ലെങ്കിലും കുഴപ്പമില്ല പക്ഷെ മോഹന്ലാല് എന്നും വലിയ നടനാണ് വലിയ മനുഷ്യനാണ്. സാര് സാറിന് പറ്റിയ ആളുകളെകൊണ്ട് അഭിനയിപ്പിച്ചോളൂ പക്ഷെ ലാലേട്ടന് നേരെ മോശം വാക്കുകള് ഉപയോഗിക്കരുത്.
മോഹന്ലാലിന് നല്ലവനായ റൗഡി ഇമേജെന്നാണ് ഏതാനും ദിവസങ്ങള്ക്ക് മുന്പ് അടൂര് ഗോപാലകൃഷ്ണന് പറഞ്ഞത്. ഒരു റൗഡി എങ്ങനെയാണ് നല്ലവനാകുന്നത് എന്ന് മനസിലാകുന്നില്ല. താന് അത്തരം ഇമേജില് വിശ്വസിക്കുന്നില്ല. അതിനാലാണ് മോഹന്ലാലിനൊപ്പം സിനിമ ചെയ്യാത്തത് എന്നും അടൂര് പറഞ്ഞിരുന്നു.