ആഗോള ബോക്സ് ഓഫീസില് അവതാര് ദ വേ ഓഫ് വാട്ടര് ചിത്രത്തിന്റെ വരുമാനം 16000 കോടിയിലേറെ കവിഞ്ഞതായി റിപ്പോര്ട്ടുകള്. സ്പൈഡര്മാന് നോ വേ ഹോമിനെ മറികടന്ന് ഏറ്റവും വരുമാനം നേടിയ ചിത്രങ്ങളില് ആറാം സ്ഥാനത്ത് എത്തിയിരിക്കുകയാണ് അവതാര് രണ്ടാം ഭാഗം.
യഥാക്രമം നാലും അഞ്ചും സ്ഥാനങ്ങളിലുള്ള സ്റ്റാര് വാര് ദ ഫോഴ്സ് അവേക്കന്സ്, അവഞ്ചേഴ്സ് ഇന്ഫിനിറ്റി വാര് തുടങ്ങിയ ചിത്രങ്ങളെ അവതാര് 2 മറികടക്കുമെന്നാണ് പ്രതീക്ഷിക്കുന്നത്. ലോക സിനിമയുടെ ചരിത്രത്തില് ഏറ്റവും കൂടുതല് വരുമാനം നേടിയ ചിത്രമെന്ന റെക്കോഡ് അവതാര് ആദ്യഭാഗത്തിനാണ്. പതിമൂന്ന് വര്ഷം പഴക്കമുള്ള ഈ റെക്കോഡ് ഇതുവരെ തകര്ന്നിട്ടില്ല. ജയിംസ് കാമറൂണിന്റെ തന്നെ ടൈറ്റാനിക് ആണ് മൂന്നാം സ്ഥാനത്ത്.