തിരുവനന്തപുരം: ഭരണഘടനയെ അവഹേളിച്ചതിന്റെ പേരില് മന്ത്രിസ്ഥാനം രാജിവെച്ച സജി ചെറിയാന് വീണ്ടും മന്ത്രിസഭയിലേക്ക്. രാജ്ഭവനില് നടന്ന ചടങ്ങില് ഗവര്ണര് ആരിഫ് മുഹമ്മദ് ഖാന് സത്യവാചകം ചൊല്ലിക്കൊടുത്തു.
മുഖ്യമന്ത്രിയും മന്ത്രിമാരും കക്ഷി നേതാക്കളും ചടങ്ങില് പങ്കെടുത്തു. സഗൗരവമായിരുന്നു സത്യപ്രതിജ്ഞ. മുമ്പ് കൈകാര്യം ചെയ്ത വകുപ്പുകള് തന്നെ അദ്ദേഹത്തിന് ലഭിച്ചേക്കും.
അതേസമയം, പ്രതിപക്ഷം ചടങ്ങ് ബഹിഷ്കരിച്ചു. കെപിസിസി ഇന്ന് കരിദിനമായി ആചരിക്കുകയും ബിജെപി ഭരണഘടന സംരക്ഷണ ദിനമായി പ്രതിഷേധം സംഘടിപ്പിക്കുകയും ചെയ്തു.