മുംബൈ: പ്രേക്ഷകരുടെ കാത്തിപ്പിനൊടുവില് ഷാരൂഖ്-ദീപിക ചിത്രം പഠാന് നാളെ തിയേറ്ററുകളില്. റിലീസിന് മുന്നേ തന്നെ വിവാദങ്ങളില് നിറഞ്ഞ ചിത്രമായിരുന്നു പഠാന്. ചിത്രത്തിലെ ബെഷറം രംഗ് എന്ന ഗാനത്തില് നായിക ദീപിക പദുകോണ് കാവി നിറത്തിലുള്ള ബിക്കിനി ധരിച്ചതിന് എതിരെ സംഘപരിവാര് പ്രതിഷേധവുമായി എത്തിയിരുന്നു.
ഗാനരംഗം ഹിന്ദുക്കളുടെ വികാരം വ്രണപ്പടുത്തിയെന്ന് ആരോപിച്ച് നിരവധി പരാതികളാണ് വിവിധ പൊലീസ് സ്റ്റേഷനുകളില് എത്തിയത്. എന്നാല്, സെന്സര് ബോര്ഡ് ബിക്കിനി രംഗം കട്ട് ചെയ്യാതെ തന്നെ സിനിമയ്ക്ക് അനുമതി നല്കി. വേറെ 10 കട്ടുകള് നിര്ദേശിച്ചതിന് ശേഷമാണ് അനുമതി നല്കിയത്.
ഷാരൂഖിന്റെയും ദീപികയുടെയും കോലം കത്തിച്ചും സിനിമാ പോസ്റ്ററുകള് നശിപ്പിച്ചുമുള്ള പ്രതിഷേധത്തിന് പിന്നാലെയാണ് ബജ്റംഗ് ദളിന്റെ പുതിയ ഭീഷണി. സിദ്ധാര്ത്ഥ് ആനന്ദ് സംവിധാനം ചെയ്ത പഠാനില് ഷാരൂഖിനും ദീപികയ്ക്കുമൊപ്പം ജോണ് എബ്രഹാമും അഭിനയിക്കുന്നുണ്ട്. റിലീസിന് മുന്നോടിയ തന്നെ അഡ്വാന്സ് ടിക്കറ്റ് ബുക്കിംഗില് റെക്കോര്ഡിട്ട ചിത്രത്തിന് 20 കോടിലധികം രൂപയാണ് ലഭിച്ചത്. 100 കോടി രൂപക്ക് മുകളിലാണ് ആമസോണ് പ്രൈം പഠാന്റെ ഒ.ടി.ടി വിതരണാവകാശത്തിനായി നല്കിയത്.