തിരുവനന്തപുരം: ഇന്ത്യയില്‍ ആകെയുള്ള പാസ്പോര്‍ട്ടുകളുടെ 11.8 ശതമാനം കേരളത്തിലെന്ന് റിപ്പോര്‍ട്ട്. കേരളത്തിലെ ജനംസംഖ്യയില്‍ 31.6 ശതമാനം പേര്‍ക്ക് പാസ്പോര്‍ട്ടുണ്ടെന്നാണ് കണ്ടെത്തല്‍.
അതേസമയം, പാസ്പോര്‍ട്ട് ഉടമകളുടെ എണ്ണത്തില്‍ മലപ്പുറം മൂന്നാം സ്ഥാനത്താണ്. ജില്ലയില്‍ 1932622 പാസ്പോര്‍ട്ടുകളാണുള്ളത്. മുംബൈയും, ബംഗളൂരുവുമാണ് മലപ്പുറത്തിന് മുന്‍പിലുള്ളത്. ഇവിടെ യഥാക്രമം 3556067, 3463405 പാസ്പോര്‍ട്ടുകളാണ് നല്‍കിയിട്ടുള്ളത്.
കേരളത്തിന് പിന്നിലായി പാസ്പോര്‍ട്ടുകളുടെ എണ്ണത്തില്‍ മഹാരാഷ്ട്രയും തമിഴ്‌നാടുമാണുമുള്ളത്. തമിഴ്‌നാട്ടില്‍ ജനസംഖ്യയുടെ 12.7 ശതമാനത്തിനും, മഹാരാഷ്ട്രയില്‍ ജനംസംഖ്യയുടെ 8.4ശതമാനത്തിനുമാണ് പാസ്പോര്‍ട്ടുള്ളത്. 2022 ഡിസംബര്‍ എട്ടുവരെയുള്ള കണക്കുപ്രകാരം ഇന്ത്യയില്‍ 9.58 കോടി പാസ്പോര്‍ട്ട് ഉടമകളാണുള്ളത്.