ലോസ് ഏഞ്ചല്സ്: ഓസ്കറിന് അര്ഹതയുള്ള സിനിമകളുടെ പട്ടികയില് ഇന്ത്യയില് നിന്നും ‘ആര്ആര്ആര്’, ‘ഗംഗുബായ് കത്യവാഡി’, ‘ദ കശ്മീര് ഫയല്സ്’, ‘കാന്താര’ എന്നീ ചിത്രങ്ങളും ഉള്പ്പെടും. അക്കാദമി ഓഫ് മോഷന് പിക്ചര് ആര്ട്സ് ആന്ഡ് സയന്സസ് പുറത്തിറക്കിയ 301 ഫീച്ചര് ഫിലിമുകളുടെ പട്ടികയിലാണ് ഇന്ത്യന് സിനിമകളും ഇടം നേടിയത്.
ഇന്ത്യയുടെ ഔദ്യോഗിക ഓസ്കര് എന്ട്രിയായ പാന് നളിന്റെ ‘ഛെല്ലോ ഷോ’ യും മറാത്തി സിനിമകളായ ‘മേ വസന്തറാവു’, ‘തുജ്യ സതി കഹി ഹി’, ആര് മാധവന്റെ ‘റോക്കട്രി: ദി നമ്ബി ഇഫക്റ്റ്’, ‘ഇരവിന് നിഴല്’, കന്നഡ ചിത്രം ‘വിക്രാന്ത് റോണ’ എന്നിവയും പട്ടികയില് ഇടം നേടിയിട്ടുണ്ട്. 10 വിഭാഗങ്ങളിലായാണ് ചിത്രങ്ങള് ഏറ്റുമുട്ടുക.
ഛെല്ലോ ഷോ’ മികച്ച അന്താരാഷ്ട്ര ചലച്ചിത്ര വിഭാഗത്തിലും ‘ആര്ആര്ആര്’ ലെ ‘നാട്ടു നാട്ടു’ എന്ന ഗാനം മികച്ച ഒറിജിനല് ഗാനവിഭാഗത്തിലും ഇടം നേടി. ‘ഓള് ദാറ്റ് ബ്രീത്ത്’ ഡോക്യുമെന്ററി ഫീച്ചര് ഷോര്ട്ട്ലിസ്റ്റിലും ‘ദി എലിഫന്റ് വിസ്പറേഴ്സ്’ ഡോക്യുമെന്ററി ഹ്രസ്വ വിഭാഗത്തിലും ഉള്പ്പെട്ടിട്ടുണ്ട്. ഇതാദ്യമായാണ് നോമിനേഷനുകള്ക്ക് മുന്പ് തന്നെ ഇന്ത്യ നാല് ഓസ്കര് ചുരുക്കപ്പട്ടികയില് ഇടം നേടുന്നത്.