മികച്ച നിരൂപക പ്രശംസ പിടച്ചുപ്പറ്റിയ ഋഷഭ് ഷെട്ടി ചിത്രം കാന്താര 400 കോടിക്ക് മുകളിലാണ് കളക്ഷന് നേടിയത്. ഇപ്പോഴിതാ, ‘കാന്താര 2’ അധികം വൈകാതെ തന്നെ ഉണ്ടാകുമെന്ന് വെളിപ്പെടുത്തിയിരിക്കുകയാണ് ഹൊംബാളെ ഫിലിംസിന്റെ സഹസ്ഥാപകന് വിജയ് കിരങ്ങണ്ടൂര്. ഇത് കാന്താരയുടെ തുടര്ച്ച അല്ലെന്നും പ്രീക്വല് ആണെന്നും അദ്ദേഹം വ്യക്തമാക്കി. ഡെഡ്ലൈനുമായുള്ള അഭിമുഖത്തിലാണ് കാന്താര 2-ന്റെ ജോലികള് ഋഷഭ് ഷെട്ടി ആരംഭിച്ചുവെന്ന് നിര്മ്മാതാവ് വെളിപ്പെടുത്തിയിരിക്കുന്നത്.
‘ഗ്രാമവാസികളും ദൈവവും രാജാവും തമ്മിലുള്ള ബന്ധത്തിന്റെ കഥയായിരിക്കും കാന്താര 2. ഗ്രാമവാസികളെയും ചുറ്റുമുള്ള ഭൂമിയെയും സംരക്ഷിക്കാന് രാജാവ് ദേവനുമായി ഒരു ഉടമ്ബടി ഉണ്ടാക്കിയിരുന്നു, പക്ഷേ കാര്യങ്ങള് മറിച്ചായി. ഈ മനുഷ്യനും പ്രകൃതിയും തമ്മിലുള്ള യുദ്ധമാണ് സിനിമയുടെ കാതല്. ജൂണില് ഷൂട്ടിംഗ് ആരംഭിക്കാനാണ് പദ്ധതി. ഷൂട്ടിംഗിന്റെ ഒരു ഭാഗത്തിന് മഴക്കാലം ആവശ്യമാണ്, അടുത്ത വര്ഷം ഏപ്രില് അല്ലെങ്കില് മെയ് മാസത്തില് പാന് ഇന്ത്യന് റിലീസ് ചെയ്യാനാണ് ഞങ്ങള് ഉദ്ദേശിക്കുന്നത്. ഋഷഭ് ഷെട്ടി കര്ണാടകയിലുള്ള തീരപ്രദേശങ്ങളിലെ വനങ്ങളില് പോയിരിക്കുകയാണ്. നാടോടിക്കഥകളെക്കുറിച്ച് കൂടുതല് പഠിക്കാന് രണ്ട് മാസമായി അദ്ദേഹം വിശ്രമത്തിലാണ്. കാന്താര 2 വിന്റെ ബജറ്റ് വര്ദ്ധിപ്പിച്ചിട്ടുണ്ടെങ്കിലും സിനിമയുടെ ഭംഗി നഷ്ടപ്പെടാതിരിക്കാന് ആദ്യ ഭാഗത്തിന്റേതിന് സമാനമായ ശൈലിയും ആഖ്യാനവും ഛായാഗ്രഹണവും തന്നെയായിരിക്കും കാന്താര 2-നും’- വിജയ് കിരങ്ങണ്ടൂര് പറഞ്ഞു.